ଜାତିସଂଘରେ ଚୀନ ବିରୋଧରେ ଭୋଟ ଦେଲାନି ଭାରତ : ଚୀନର ସିନଜାଙ୍ଗରେ ମାନବ ଅଧିକାର ଉଲ୍ଲଙ୍ଘନ ଉପରେ ବିତର୍କ ପାଇଁ ଆସିଥିଲା ପ୍ରସ୍ତାବ
କନକ ବ୍ୟୁରୋ : ଜାତିସଂଘରେ ଚୀନ ବିରୋଧରେ ଭୋଟ ଦେବାରୁ ନିବୃତ ରହିଲା ଭାରତ । ଚୀନର ଉତର-ପଶ୍ଚିମ ସିନଜାଙ୍ଗ୍ ଅଞ୍ଚଳରେ ବିଶୃଙ୍ଖଳା ଏବଂ ଅଶାନ୍ତି ଲାଗିରହିଥିବା ବେଳେ ଏହା ଉପରେ ଏକ ବିତର୍କ କରିବାକୁ ଜାତିସଂଘରେ ପ୍ରସ୍ତାବ ଆସିଥିଲା । ଚୀନର ଏହି ସ୍ୱୟଂଶାସିତ ଅଞ୍ଚଳରେ ମାନବ ଅଧିକାର ଉପରେ ବିତର୍କ କରିବାକୁ ଆମେରିକା, କାନାଡା ଏବଂ ବ୍ରିଟେନ୍ ପ୍ରସ୍ତାବ ଆଣିଥିଲେ । ଏହି ପ୍ରସ୍ତାବଟି ନାକଜ ହୋଇଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
୪୭ ସଦସ୍ୟ ବିଶିଷ୍ଠ ସଂଘର ୧୭ ଜଣ ସଦସ୍ୟ ଏହି ପ୍ରସ୍ତାବକୁ ସମର୍ଥନ କରିଥିବା ବେଳେ ଚୀନ ସମେତ ୧୯ ସଦସ୍ୟ ଏହାକୁ ବିରୋଧ କରିଥିଲେ । କିନ୍ତୁ ଭାରତ, ବ୍ରାଜିଲ, ମେକ୍ସିକୋ ଏବଂ ୟୁକ୍ରେନ ସମେତ ୧୧ ଜଣ ଭୋଟ ଦେବାରୁ ନିବୃତ ରହିଥିଲେ । ପ୍ରସ୍ତାବ ଆସିବା ପୂର୍ବରୁ ଚୀନ ସତର୍କ କରାଇ କହିଥିଲା ଏବେ ଚୀନ ମାନବ ଅଧିକାର ଉଲଙ୍ଘନ କରୁଥିବା ଅଭିଯୋଗ ଆସିଛି, ଆଗାମୀ ଦିନରେ ଅନ୍ୟ ଦେଶଗୁଡିକ ବିରୋଧରେ ମଧ୍ୟ ଅଭିଯୋଗ ଆସିବ ।
ଆଜି ଚୀନକୁ ଟାର୍ଗେଟ କରାଯାଉଛି ଆଗାମୀ ଦିନରେ ଅନ୍ୟ ବିକାଶଶୀଳ ରାଷ୍ଟ୍ରଗୁଡିକୁ ଟାର୍ଗେଟ କରାଯିବ ବୋଲି କହିଥିଲେ ଚୀନର ଅଧିକାରୀ । ସୂଚନାଯୋଗ୍ୟ, ଗତ ଅଗଷ୍ଟ ୩୧ ତାରିଖରେ ଜାତିସଂଘ ପକ୍ଷରୁ ଚୀନର ସିନଜାଙ୍ଗ୍ ଅଂଚଳରେ ଗୁରୁତର ମାନବ ଅଧିକାର ଆଇନ ଉଲଙ୍ଘନ ହୋଇଥିବା ନେଇ ରିପୋର୍ଟ ପ୍ରକାଶ ପାଇଥିଲା ।