ଅଘୋଷିତ ବିଜୁଳି କାଟ୍ ପାଇଁ ରାଜ୍ୟ ସରକାରଙ୍କୁ ଦାୟୀ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ବିଜେଡି କହିଲା ଅସୁବିଧା ସୁଧାରିବାକୁ ଚେଷ୍ଟା କରୁଛି ବିତରଣ କମ୍ପାନୀ
କନକ ବ୍ୟୁରୋ : ଗୋଟିଏ ପଟେ ରାଜ୍ୟରେ ଘଣ୍ଟା ଘଣ୍ଟା ଧରି ବିଜୁଳି କାଟକୁ ନେଇ ଜନ ଅସେନ୍ତାଷ ବଢ଼ି ବଢ଼ି ଚାଲିଛି । ଆଉ ଅନ୍ୟପଟେ ବିଜୁଳି କାଟକୁ ନେଇ ଜୋର ହୋଇଛି ରାଜନୈତିକ ବୟାନବାଜି । ବିଜୁଳି କାଟକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ରାଜ୍ୟ ସରକାରଙ୍କୁ ଟାର୍ଗେଟ କରି କହିଛନ୍ତି, ଓଡ଼ିଶାରେ ବିଚିତ୍ର କଥା ଦଖିବାକୁ ମିଳୁଛି । ବିଭାଗୀୟ ମନ୍ତ୍ରୀ, ସଚିବ ଓ ବିଜେଡି ନେତା ପରସ୍ପର ବିରୋଧୀ ମନ୍ତବ୍ୟ ଦେଉଛନ୍ତି । ଏହା ରାଜ୍ୟ ସରକାରଙ୍କ ଶାସନଗତ ବିଫଳତାର ଚରମ ନିଦର୍ଶନ । ଦୀପ ତଳ ଅନ୍ଧାର ଭଳି ଓଡ଼ିଶାରେ ଏତେ କୋଇଲା ଆଉ ଜଳ ଥିଲେ ମଧ୍ୟ ରାଜ୍ୟ ସରକାରଙ୍କ ଅବ୍ୟବସ୍ଥା କାରଣରୁ ଗର୍ଭନାନ୍ସ ଡେଫିସେନ୍ସି ଦେଖାଦେଇଛି । ସେହିପରି ମୁଖ୍ୟ ଶାସନ ସଚିବଙ୍କ ମନ୍ତବ୍ୟକୁ ନାପସନ୍ଦ କରିଛନ୍ତି କେନ୍ଦ୍ରମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
କାଳବୈଶାଖୀ ପରେ କଟକରେ ଘଂଟା ଘଂଟା ବିଜୁଳି କାଟ ହେବାକୁ ନେଇ, ଟାଟା ପାୱାର ଉପରେ ବର୍ଷିଛନ୍ତି ବରିଷ୍ଠ ବିଜେଡି ନେତା ତଥା କଟକ ମେୟର ସୁବାସ ସିଂ । କହିଛନ୍ତି, ଟାଟା ପାୱାର ଆହୁରି କ୍ରିୟାଶୀଳ ହେବା ଦରକାର । କାଳବୈଶାଖୀ ପାଇଁ ସ୍ୱତନ୍ତ୍ର ଟିମ୍ ରଖି ସମସ୍ୟାର ସମାଧାନ କରିବା ସହ କାମକୁ ତ୍ୱରାନ୍ୱିତ କରିବାର ଆବଶ୍ୟକତା ରହିଛି ।
ର୍ଧେମନ୍ଦ୍ର ରାଜ୍ୟ ସରକାରଙ୍କୁ ଦୋଷ ଦେବା ପରେ, ଜବାବ ରଖିଛନ୍ତି ବିଜେଡି ସାଂସଦ ଅମର ପଟ୍ଟନାୟକ । କହିଛନ୍ତି, ଧର୍ମେନ୍ଦ୍ର ପ୍ରଧାନ ନିଜ ସଫଳତା ଉପରେ ଟିକେ ବ୍ୟାଖ୍ୟା କରନ୍ତୁ । ମୁଖ୍ୟ ଶାସନ ସଚିବ ବୈଠକ ନେବା ପରେ, ଟାଟା ପାୱାର ତତ୍ପରତା ଦେଖାଇଛି । ବିପର୍ଯର୍୍ୟୟ ପୁନଃରୁଦ୍ଧାର ଯୋଜନା ଉପରେ କାମ କରୁଛି ।
ବିଜୁଳି କାଟକୁ ନେଇ ବିଜେପି ପକ୍ଷରୁ ପ୍ରେସମିଟ୍ କରି ରାଜ୍ୟ ସରକାର ଓ ଟାଟା ପାୱାରକୁ ସମାଲୋଚନା କରାଯାଇଛି । ଏଥିସହ ୧୪ ଓ ୧୫ତାରିଖରେ ରାଜ୍ୟର ସମସ୍ତ ଟାଟା ପାୱାର ଅଫିସ ଆଗରେ ବିକ୍ଷୋଭ ଓ ଧର୍ମଘଟ କରିବାକୁ ଚେତାବନୀ ଦେଇଛି ଦଳ ।