ଦାରିଦ୍ର୍ୟତା କାରଣରୁ ଏଠି ବିବାହ ପାଇଁ ବିକ୍ରୀ ହେବାକୁ ବାଧ୍ୟ ହୁଅନ୍ତି ଝିଅ
‘ବିବାହ ତ ମୋର ଜଣେ ଯୁବକଙ୍କ ସହ ହୋଇଥିଲା କିନ୍ତୁ ସେଠାକୁ ଯିବା ପରେ ତାଙ୍କ ପରିବାର ବାକି ସଦସ୍ୟମାନେ ମୋ ସହିତ ଖରାପ କାମ କରୁଥିଲେ । କୌଣସି ଉପାୟରେ ମୁଁ ସେଠାରୁ ଲୁଚି ପଳାଇ ଆସିଲି ଆଉ ଏବେ ମୁଁ ସେଠାକୁ ଯିବାକୁ ଚାହୁଁନି’ । କୋହଭରା କଣ୍ଠରେ ଏଭଳି କିଛି କଥା କୁହନ୍ତି ହରିୟାଣାରେ ବିବାହ ପରେ ନିଜ ଗାଁ ଛିପିଆକୁ ଲୁଚି ଚାଲିଆସିଥିବା ‘ନିଶା’ ।
Kanak News is now on WhatsApp
Join and get latest news updates delivered to you via WhatsApp
ଏହି କାହାଣୀଟି କେବଳ ନିଶାଙ୍କର ନୁହେଁ, ବରଂ ନିଶାଙ୍କ ଭଳି ଏପରି ଅନେକ ଝିଅ ରହିଛନ୍ତି ଯିଏ କି ନିଜର ଗରିବୀ ଓ ଅଜ୍ଞାନତା କାରଣରୁ ଅନ୍ଧାରରେ ବଂଚିବାକୁ ବାଧ୍ୟ ହେଉଛନ୍ତି । ଆହ୍ଲାବାଦ ଜନପଦଠାରୁ ପାଖାପାଖି ୪୫ କିଲୋମିଟର ଦୂରରେ ଅବସ୍ଥିତ ଶଙ୍କରଗଡର ଛିପିଆ, ରମନା, ବୁଦ୍ଧନଗର, ବଦାମା ଗାଁ, ହଡହି, ଜନୱା ଏବଂ ସିଦ୍ଧପୁର ଭଳି ପାହାଡିଆ ଅଂଚଳର ଲୋକମାନଙ୍କ ଜୀବନ ଖନନ କାରବାରଦ୍ୱାରା ଚାଲିଥାଏ । କାମ କଲେ ସେମାନଙ୍କ ଘରେ ଚୁଲି ଜଳିଥାଏ ନହେଲେ ନାହିଁ ।
ସରକାର ଅଧିକାଂଶ ସଂଖ୍ୟାରେ ଅବୈଧ ଖନନ ହେଉଥିବା କାରଣରୁ ଖନନ ଉପରେ ରୋକ ଲଗାଇଦେଇଥିଲେ । ଯାହାଦ୍ୱାରା କି ଏଠିକାର ଲୋକମାନଙ୍କର ଜୀବନ ରାଜରାସ୍ତାକୁ ଚାଲି ଆସିଛି । କାରଣ ଭଲରେ ଦୁଇ ଓଳି ଖାଇବାକୁ ଏମାନଙ୍କ ନିକଟରେ ସାମର୍ଥ ନାହିଁ ଆଉ ତା ଉପରେ ପୁଣି ଝିଅର ବିବାହକୁ ଏମାନଙ୍କ ପାଇଁ କୌଣସି ବୋଝରୁ କମ୍ ନୁହେଁ ।
