ଇସ୍ରାଏଲ ନାଗରିକଙ୍କ ସୁରକ୍ଷା ପାଇଁ ଭାରତରେ କଡା ସୁରକ୍ଷା । ଅନେକ ସ୍ଥାନରେ ହାଇ ଆଲର୍ଟ ଜାରି
କନକ ବ୍ୟୁରୋ: ଇସ୍ରାଏଲ- ହମାସ୍ ଯୁଦ୍ଧ ଭିତରେ ଭାରତରେ ହାଇ ଆଲର୍ଟ ଜାରି ହୋଇଛି । ଭାରତରେ ଅବସ୍ଥାପିତ ଇସ୍ରାଏଲର କୂଟନୀତିଜ୍ଞ ଏବଂ ନାଗରିକଙ୍କ ସୁରକ୍ଷା ପାଇଁ ଭାରତରେ ସତର୍କସୂଚନା ଜାରି ହୋଇଛି । ତାଲିକାଭୁକ୍ତ ସମ୍ବେଦନଶୀଳ ସ୍ଥାନଗୁଡିକରେ ସୁରକ୍ଷା କଡାକଡି କରିବାକୁ ସଂଯୁକ୍ତ ସୁରକ୍ଷା ପ୍ରତିଷ୍ଠାନର ସୁରକ୍ଷାକୁ ମଜବୁତ୍ କରିବାକୁ ଆଲର୍ଟ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜାତିସଂଘର ଜନୈକ ମୁଖପାତ୍ର କହିଛନ୍ତି ଯେ, ଆଜି ଗାଜାର ସମସ୍ତ ଲୋକଙ୍କୁ ସେହି ସହର ପୁରା ଖାଲି କରି ସୁରକ୍ଷିତ ସ୍ଥାନକୁ ପଳାଇଯିବାକୁ ସତର୍କସୂଚନା ଦେଇଛନ୍ତି । ଏହା ଭବିଷ୍ୟତରେ ଯୁଦ୍ଧ ଆହୁରି ଗମ୍ଭୀର ରୂପ ନେବ ବୋଲି ସୂଚନା ମିଳିଛି । ଏହା ଭିତରେ ଇସ୍ରାଏଲରେ ଥିବା ଭାରତୀୟଙ୍କୁ ମଧ୍ୟ ଉଦ୍ଧାର କରାଯାଇ ଭାରତ ଫେରାଇଅଣାଯାଇଛି । ଅପରପକ୍ଷେ ଭାରତର କିଛି ସ୍ଥାନରେ ଇସ୍ରାଏଲ ବିରୋଧୀ ନାରା ଦିଆଯାଉଥିବା ଘଟଣା ଘଟିଥିବାବେଳେ ଭାରତରେ ରହୁଥିବା ଇସ୍ରାଏଲ ନାଗରିକଙ୍କ ସୁରକ୍ଷାକୁ ନିଶ୍ଚିତ କରିବାକୁ ସରକାର କଡା ସୁରକ୍ଷା ବ୍ୟବସ୍ଥା ଜାରି କରିଛନ୍ତି ।