ଗୀତାଶାଳରେ ରାହୁଲ ! ଆରଏସଏସ୍ ଓ ବିଜେପିକୁ ଟକ୍କର ଦେବାକୁ କଂଗ୍ରେସ ଉପାଧ୍ୟକ୍ଷ ଚୟନ କଲେ ଧର୍ମର ମାର୍ଗ
କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି ଏବେ ବେଦ ଉପନିଷଦ ପଢିବା ଆରମ୍ଭ କରି ଦେଇଛନ୍ତି । ରାଷ୍ଟ୍ରିୟ ସ୍ୱୟଂ ସେବକ ସଂଘ ଏବଂ ଭାରତୀୟ ଜନତା ପାର୍ଟିକୁ କଡା ଟକ୍କର ଦେବା ପାଇଁ ରାହୁଲ ଗାନ୍ଧି ଏଭଳି କରୁଛନ୍ତି । ତେବେ ଏକଥା ଆମେ କହୁନାହୁଁ ବରଂ ଏକଥାକୁ ଖୋଦ ରାହୁଲ ଗାନ୍ଧି ସ୍ୱୀକାର କରି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦଳ କର୍ମକର୍ତ୍ତାଙ୍କୁ ସମ୍ବୋନ୍ଧିତ କରିବାକୁ ଯାଇ ରାହୁଲ ଗାନ୍ଧି କହିଛନ୍ତି କି, ‘ଆଜିକାଲି ମୁଁ ଗୀତା ଏବଂ ଉପନିଷଦ ପଢୁଛି ଯାହାଦ୍ୱାରା ଆରଏସଏସ୍ ଏବଂ ବିଜେପି ସହ ଲଢିପାରିବି’ । ରାହୁଲ୍ ପୁଣି ମଧ୍ୟ କହିଛନ୍ତି, ‘ମୁଁ କିଛି ଆରଏସଏସର ସଦସ୍ୟଙ୍କୁ ପ୍ରଶ୍ନ କରିଥିଲି କି ବନ୍ଧୁ ଆପଣ ଜନତାଙ୍କ ଉପରେ ଅନେକ ଅତ୍ୟାଚାର କରୁଛନ୍ତି କିନ୍ତୁ ଉପନିଷଦରେ ତ ଉଲ୍ଲେଖ ରହିଛି କି ସମସ୍ତ ମନୁଷ୍ୟ ସମାନ ଅଟନ୍ତି । ଯାହାର ଅର୍ଥ ହେଲା କି ଆପଣ ନିଜେ ନିଜର ଧର୍ମରେ ଦର୍ଶାଯାଇଥିବା କର୍ମର ବିପରୀତ ଭାବେ ପାଳନ କରୁଛନ୍ତି’ ।
ରାହୁଲଙ୍କ ଅଭିଯୋଗ ରହିଛି, ବିଜେପି ସଂପୂର୍ଣ୍ଣ ଭାବେ ଭାରତକୁ ବୁଝିପାରିନାହିଁ । ସେ କେବଳ ଆରଏସଏସର ମୁଖ୍ୟାଳୟ ନାଗପୁରକୁ ହିଁ ଭାରତ ବୋଲି ଭାବି ନେଇଛି । ଏଥିସହିତ ପ୍ରଧାନମନ୍ତ୍ରୀ ମୋଦିଙ୍କୁ ରାହୁଲ କଟାକ୍ଷ୍ୟ କରି କହିଛନ୍ତି କି, ବିଶ୍ୱର ସମସ୍ତ ଜିନିଷ ତଥା ସମସ୍ତ ପ୍ରସଙ୍ଗ ମୋଦିଙ୍କଠାରୁ ସୃଷ୍ଟି ହୋଇଛି ଏବଂ ମୋଦିଙ୍କଠାରେ ହିଁ ଶେଷ ହେବ ବୋଲି ବିଜେପିର କର୍ମକର୍ତ୍ତାମାନେ ଭାବୁଛନ୍ତି । କିନ୍ତୁ ତାଙ୍କର ଏଭଳି ଚିନ୍ତାଧାରା ଯେତେ ଆଶ୍ଚର୍ଯ୍ୟକର ସେତିକି ମଧ୍ୟ ହାସ୍ୟାସ୍ପଦ ଅଟେ ।
ଏହାସହ ମଧ୍ୟ ପଢନ୍ତୁ- ନମ୍ବର ‘୮’ ପ୍ରତି ମୋଦିଙ୍କର ଥିବା ଅହେତୁକ ପ୍ରେମ ପଛରେ କଣ ରହିଛି ରହସ୍ୟ ? ଜାଣନ୍ତୁ