ବଜାରକୁ ଆସିଲା ନୂଆ ସିମ୍ ! ବର୍ଷକ ପର୍ଯ୍ୟନ୍ତ ଗ୍ରାହକଙ୍କୁ ମିଳିବ ସବୁକିଛି ମାଗଣା । କିଣିବାକୁ ଚାହୁଁଛନ୍ତି କି, ତେବେ ପଢନ୍ତୁ ପୂରା ଖବର
ଶସ୍ତା କିମ୍ବା ମାଗଣା ସେବା କିମ୍ବା ଡାଟା ଦେବା ଭଳି ଖବର ଆସିଲେ ସଭିଁଙ୍କ ମନରେ ଜିଓ ତଥା ମୁକେଶ ଅମ୍ବାନୀଙ୍କ କଥା ହିଁ ସର୍ବ ପ୍ରଥମେ ଆସିଥାଏ । କାରଣ ଜିଓ ସବୁବେଳେ କିଛି ନା କିଛି ଆକର୍ଷଣୀୟ ଅଫରମାନ ଲଂଚ କରି ଲୋକଙ୍କୁ ଆକୃଷ୍ଠ କରିବାରେ ବ୍ୟସ୍ତ ଥାଏ । ଯାହାର ବଡ ଉଦାହରଣ ହେଉଛି ଆପଣ ବ୍ୟବହାର କରୁଥିବା ଜିଓ ସିମ୍ । ତେବେ ଟେଲିକମ ଜଗତରେ ହଇଚଇ ସୃଷ୍ଟି କରିଥିବା ରିଲାଏନ୍ସ ଜିଓକୁ ଟକ୍କର ଦେବାକୁ ମଧ୍ୟ ଅନେକ କଂପାନୀ ଆଗେଇ ଆସିଛନ୍ତି । ଏୟାରଟେଲ, ଆଇଡିଆ, ଭୋଡାଫୋନ ଏପରିକି ବିଏସଏନଏଲ ସମେତ ବାବା ରାମଦେବଙ୍କ ପତଂଜଳୀ ମଧ୍ୟ ଏଥିରେ ସାମିଲ ।
Kanak News is now on WhatsApp
Join and get latest news updates delivered to you via WhatsApp
ଇତି ମଧ୍ୟରେ ପୁଣି ଏକ ନୂଆ କଂପାନୀର ସିମକାର୍ଡ ଖୁବ୍ ଶୀଗ୍ର ବଜାରରକୁ ଆସୁଛି, ଯାହାକି ଜିଓ ସହ ଲଢିବାକୁ କୌଣସି ବ୍ରହ୍ମାସ୍ତ୍ରଠାରୁ କମ ନୁହେଁ । ଆଜ୍ଞା ହଁ ! ଠିକ୍ ଏଭଳି ହିଁ ଏହି ସିମକାର୍ଡର ବିଶେଷତ୍ୱ ରହିଛି । ଯାହାକି ଜିଓ ସହ ମୁକାବିଲା କରିବାକୁ ପୂରାପୂରି ପ୍ରସ୍ତୁତ । ଏବେ ଖାଲି ଦେଖିବାକୁ ବାକି ରହିଛି ଏହି ସିମ ଜିଓ ସାମ୍ନାରେ କିଭଳି ତିଷ୍ଠି ପାରୁଛି । ଯେବେଠାରୁ ଭାରତରେ ଜିଓ ସିମ୍ ଲଂଚ ହୋଇଛି, ସେବେଠାରୁ ଆରମ୍ଭ କରି ଆଜି ପର୍ଯ୍ୟନ୍ତ ଆମେ ସମସ୍ତେ ଶସ୍ତା ୪ଜି ସୁବିଧାର ମଜା ଉଠାଉଛନ୍ତି । ଜିଓ କାରଣରୁ ବାକି ସବୁ ଟେଲକମ କଂପାନୀମାନେ ବି ଶସ୍ତା ଅଫରମାନ ଲଂଚ କରିବାକୁ ବାଧ୍ୟ ହେଉଛନ୍ତି ।
କିନ୍ତୁ ଜିଓର ଉପଭୋକ୍ତାଙ୍କ ସଂଖ୍ୟା ବହୁତ ଅଧିକ ବୃଦ୍ଧିପାଇବା କାରଣରୁ ଏବେ ଜିଓ ଗ୍ରାହକଙ୍କୁ ୪ଜି ନେଟଓର୍କର ସ୍ପିଡ ଭଲ ଭାବରେ ମିଳିପାରୁନାହିଁ । ଲୋକଙ୍କୁ ଏଥିପାଇଁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଛି । କିନ୍ତୁ ଏବେ ଏକ ନୂଆ କଂପାନୀ ନିଜ ସିମକାର୍ଡ ଲଂଚ କରିବାକୁ ଯାଉଛି ଆଉ ଏହି କଂପାନୀ ଜିଓଠାରୁ ବହୁଗୁଣା ଭଲ ସେବା ଯୋଗାଇ ଦେବାକୁ ମଧ୍ୟ ଦାବି କରିଛି ।
ତେବେ ଏହି ନୂଆ କଂପାନୀଟି ହେଉଛି ‘ମୋବଲ’ । ଏହି କଂପାନୀ ଏକାସାଥିରେ ସମସ୍ତ ଦେଶମାନଙ୍କରେ ଲଂଚା କରାଯିବ । ଏହି କଂପାନୀର ସିମକାର୍ଡର ସବୁଠାରୁ ବଡ ବିଶେଷତ୍ୱ ହେଲା କି, ଏହି ସିମଟି ସବୁ ନେଟୱର୍କରେକାମ କରିବ । ଅର୍ଥାତ୍ ଆପଣଙ୍କ ଆଖପାଖରେ ଯେଉଁ କଂପାନୀର ବି ଟାୱାର ଥିବ ଏହି ସିମ ସେହି ଟାୱାରରୁ ନେଟୱର୍କ ନେଇଯିବ । ପ୍ରଥମେ ଗୋଟିଏ ବର୍ଷ ପର୍ଯ୍ୟନ୍ତ ଉଭୟ ଇଂଟରନେଟ ଏବଂ କଲିଂର ସୁବିଧା ମାଗଣାରେ ମିଳିବ ।