କଟକ ବ୍ୟୁରୋ,କନକ ନ୍ୟୁଜ୍ : ସାହାରା ମୁଖ୍ୟ ସୁବ୍ରତ ରୟଙ୍କ କଟକ କାର୍ଯ୍ୟକ୍ରମ ବାତିଲ । ପୁଲିସର ୧୪୪ ଧାରାକୁ ସମ୍ମାନ ଜଣାଇ ଜାଗା ଛାଡିଲେ ଏଜେଂଟ ଓ ଅଧିକାରୀ । ଆଜି କଟକ ଇନଡୋର ଷ୍ଟାଡିୟମରେ ସାହାରା ଏଜେଂଟ ଓ ଅଧୀକାରୀଙ୍କୁ ସମ୍ବୋଧିତ କରିଥାନ୍ତେ ସୁବ୍ରତ ରୟ । ମାଙ୍କ ଦେହାନ୍ତ ପାଇଁ ପାରୋଲରେ ଥିବା ସୁବ୍ରତ ରୟ କମ୍ପା କମ୍ପାନୀର ବ୍ୟବସାୟ ସଂପ୍ରସାରଣ ନେଇ କର୍ମଚାରୀଙ୍କୁ ପ୍ରୋତ୍ସାହିତ କରିଥାନ୍ତେ । ତେବେ ଆଇନ ଶୃଙ୍ଖଳା ବିଗିଡିବା ଆଶଙ୍କାରେ ସମାବେଶ ସ୍ଥଳରେ ୧୪୪ ଧାରା ଜାରି କରାଯାଇଥିଲା । କଟକରେ ମିଟିଂ ନକରିବାକୁ ସୁବ୍ରତଙ୍କୁ ନୋଟିସ ଜାରି କରିଥିଲା କ୍ରାଇମବ୍ରାଂଚ । ସେପଟେ ଗତକାଲିଠୁ ଭୁବନେଶ୍ୱର ଆସି ମେ ଫେୟାରରେ ଥିବା ସୁବ୍ରତ ରୟଙ୍କ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । କ୍ଷୁଦ୍ର ନିବେଶକଙ୍କ ନିକଟରୁ ବେଆଇନ ଭାବେ କୋଟି କୋଟି ଟଙ୍କା ସଂଗ୍ରହ କରିବା ଅଭିଯୋଗରେ ୨୦୧୪ ମାର୍ଚ୍ଚ ୪ ତାରିଖରୁ ସେ ତିହାର ଜେଲରେ ଥିଲେ । କିନ୍ତୁ ନିକଟରେ ତାଙ୍କ ମାଆଙ୍କ ଦେହାନ୍ତ ହେବାରୁ ସୁପ୍ରିମକୋର୍ଟ ତାଙ୍କୁ ୪ ସପ୍ତାହ ପାରୋଲରେ ଛାଡିଥିଲେ ।