କନକ ବ୍ୟୁରୋ : ହରିଆଣା ରେବାଡି ଠାରେ ଥିବା ଏକ ଜୋତା ଦୋକାନରୁ ୪ ହଳ ଜୋତା ଚୋରି କରିଥିବା ଅଭିଯୋଗରେ ଲୁଟେରାଙ୍କୁ ୭ବର୍ଷ ଜେଲ ଦଣ୍ଡିରେ ଦଣ୍ଡିତ କରିଛନ୍ତି କୋର୍ଟ । କେବଳ ଜେଲ ଦଣ୍ଡ ନୁହେଁ ଅପରାଧୀଙ୍କ ଉପରେ କୋର୍ଟ ୪୧ ହଜାର ଟଙ୍କା ଜରିମାନା ଲଗାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ୨୦୨୧ ସେପ୍ଟେମ୍ବର ୧୨ ତାରିଖରେ ଜୋତା ଦୋକାନର ମାଲିକ ଅଶୋକ କୁମାର ରେବାଡି ମୋତି ଚୌକ ଠାରେ ଥିବା ନିଜର ଜୋତା ଦୋକାନରେ ବସିଥିଲେ । ଏତିକି ବେଳେ ବଞ୍ଜାରବାଡାରେ ରହୁଥିବା ଦୀପକ ଓ କାଳିଆ ଏକ ମୋଟାସାଇକେଲରେ ଆସି ଅଶୋକ କୁମାର ଓ ତାଙ୍କ ପଡୋସୀ ଦୋକାନୀଙ୍କୁ ଧମକ ଚମକ ଦେଇଥିଲା । ଏହାପରେ ଦୁଇଜଣ ଦୋକାନୀଙ୍କୁ ଅପରାଧୀମାନେ ବନ୍ଧୁକ ଦେଖାଇ ୮ ହଜାର ଟଙ୍କା ମୂଲ୍ୟର ୪ ହଳ ଜୋତା ନେଇ ଫେରାର ହୋଇଯାଇଥିଲେ । ଏହାପରେ ସହରର ଅନ୍ୟ ଏକ ଦୋକାନରୁ ମଧ୍ୟ ଚୋରି କରିଥିଲେ ।
ଏନେଇ ପୋଲିସରେ ଅଭିଯୋଗ ହେବା ପରେ କିଛି ଘଣ୍ଟା ମଧ୍ୟରେ ପୋଲିସ ଉଭୟ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଥିଲା । ଜୋତା ଚୋରି ମାମଲାରେ ମଜବୁତ ପ୍ରମାଣ ଓ ସାକ୍ଷୀଙ୍କ ବୟାନ ଆଧାରରେ କୋର୍ଟ ଉଭୟ ଅପରାଧୀଙ୍କୁ ୭ବର୍ଷ ଜେଲଦଣ୍ଡ ସହ ୪୧ ହଜାର ଟଙ୍କାର ଜରିମାନା ଲଗାଇଛନ୍ତି । ଜରିମାନା ଅନାଦେୟ ଅପରାଧୀଙ୍କୁ ଅଧିକ ୬ମାସ ଜେଲ ଦଣ୍ଡ ଭୋଗିବାକୁ ପଡିବ ବୋଲି ସ୍ଥାନୀୟ କୋର୍ଟର ବିଚାରପତି ଜଷ୍ଟିସ ସୁନିଲ କୁମାର ଗର୍ଗ ରାୟ ଶୁଣାଇଛନ୍ତି ।