ଲୋକଙ୍କ ଆକ୍ରୋସରେ ଶିକାର ହେଲେ ଶ୍ରୀଲଙ୍କା ରାଷ୍ଟ୍ରପତି, ବାସଭବନ ଛାଡି ପଳାଇଥିବା ସୂଚନା
କନକ ବ୍ୟୁରୋ : ଥରେ ଜନତା ରାଗିଲେ ସେମାନେ କେଉଁ ସ୍ତରକୁ ଯାଇ ପାରନ୍ତି ତାହାର ଉଦାହରଣ ଆଜି ଦେଖିବାକୁ ମିଳିଛି ପଡୋଶୀ ରାଷ୍ଟ୍ର ଶ୍ରୀଲଙ୍କାରେ । ଏଠାରେ ଦୀର୍ଘଦିନ ହେବ ଆର୍ଥିକ ସ୍ଥିତି ଓ ମହାଙ୍ଗା ମାଡରେ ଅସ୍ତବ୍ୟସ୍ତ ଲୋକ ଆଜି ସିଧା ସଳଖ ରାଷ୍ଟ୍ରପତି ଗୋଟାବାୟା ରାଜପକ୍ଷେଙ୍କୁ ତାଙ୍କ ବାସଭବନରେ ଘେରିଥିଲେ । ଏହାପରେ ରାଷ୍ଟ୍ରପତି ତାଙ୍କ ବାସଭବନ ଛାଡି କେଉଁଆଡେ ପଳାଇଯାଇଥିବା କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉ କି ଆର୍ଥିକ ସଂକଟ ସହ ସଂଘର୍ଷ କରୁଥିବା ଶ୍ରୀଲଙ୍କାର ଅବସ୍ଥା ଦିନକୁ ଦିନ ଖରାପ ହେବାରେ ଲାଗିଛି । ଏନେଇ ଶ୍ରୀଲଙ୍କାର ନାଗରିକମାନେ ଶନିବାର ଦିନ ରାଷ୍ଟ୍ରପତି ଗୋଟାବାୟାଙ୍କ ବାସଭବନ ଘେରିବା ସହ ପ୍ରଦର୍ଶନ କରିଥିଲେ । ଏହାପରେ ରାଷ୍ଟ୍ରପତି ତାଙ୍କ ବାସଭବନ ଛାଡି କୁଆଡେ ପଳାଇଥିବା କଥା ଶ୍ରୀଲଙ୍କା ରକ୍ଷା ବିଭାଗ ଦାବି କରିଛି ।
କୁହାଯାଉଛି କି ଶନିବାର ଦିନ ପ୍ରଦର୍ଶନକାରୀମାନେ ଗୋଟାବାୟାଙ୍କ ବାସଭବନ ନିକଟରେ ପହଂଚି ଭଙ୍ଗାରୁଜା କରିଥିଲେ । ସେମାନେ ଗୋଟାବାୟାଙ୍କ ଇସ୍ତଫା ଦାବି କରିଥିଲେ । ଏସବୁ ଭିତରେ ଗୋଟାବାୟା କେଉଁଆଡେ ପଳାଇ ଯାଇଥିବା କୁହାଯାଇଛି ।
ସେପଟେ ଶୁକ୍ରବାର ଦିନ ଶ୍ରୀଲଙ୍କାରେ ଅନିଶ୍ଚିନ୍ତ କାଳ ପାଇଁ କର୍ଫ୍ୟୁ ଲଗାଯାଇଥିଲା । ଏହାସହ ସେନାକୁ ବି ଜାଗ୍ରତ କରିଥିଲେ ଶ୍ରୀଲଙ୍କା ସରକାର । ଶ୍ରୀଲଙ୍କା ପୋଲିସ ପ୍ରମୁଖ ଚନ୍ଦନା ବିକ୍ରମ ରତନେ କହିଛନ୍ତି କି ରାଜଧାନୀ କଲମ୍ବୋ ଓ ତାର ଆଖପାଖ ଅଞ୍ଚଳରେ ହଜାର ହଜାର ପ୍ରଦର୍ଶନକାରୀ ପ୍ରବେଶ କରିବା ଫଳରେ ଶୁକ୍ରବାର ରାତିରେ କର୍ଫ୍ୟୁ ଲଗାଯାଇଥିଲା ।