କମିଲା ଇଂଟରନ୍ୟାସନାଲ ଇନକମିଂ କଲ ଉପରେ ଲାଗୁ ହେଉଥିବା ଚାର୍ଜ ! ଜାଣନ୍ତୁ ଟ୍ରାଇର ଏଭଳି ନିଷ୍ପତିରେ କଣ ହୋଇପାରେ କ୍ଷତି
ଫେବୃୟାରୀ ପହିଲାରୁ ଟ୍ରାଇ ବିଦେଶୀ ଇନକମିଂ କଲ ଉପରେ ଇଂଟରନ୍ୟାସନାଲ ଟର୍ମିନେସନ ଶୁଳ୍କକୁ ୫୩ ପଇସାରୁ କମାଇ ୩୦ ପଇସା ପ୍ରତି ମିନିଟ୍ ହିସାବରେ ନେବାକୁ ନିଷ୍ପତି ନେଇଛି । ଯାହାର ଏକମାତ୍ର ଉଦ୍ଦେଶ୍ୟ ହେଲା, ଫର୍ଜି ଆଇଏସଡି କଲ ଦ୍ୱାରା ଅବୈଧ ରୋଜଗାର ସହିତ ଦେଶର ସୁରକ୍ଷାରେ ବାଧା ସୃଷ୍ଟି କରୁଥିବା ବେଆଇନ ଏଜେନ୍ସିଙ୍କ ଉପରେ ଅଙ୍କୁଶ ଲଗାଇବା । ହେଲେ ଟ୍ରାଇର ଏଭଳି ନିଷ୍ପତି ଦ୍ୱାରା ଟେଲିକମ କଂପାନୀମାନଙ୍କୁ ବି କ୍ଷତି ସହିବାକୁ ପଡିପାରେ । ତେବେ ଆସନ୍ତୁ ଏସଂପର୍କରେ ଅଧିକ ସୂଚନା ।
Kanak News is now on WhatsApp
Join and get latest news updates delivered to you via WhatsApp
ଲାଭ କ୍ଷତି ବିଷୟରେ ଜାଣିବା ପୂର୍ବ ପ୍ରଥମେ ଆପଣ ଜାଣି ରଖିବା ଉଚିତ କି ଇଂଟରନ୍ୟାସନାଲ ଟର୍ମିନେସନ କଣ ? ତେବେ ଟେଲିକମ କଂପାନୀମାନେ ଗ୍ରାହକଙ୍କ ନିକଟରେ କଲ ପହଂଚାଇବା ପାଇଁ ସେହି ସମସ୍ତ ବିଦେଶୀ ଅପରେଟରଙ୍କ ଠାରୁ ଇଂଟରନ୍ୟାସନାଲ ଟର୍ମିନେସନ ଚାର୍ଜ ତଥା ଆଇଟିସି ଆଦାୟ କରିଥାନ୍ତି ଯେଉଁସବୁ କଂପାନୀମାନଙ୍କ ନେଟୱର୍କରୁ କଲ ଆସିଥାଏ ।
ଟ୍ରାଇର ନିର୍ଦ୍ଦେଶାନୁସାରେ, ଏଭଳି ନିଷ୍ପତି ନେବାର ମୁଖ୍ୟ ଉଦ୍ଦେଶ୍ୟ ହେଲା କି, ବେଆଇନ କାରବାର ଚଳାଉଥିବା ଏଜେନ୍ସିଙ୍କ ଉପରେ ଅଙ୍କୁଶ ଲଗାଇବା । କାରଣ କିଛି ଏଜେନ୍ସି ଇଂଟରନେଟରେ ଅବୈଧ ବିଓଆଇପି ତଥା ଭଏସ ଓଭର ଇଂଟରନେଟ ପ୍ରୋର୍ଟକଲ ଜରିଆରେ ଭାରତୀୟ ଗ୍ରାହକମାନଙ୍କୁ ଆଇଏସଡି କଲର ସେବା ଦେଇ ରଖିଥାନ୍ତି ଏବଂ ଅବୈଧ ମୁନାଫା ମଧ୍ୟ କମାଇଥାନ୍ତି । ଯାହାକୁ ଦୃଷ୍ଟିରେ ରଖି ଟ୍ରାଇ ଏଭଳି ନିଷ୍ପତି ନେଇଛି ।
ଲାଭ ଏବଂ କ୍ଷତି
ଟ୍ରାଇର ଏହି ନିଷ୍ପତି ଦ୍ୱାରା ସାଧାରଣତଃ ତିନୋଟି ପ୍ରମୁଖ ଟେଲିକମ କଂପାନୀ ତଥା ଭାରତୀ ଏୟାରଟେଲ, ଭୋଡାଫୋନ ଇଣ୍ଡିଆ ଏବଂ ଆଇଡିଆ ସେଲ୍ୟୁଲାରକୁ ଏକ ଶକ୍ତ ଝଟକା ଲାଗିବା ସୁନିଶ୍ଚିତ । କାହିଁକି ନା, ଅଧିକାଂଶ ଇଂଟରନ୍ୟାସନାଲ କଲ ଏହିସବୁ କଂପାନୀମାନଙ୍କ ନେଟସ୍ୱର୍କରୁ ହିଁ ଆସିଥାଏ । ତେବେ ଟର୍ମିନାଲ ଦର ହ୍ରାସ ପାଇବା ଦ୍ୱାରା ଏହିସବୁ କଂପାନୀମାନଙ୍କ ରୋଜଗାର ଉପରେ ଗଭୀର ପ୍ରଭାବ ପଡିବ ।