ବିବାଦ ଭିତରେ ଆରମ୍ଭ ହେଲା ରେଭେନ୍ସା ଫିଲ୍ମ ଫେଷ୍ଟିଭାଲ। ଛାତ୍ରଛାତ୍ରୀଙ୍କ ଧାରଣା ପରେ କର୍ତ୍ତୃପକ୍ଷଙ୍କ ଅନୁମତି।
କନକ ବ୍ୟୁରୋ: ପୋଲିସ ଉପସ୍ଥିତିରେ ଚାଲିଛି ରେଭେନ୍ସା ଫିଲ୍ମ ଫେଷ୍ଟିଭାଲ-୨୦୨୩ ।ଅନେକ ବାଦବିବାଦ ଭିତରେ ଫିଲ୍ମ ଫେଷ୍ଟିଭାଲ ଆରମ୍ଭ ହୋଇଛି । ତେବେ ଫିଲ୍ମ ଫେଷ୍ଟିଭାଲ ଭିତରେ ବିବାଦ ଆଶଙ୍କା କରି ବ୍ୟାପକ ପୋଲିସ ମୁତୟନ କରାଯାଇଛି । ଫିଲ୍ମ ଫେଷ୍ଟିଭାଲରେ ସତ୍ୟଜିତ ରାୟଙ୍କ ପାଥେର ପାଞ୍ଚାଲି ପ୍ରଦର୍ଶିତ ହୋଇଥିବା ବେଳେ ଗେ’ ଇଣ୍ଡିଆ ମାଟ୍ରିମୋନି ଏବଂ ହଦ୍ ଅନହଦ୍ ପ୍ରଦର୍ଶିତ ହୋଇନାହିଁ । ପ୍ରଦର୍ଶିତ ତାଲିକାରେ ସ୍ଥାନ ପାଇଥିବା କିଛି ଫିଲ୍ମକୁ ନେଇ ବିବାଦ ବଢିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହାରି ଭିତରେ ଯେଉଁ ଛାତ୍ରଛାତ୍ରୀ ଫିଲ୍ମ ସପକ୍ଷରେ ଅଛନ୍ତି ସେମାନେ କୁଳପତିଙ୍କ କାର୍ଯ୍ୟାଳୟ ସମ୍ମୁଖରେ ରାସ୍ତାରେ ପ୍ରତିବାଦ କରି ଲେଖିଛନ୍ତି । ଗତକାଲି କୌଣସି କାରଣ ନଦର୍ଶାଇ ହଠାତ ଫିଲ୍ମ ଫେଷ୍ଟିଭାଲ ଆୟୋଜନକୁ ବାତିଲ୍ କରିଦେଇଥିଲେ ରେଭେନ୍ସା ବିଶ୍ୱବିଦ୍ୟାଳୟ କୁଳପତି । ଏହାକୁ ବିରୋଧ କରି ପ୍ରତିବାଦରେ ବସିଥିଲେ ଛାତ୍ରଛାତ୍ରୀ । ଏକ ପ୍ରତିନିଧିମଣ୍ଡଳ ଏ ସମ୍ପର୍କରେ କୁଳପତିଙ୍କ ସହ ଆଲୋଚନା ବି କରିଥିଲେ । ଏସବୁ ଭିତରେ ଆଜି ପୁଣି ଆରମ୍ଭ ହୋଇଛି ରେଭେନସା ଫିଲ୍ମ ଫେଷ୍ଟିଭାଲ-୨୦୨୩ ।