କନକ ବ୍ୟୁରୋ: ସାରା ଦେଶରେ ଏବେ କୋଭିଡର ତୃତୀୟ ଲହର ଚାଲିଛି । ଗତ ୭ ଦିନ ହେଲା ରାଜ୍ୟରେ ୧୦ରୁ ୧୧ ହଜାର ପଜିଟିଭ୍ କେସ୍ ସାମ୍ନାକୁ ଆସୁଛି । ତେବେ ଓମିକ୍ରନ୍ ପାଇଁ ହିଁ ସଂକ୍ରମଣ ବୃଦ୍ଧି ପାଇଛି । ହେଲେ ଏଥିରେ ଲୋକମାନେ ଭୟଭୀତ ହେବାର କୌଣସି କାରଣ ନାହିଁ । ବୁଧବାର ରାଜ୍ୟବାସୀଙ୍କୁ ସମ୍ବୋଧିତ କରି ଏପରି କହିଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ।
Kanak News is now on WhatsApp
Join and get latest news updates delivered to you via WhatsApp
#ଆଉ_କିଛି_ଦିନ_ଗୁରୁତ୍ୱପୂର୍ଣ୍ଣ
ରାଜ୍ୟର କୋଭିଡ୍ ସ୍ଥିତି ନେଇ ମୁଖ୍ୟ ଶାସନ ସଚିବଙ୍କ ସୂଚନା । ଦେଖନ୍ତୁ କ’ଣ କହିଲେ ମୁଖ୍ୟ ଶାସନ ସଚିବ । #OdishaFightsCoronavirus #Covid19 #MaskUpOdisha pic.twitter.com/PPjzk19B5o— Kanak News (@kanak_news) January 19, 2022
ସେ ଆହୁରି ମଧ୍ୟ କହିଛନ୍ତି ଯେ, ଗତକାଲି ମୁଖ୍ୟମନ୍ତ୍ରୀ କୋଭଇଡ୍ ସ୍ଥିତି ନେଇ ସମୀକ୍ଷା କରିଥିଲେ । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ମାତ୍ର ୭ ଦିନ ଭିତରେ ରାଜ୍ୟର ସମସ୍ତ କୋଭିଡ୍ ହସ୍ପିଟାଲକୁ ପ୍ରସ୍ତୁତ କରାଯାଇଛି । ହେଲେ ଏବେ ମାତ୍ର ୨ ପ୍ରତିଶତ କୋଭିଡ୍ ରୋଗୀ ହସ୍ପିଟାଲରେ ଭର୍ତ୍ତି ହେଉଛନ୍ତି । ରାଜ୍ୟର ହସ୍ପିଟାଲ ଗୁଡିକ ଏବେ ଯଥେଷ୍ଟ ଭାବେ ଫାଙ୍କା ଅଛି । ତେଣୁ କେହି ବି ଲୋକ ଭୟଭୀତ ହୁଅନ୍ତୁ ନାହିଁ ବୋଲି ମୁଖ୍ୟ ଶାସନ ସଚିବ ସୁରେଶ ମହାପାତ୍ର । ତେବେ କେହି ବି ଲୋକ ଗହଳି ସ୍ଥାନକୁ ଯାଆନ୍ତୁ ନାହିଁ । କୋଭିଡ୍ ଗାଇଡଲାଇନର ସଠିକ୍ ପାଳନ କରିବାକୁ ମୁଖ୍ୟ ଶାସନ ସଚିବ ପରାମର୍ଶ ଦେଇଛନ୍ତି ।