ଖାଇବା ସମୟ କହି ଲୋକଙ୍କୁ ଅପେକ୍ଷା କରାଇପାରିବେନି କୌଣସି ବି ବ୍ୟାଙ୍କ କର୍ମଚାରୀ । ଜାଣନ୍ତୁ ବ୍ୟାଙ୍କରେ ଜଣେ ଗ୍ରାହକଙ୍କୁ ମିଳିଥାଏ କେଉଁ ସବୁ ଅଧିକାର
ସେ ଗରିବଟିଏ ହେଉ ଅବା ଧନୀ, ସଭିଏଁ ନିଜ ନିଜର ପୁଂଜିକୁ ସୁରକ୍ଷିତ ରଖିବା ପାଇଁ ବ୍ୟାଙ୍କରେ ଜମା ରଖିଥାନ୍ତି । ଆଉ ବ୍ୟାଙ୍କ ମଧ୍ୟ ଅନୁରୂପ ଭାବେ ଲୋକଙ୍କର ଭରସାକୁ କେବେ ଭାଙ୍ଗିବାକୁ ଦେଇନଥାଏ । ଲୋକଙ୍କ ଅମାନତକୁ ହେପାଜତର ସହ ନିଜ ପାଖରେ ରଖିବା ସହ ଅସୁବିଧା ସମୟରେ ଲୋକଙ୍କୁ ସାହାର୍ଯ୍ୟ ମଧ୍ୟ କରିଥାଏ । ଏପରିକି କମ୍ ସୁଧରେ ବି ଅସୁବିଧାରେ ପଡିଥିବା ଲୋକଙ୍କୁ ଆର୍ଥିକ ସହାୟତା ଯୋଗାଇ ଦେଇଥାଏ । ହେଲେ ଅନେକ ସମୟରେ କିଛି ବ୍ୟାଙ୍କ କର୍ମଚାରୀଙ୍କ ମନମୁଖୀ କାର୍ଯ୍ୟକଳାପ ପାଇଁ ସାଧାରଣ ଗ୍ରାହକଙ୍କୁ ନାନା ପ୍ରକାରର ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ଏପରିକି ବିନା କାରଣରେ ଲୋକଙ୍କୁ ମଧ୍ୟ ଘଂଟା ଘଂଟା ଧରି ଲମ୍ବା ଲାଇନରେ ଠିଆହେବାକୁ ପଡିଥାଏ । କିନ୍ତୁ ବ୍ୟାଙ୍କ କର୍ମଚାରୀମାନଙ୍କର ଏଭଳି କାର୍ଯ୍ୟ ଅବୈଧ ଅଟେ । କୌଣସି ବି କର୍ମଚାରୀ ବାହାନା ଦେଖାଇ ଲୋକଙ୍କୁ ଦୀର୍ଘ ସମୟ ଧରି ବ୍ୟାଙ୍କରେ ଅଟକାଇ ପାରିବେ ନାହିଁ । ଆଜି ଆମେ ଆପଣଙ୍କୁ ବ୍ୟାଙ୍କ ସହ ଜଡିତ ଏଭଳି ହିଁ କିଛି ନିୟମ କାନୁନ୍ ବିଷୟରେ ଅବଗତ କରାଇବୁ ଯାହାକି ଆପଣ ଜାଣିବା ନିହାତି ଦରକାର ।
Kanak News is now on WhatsApp
Join and get latest news updates delivered to you via WhatsApp
ଲଂଚ ଟାଇମ୍ କହି କାମ ବନ୍ଦ କରିପାରିବେ ନାହିଁ
ସକାଳ ୧୦ଟାରୁ ସନ୍ଧ୍ୟା ୪ଟା ପର୍ଯ୍ୟନ୍ତ ବିନା ଲଂଚ ବ୍ରେକରେ ସେବା ଯୋଗାଇ ଦେବା ପ୍ରତିଟି ବ୍ୟାଙ୍କର ପ୍ରଥମ କର୍ତ୍ତବ୍ୟ । ବ୍ୟାଙ୍କ ଅଧିକାରୀ ଜଣେ ଜଣେ କରି ଲଂଚ କରିପାରିବେ । ଏହି ସମୟରେ ନର୍ମାଲ ଟ୍ରାନଜାକସନ ଚାଲୁ ରହିବା ଦରକାର ।
