ମୃତ ଗାଙ୍ଗପୁର ଆଇଆଇସିଙ୍କୁ ଛୁଟି ନେବା ପାଇଁ ଚାପ ପକାଉଥିଲେ ଏସଡିପିଓ: ଭାଇରାଲ ହେଲା କଥାବାର୍ତାର ଅଡିଓ କ୍ଲିପ୍
କନକ ବ୍ୟୁରୋ: ଗାଙ୍ଗପୁର ଆଇଆଇସି ମୃତ୍ୟୁ ଘଟଣାରେ ଏହିଭଳି ତିନି ଚାରୋଟି ଅଡିଓ କ୍ଲିପ୍ ଭାଇରାଲ ହେଉଛି । ଏହି କ୍ଲିପରେ ଭଞ୍ଜନଗର ଏସଡିପିଓ ଶୁଭ୍ରାଂଶୁ ଶେଖର ମିଶ୍ର, ଆଇଆଇସି ଦେବ କୁମାର ଗମାଙ୍ଗଙ୍କ ସ୍ୱାସ୍ଥ୍ୟବସ୍ଥାକୁ ନେଇ ବେଶ ଚିନ୍ତାରେ ଥିବାଭଳି ଜଣାପଡୁଛନ୍ତି । ସେ ବାରମ୍ବାର କହୁଛନ୍ତି ଗମାଙ୍ଗଙ୍କୁ ଛୁଟିରେ ନେଇ ଯାଆନ୍ତୁ ଏବଂ ସେ ଟିକେ ବିଶ୍ରାମ ନିଅନ୍ତୁ । ତାଙ୍କୁ ଡାକ୍ତରଙ୍କୁ ଦେଖାଇବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଏସଡିପିଓ ଶୁଭ୍ରାଂଶୁ ଶେଖର ମିଶ୍ର ଗମାଙ୍ଗଙ୍କ ପତ୍ନୀଙ୍କୁ ପରାମର୍ଶ ବି ଦେଉଛନ୍ତି ଯେ ଭୁବନେଶ୍ୱର ଯାଇ ଜଣେ ଭଲ ଡାକ୍ତର ଅଛନ୍ତି ତାଙ୍କୁ ଦେଖାନ୍ତୁ । ତାଙ୍କ ପତ୍ନୀ ବି ଗାମାଙ୍ଗଙ୍କ ମାନସିକ ଅବସ୍ଥା ନେଇ ଏସଡିପିଓଙ୍କ ସହ ସହମତ ଥିବା ଜଣାପଡୁଛି ।
ଆଉ ଏକ ଅଡିଓ କ୍ଲିପରେ କୁଆଡେ ଏସଡିପିଓ, ଆଇଆଇସି ଦେବ କୁମାର ଗମାଂଗଙ୍କ ସହ ମଧ୍ୟ କଥା ହେଉଛନ୍ତି । ଏଥିରେ ଆଇଆଇସି ଗମାଙ୍ଗ ଖାଲି ସାର ସାର କହୁଥିବା ଶୁଣାଯାଉଛି । ଗଞ୍ଜାମ ପୁଲିସର ବରିଷ୍ଠ ଅଧିକାରୀଙ୍କ ସ୍ୱର ଥିବା ଏକାଧିକ ଅଡିଓ କ୍ଲିପ ଭାଇରାଲ ହେବା ପରେ ଏମିତି ଏକାଧିକ ପ୍ରଶ୍ନ ଏବେ ସାମନାକୁ ଆସୁଛି । ଏସବୁର ଏକମାତ୍ର ଉଦେଶ୍ୟ ହେଉଛି, ମୃତ ଆଇଆଇସି ଗମାଙ୍ଗଙ୍କୁ ମାନସିକ ରୋଗୀ ଭାବେ ପ୍ରମାଣିତ କରିବା । କିନ୍ତୁ ଆପଣ ଲକ୍ଷ୍ୟ କରନ୍ତୁ ଗମାଙ୍ଗଙ୍କ ମୃତ୍ୟୁର ଠିକ୍ ପରେ ପରେ କଣ କହିଥିଲେ ତାଙ୍କ ପତ୍ନୀ ଓ ମା ।
ଭାଇରାଲ ଅଡିଓ ଓ ସତ୍ୟତା ଭିତରେ କିଛି ଗୋଟାଏ ଗଡବଡ ଥିବା ପରି ମନେ ହେଉଛି । ପ୍ରକୃତରେ ଆଇଆଇସିଙ୍କ ସ୍ୱାସ୍ଥ୍ୟବସ୍ଥାକୁ ନେଇ ଏସଡିପିଓ ଚିନ୍ତିତ ଥିଲେ ନା ନିଜର ସୁରକ୍ଷା ପାଇଁ ବ୍ୟସ୍ତ ହୋଇପଡିଛନ୍ତି ତାହା ଆଗକୁ ଜଣାପଡିବ ।