ତେଣୁ ଦାରିଦ୍ର୍ୟତା କାରଣରୁ ଏମାନେ ଝିଅମାନଙ୍କର ବିବାହ ହରିୟାଣା ଏବଂ ବିହାର ଭଳି ରାଜ୍ୟରେ କରିଦେଇଥାନ୍ତି । ଯେଉଁଥି ପାଇଁ ଏହି ଅଂଚଳମାନଙ୍କରେ ଦଲାଲମାନେ ବହୁତ ସକ୍ରିୟ ଅଟନ୍ତି । ଖାଲି ସେତିକି ନୁହେଁ ଲୋକେ ଏଠାରେ ଗରିବ ହୋଇଥାନ୍ତି ସତ କିନ୍ତୁ ଯଉତୂକ ମାଗିବାରେ ଟିକେ ହେଲେବି ହେଳା କରିନଥାନ୍ତି । ଯଉତୂକ ଦେବାରେ ଅସମର୍ଥ ଯୋଗୁଁ ଲୋକେ ଝିଅର ବିବାହ ବାହାରେ କରିବାକୁ ବାଧ୍ୟ ହୋଇଥାନ୍ତି । କାରଣ ବାହାରେ ବିବାହ କରିବାଦ୍ୱାରା ବିବାହ ସମୟରେ ଯେଉଁ ଖର୍ଚ୍ଚ ହୋଇଥାଏ ତାହା ବର ପକ୍ଷ ବହନ କରିବା ସହିତ ଅଲଗା ୨୫ ହଜାର ଟଙ୍କା ଝିଅଘର ଲୋକଙ୍କୁ ମିଳିଥାଏ ।
ସ୍ଥାନୀୟ ଲୋକଙ୍କର କହିବା କଥା ହେଲା, ଏଠିକାର ଲୋକମାନଙ୍କର ସବୁଠାରୁ ବଡ ସମସ୍ୟା ହେଉଛି ଦାରିଦ୍ର୍ୟତା । ଝିଅ ବିବାହର ଖର୍ଚ୍ଚ ଉଠାଇବାରେ ଅସମର୍ଥ କାରଣରୁ ହରିୟାଣାରେ ସେମାନଙ୍କର ବିବାହ କରିଦେଇଥାନ୍ତି । ଏଥିରେ ଝିଅଘର ବାଲା ପୁଅଘର ଲୋକମାନଙ୍କ ବିଷୟରେ କିଛି ବି ଜାଣିନଥାନ୍ତି । ଝିଅ ସେଠାରେ ଯାଇଥାଏ ତ କିନ୍ତୁ ତାକୁ ସାମ୍ନା କରିବାକୁ ପଡିଥାଏ ଅନେକ ସମସ୍ୟା । କିଛି ଝିଅ ତ ସେଠାରେ ନିଜକୁ ଚଳାଇ ନେଇଥାନ୍ତି ମାତ୍ର କିଛି ସେଠାରୁ ଲୁଚି ପଳାଇ ଆସିଥାନ୍ତି ଏବଂ ଆଉ କିଛି ଝିଅ ଲୋକଲଜ୍ଜାକୁ ଡରି ଆତ୍ମହତ୍ୟା ଭଳି ରାସ୍ତାକୁ ଚୟନ କରିଦିଅନ୍ତି ।
ଏସଂପର୍କରେ ଶଙ୍କରଗଡ ଥାନାର ଏସଏଚଓ ଅମିତ ମିଶ୍ରଙ୍କ କହିବା କଥା ହେଲା, ଏସମ୍ବନ୍ଧରେ ସେମାନଙ୍କ ନିକଟକୁ କୌଣସି ବି ଅଭିଯୋଗ ଆସିନାହିଁ । ଯଦି କେହି ମହିଳା ସେମାନଙ୍କ ପାଖାରେ ଅଭିଯୋଗ କରନ୍ତି କି ତାଙ୍କର ବିବାହ ଜବରଦସ୍ତ କରି ଦିଆଯାଉଛି ତେବେ ସେମାନେ ଏହା ଉପରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିବେ ।
ସୌଜନ୍ୟ: ଗାଁକନେକସନ୍