-ଅଧିକାଂଶ ପବ୍ଲିକ ସେକ୍ଟରର ବ୍ୟାଙ୍କ ଗୁଡିକରେ ଲଂଚ ଟାଇମର ବୋର୍ଡ ଲଗାଇଦିଆଯାଇଥାଏ । ଲଂଚ ଆଳରେ ବ୍ୟାଙ୍କ ଅଧିକାରୀମାନେ ଗ୍ରାହକଙ୍କୁ ଘଂଟା ଘଂଟା ଧରି ଠିଆ କରିଦିଅନ୍ତି । ଯେବେକି ନିୟମ ମୁତାବକ, ଏଭଳି କରିପାରିବେ ନାହିଁ ।
-ଲଂଚ ବ୍ରେକରେ ବ୍ୟାଙ୍କ ବନ୍ଦ କରିପାରିବେ ନାହିଁ ଏବଂ ଗ୍ରାହକଙ୍କୁ ବାହାରେ ଅପେକ୍ଷା କରିବାକୁ କହିପାରିବେ ନାହିଁ ।
-କାଉଂଟରରେ କଷ୍ଟମରଙ୍କୁ ଆଟେଣ୍ଡ କରିବା ପାଇଁ ସବୁବେଳେ କେହି ନା କେହି କର୍ମଚାରୀ ରହିବା ଦରକାର ।
-୧୧୧ କିମ୍ବା ୨୨୨୨ ଭଳି କୌଣସି ଡିନୋମିନେସନରେ ଡିପୋଜିଟ ନେବାକୁ କୌଣସି ବି ବ୍ୟାଙ୍କ ମନା କରିପାରିବେ ନାହିଁ । ଡିପୋଜିଟ ନେବା ପାଇଁ ଏଭଳି ପ୍ରକାରର କୌଣସି ବି ଗାଇଡଲାଇନ ନାହିଁ ।
ଗ୍ରାହକଙ୍କୁ ବ୍ୟାଙ୍କ କି ଅଧିକାର ଦେଇଛି
-ଚେକ୍ କଲେକ୍ସନରେ ବିଳମ୍ବ ହେଲେ , ଗ୍ରାହକଙ୍କୁ ବ୍ୟାଙ୍କରୁ କ୍ଷତିପୂରଣ ପାଇବାର ଅଧିକାର ରହିଛି ।
-କଷ୍ଟମରଙ୍କର ଆକାଉଂଟ ସହ ଜଡିତ ଥିବା ଅନଅଥରାଇଜଟ ଟ୍ରାନଜାକସନ ପାଇଁ ବ୍ୟାଙ୍କ ଗ୍ରାହକଙ୍କୁ ଦାୟୀ କରିପାରିବ ନାହିଁ ।
-କେବଳ ସ୍ଥାୟୀ ଠିକଣା ନଥିବା କାରଣରୁ କୌଣସି ବି ବ୍ୟାଙ୍କ ଆପଣଙ୍କର ଆକାଉଂଟ ଖୋଲିବାକୁ ମନା କରିପାରିବେ ନାହିଁ ।
-ଗ୍ରାହକମାନଙ୍କର ବ୍ୟକ୍ତିଗତ ସୂଚନାକୁ ଗୋପନୀୟ ରଖିବା ବ୍ୟାଙ୍କର ପ୍ରାଥମିକ ଦାୟିତ୍ୱ । ବ୍ୟାଙ୍କ ଏହାକୁ କାହା ସହ ବି ସେୟାର କରିପାରିବେ ନାହିଁ ।
-ଜାତି, ଧର୍ମ, ଲିଙ୍ଗ ଆଧାରରେ ବ୍ୟାଙ୍କ କୌଣସି ବ୍ୟକ୍ତିଙ୍କ ସହ ଭେଦଭାବ କରିପାରିବ ନାହିଁ ।
-କୌଣସି ବି ବ୍ୟକ୍ତି ଏନଇଏଫଟି ଜରିଆରେ ୫୦ ହଜାର ଟଙ୍କା ପର୍ଯ୍ୟନ୍ତ ରକମ ଟ୍ରାନ୍ସଫର କରିପାରିବେ ।