୪ ନମ୍ବର ସ୍ଥାନକୁ ନେଇ ଏବେବି ତୁଟୁନି ଟିମ୍ ଇଣ୍ଡିଆର ଦ୍ୱନ୍ଦ୍ୱ, ଚିନ୍ତାରେ କୋହଲି ! ବିଜୟ, ଋଷଭ ନା ଦିନେଶ, କାହାକୁ ମିଳିବ ଆଗାମୀ ମ୍ୟାଚରେ ସ୍ଥାନ ?
କନକ ବ୍ୟୁରୋ : ଚଳିତ ବିଶ୍ୱକପର ଅଧା ଅଭିଯାନ ଶେଷ ହୋଇସାରିଲାଣି । ଆଉ ବିଶ୍ୱକପରେ ନିଜ ବିଜୟଧାରା ବଜାୟ ରଖିଛି ବିରାଟ ବାହିନୀ । ଭାରତ ଏପର୍ଯ୍ୟନ୍ତ ମୋଟ୍ ୫ଟି ମ୍ୟାଚ୍ ଖେଳିଥିବା ବେଳେ ୪ଟି ବିଜୟ ଏବଂ ଗୋଟିଏ ମ୍ୟାଚ୍ ବାତିଲ ହେବା କାରଣରୁ ୯ ପଏଣ୍ଟ ସହ ଟେବୁଲର ୩ ନମ୍ବର ସ୍ଥାନରେ ରହିଛି । କିନ୍ତୁ ପରବର୍ତ୍ତୀ ମ୍ୟାଚ୍ ଗୁଡିକ ପାଇଁ ଏବେ ଚିନ୍ତାରେ ପଡିଛନ୍ତି କ୍ୟାପଟେନ୍ କୋହଲି ।
Kanak News is now on WhatsApp
Join and get latest news updates delivered to you via WhatsApp
ଭାରତ ସେମିଫାଇନାଲର ନିକଟତର ହେଲାଣି ସତ, କିନ୍ତୁ ଗତ ଆଫଗାନିସ୍ତାନ ବିପକ୍ଷ ମ୍ୟାଚରେ ଟିମ୍ ଇଣ୍ଡିଆର ବ୍ୟାଟିଂ ପ୍ରଦର୍ଶନ ଦଳକୁ ଏବେ ଚିନ୍ତାରେ ପକାଇଛି । ବିଶେଷ କରି ଦଳ ଚୟନ ପୂର୍ବରୁ ଯେଉଁ ୪ ନମ୍ବର ସ୍ଥାନକୁ ନେଇ ଚର୍ଚ୍ଚା ହେଉଥିଲା, ସେହି ସ୍ଥାନ ଭାରତ ପାଇଁ ଏବେ ପୁଣି ଅଡୁଆ ସୃଷ୍ଟି କରିଛି । ବିଶ୍ୱକପ ଆରମ୍ଭରୁ ଏହି ସ୍ଥାନରେ ବ୍ୟାଟିଂ କରୁଥିଲେ କେଏଲ ରାହୁଲ । କିନ୍ତୁ ପ୍ରାରମ୍ଭିକ ବ୍ୟାଟ୍ସମ୍ୟାନ୍ ଶିଖର ଧାୱନ ଆହତ ହେବା ପରେ କେଏଲ ରାହୁଲ ଦଳରେ ଏବେ ଓପନିଂ ଭାର ସମ୍ଭାଳୁଛନ୍ତି । ଆଉ ରାହୁଲଙ୍କ ସ୍ଥାନରେ ବିଜୟ ଶଙ୍କର ୪ ନମ୍ବର ସ୍ଥାନରେ ଖେଳୁଛନ୍ତି ।
ସବୁଠାରୁ ବଡ କଥା ହେଉଛି, ବିଜୟ ଶଙ୍କରଙ୍କ ପ୍ରଦର୍ଶନକୁ ନେଇ ଏବେ ଚିନ୍ତାରେ ପଡିଛନ୍ତି ଅଧିନାୟକ କୋହଲି । ଆଉ ଆଗାମୀ ୱେଷ୍ଟଇଣ୍ଡିଜ୍ ବିପକ୍ଷ ମ୍ୟାଚରେ ବିଜୟ ଶଙ୍କରଙ୍କ ସ୍ଥାନରେ ଋଷଭ ପନ୍ଥ କିମ୍ବା ଦିନେଶ କାର୍ତ୍ତିକଙ୍କୁ ସୁଯୋଗ ମିଳିପାରେ ବୋଲି ଚର୍ଚ୍ଚା ହେଉଛି । ଗତ ଆଫଗାନିସ୍ତାନ ବିପକ୍ଷ ମ୍ୟାଚରେ ଭାରତ ବିଜୟୀ ହୋଇଥିଲା ସତ, କିନ୍ତୁ ଦଳର ବ୍ୟାଟିଂ ଦୁର୍ବଳତା ପଦାରେ ପଡିଥିଲା । ଏହି ମ୍ୟାଚରେ ସଂଘର୍ଷ କରି ଜିତିଥିଲା ଟିମ୍ ଇଣ୍ଡିଆ ।