କନକ ବ୍ୟୁରୋ: ଶ୍ରୀ ଜଗନ୍ନାଥ ପରିକ୍ରମା ପ୍ରକଳ୍ପକୁ ବିରୋଧ କରି ସୋସିଆଲ ମିଡିଆରେ ଚାଲିଥିବା କ୍ୟାମ୍ପେନରେ ଯୋଡି ହେଇଛି ରାଜ୍ୟ ବିଜେପି । ସଭାପତି ସମୀର ମହାନ୍ତି ‘ସେଭ୍ ଶ୍ରୀମନ୍ଦିର ପୁରୀ’ ହ୍ୟାସଟ୍ୟାଗରେ ଚାଲିଥିବା ପ୍ରଚାରରେ ସାମିଲ ହୋଇ ୭ ଦିନିଆ କାର୍ଯ୍ୟକ୍ରମ ଘୋଷଣା କରିଛନ୍ତି । ୧୪ ତାରିଖରୁ ଆରମ୍ଭ କରି ୨୦ ତାରିଖ ପର୍ଯ୍ୟନ୍ତ ଶ୍ରୀମନ୍ଦିର ବଂଚାଅ ଅଭିଯାନରେ ଯୋଗ ଦେଇ ବିଭିନ୍ନ ଉପାୟରେ ମନ୍ଦିର ଓ ସଂସ୍କୃତିକୁ ରକ୍ଷା କରିବା ପାଇଁ ଆହ୍ୱାନ ଦେଇଛନ୍ତି । ସଭାପତିଙ୍କ ଟୁଇଟ ପରେ ଏଥିରେ ଯୋଡି ହୋଇଯାଇଛନ୍ତି ଦଳର ଅନ୍ୟ ଚେହେରା ।
Kanak News is now on WhatsApp
Join and get latest news updates delivered to you via WhatsApp
କିଛିଦିନ ପୂର୍ବରୁ ପୁରୀ ଐତିହ୍ୟ କରିଡରରେ ବେନିୟମ କାମ ହେଉଥିବା ଅଭିଯୋଗ କରି ଶାସକଦଳ ଉପରେ ବର୍ଷଥିଲେ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । କିନ୍ତୁ ସେତେବେଳ ଦଳୀୟ ଫୋରମରୁ କୈାଣସି ନେତା ଏ ବାବଦରେ ମୁହଁ ଖୋଲି ନଥିଲେ । ଆଉ ଏବେ ହଠାତ ଶ୍ରୀମନ୍ଦିର ସୁରକ୍ଷା ଦାବିରେ ବିଜେପିର ଏହି ଆନ୍ଦୋଳନ, ରାଜ୍ୟ ରାଜନୀତିରେ ଚର୍ଚ୍ଚାର ବିଷୟ ପାଲଟିଛି ।
ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ପୁରୀ ପ୍ରକଳ୍ପ ନିୟମ ଅନୁଯାୟୀ ହେଉ ନଥିବା ନେଇଏଏସଆଇ ଡିଜିଙ୍କୁ ଭେଟି ଅଭିଯୋଗ କରିଥିଲେ । ସଂସଦରେ ଏହି ପ୍ରସଙ୍କ ଉଠାଇଥିଲେ, କିନ୍ତୁ ଆଶ୍ଚର୍ଯ୍ୟର କଥା ସେ ସମୟରେ ରାଜ୍ୟର ଜଣେ ମଧ୍ୟ ନେତା ଅପରାଜିତାଙ୍କ ସମର୍ଥନରେ ବାହାରିନଥିଲେ । ବିଜେଡି କହିଛି, ବିଜେପିର ଆଭିମୁଖ୍ୟ ସ୍ପଷ୍ଟ ନୁହେଁ ।
ପୁରୀ ଐତିହ୍ୟ ପ୍ରକଳ୍ପ କାମକୁ ନେଇ ରାଜନୈତିକ ଲଢେଇ ଚାଲିଥିବା ବେଳେ କିନ୍ତୁ ମନ୍ଦିର ରକ୍ଷଣା ବେକ୍ଷଣା ଓ ସୁରକ୍ଷା ଦାୟିତ୍ୱରେ ଥିବା ଦୁଇ ସଂସ୍ଥା ଏଏସଆଇ ଓ ଏନଏମଏ । ଆଉ ଏହାରି ଭିତରେ ଖନନ ଓ ନିର୍ମାଣ କାର୍ଯ୍ୟ ମଧ୍ୟ ଜାରି ରହିଛି । ତେଣୁ ବିଜେପିର ଏହି ସୋସିଆଲ ମିଡିଆ କ୍ୟାମ୍ପେନ ପ୍ରକୃତରେ କରିଡରକୁ ବିରୋଧ କରିବାକୁ ନା କେବଳ ଜନ ସମର୍ଥନ ହାସଲ କରିବାକୁ ତାହାକୁ ନେଇ ପ୍ରଶ୍ନ ଉଠିଛି ।