ମାମ୍ନାକୁ ଆସିଲା ଶର୍ମିଷ୍ଠା ରାଉତଙ୍କ ଷ୍ଟିଙ୍ଗ ଭିଡ଼ିଓ: ମାନସଙ୍କୁ ହତ୍ୟା କରିବା ପରେ ଭୁବନେଶ୍ୱରରେ ମାସେ ଯାଏଁ ବୁଲୁଥିଲେ ଶର୍ମିଷ୍ଠା
କନକ ବ୍ୟୁରୋ: ସାମ୍ନାକୁ ଆସିଛି ଶର୍ମିଷ୍ଠା ରାଉତଙ୍କ ଷ୍ଟିଙ୍ଗ ଭିଡିଓ । କ୍ୟାମେରାମ୍ୟାନ ମାନସଙ୍କୁ ହତ୍ୟା କରିବା ପରେ ପ୍ରାୟ ମାସେ ଧରି ଭୁବନେଶ୍ୱରରେ ଲୁଚି ବୁଲୁଥିଲେ ଶର୍ମିଷ୍ଠା ରାଉତ । ଏକ ମେମୋରୀ ଚିପକୁ ନେଇ ଏହି ସୁଚିନ୍ତିତ ହତ୍ୟାକାଣ୍ଡ ଘଟାଇବା ପରେ ମଧ୍ୟ ପୋଲିସ ନଜରରୁ ବର୍ତିବାରେ ସମର୍ଥ ହେଉଥିଲେ । ଜାଣିଲେ ଆଶ୍ଚର୍ଯ୍ୟ ହେବେ ମେମୋରୀ ଚିପଟି ହାତେଇବା ପାଇଁ ମାନସଙ୍କଠାରୁ ଏକ ଅଣ୍ଡରଟେକିଂ ଲେଖାଇ ନେଇଥିଲେ ଶର୍ମିଷ୍ଠା । ଆଉ ସେହି ଅଣ୍ଡରଟେକିଂ ବଳରେ ମେମୋରୀ ଚିପଟି ହାତେଇ ନେବାରେ ସମର୍ଥ ହେଲେ । ଯାହା ଷ୍ଟିଙ୍ଗ ଭିଡିଓରେ ଶର୍ମିଷ୍ଠାଙ୍କ ସ୍ୱରରୁ ଜଣାପଡୁଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ତେବେ କଥା ଉଠୁଛି ମେମୋରୀ ଚିପଟି ହାତେଇବା ପରେ ମାନସଙ୍କୁ ରାସ୍ତାରୁ ହଟାଇ ଦେବାକୁ ହତ୍ୟା ଷଡଯନ୍ତ୍ର କରିଥିଲେ କି ଶର୍ମିଷ୍ଠା ରାଉତ । ମେମୋରୀ ଚିପରେ ଥିବା ଡାଟା କାଳେ ଆଉ କେଉଁଠି ରଖିଥିବେ ମାନସ, ସେଥିପାଇଁ ତାଙ୍କୁ ହତ୍ୟା କରିବାକୁ ବନାଇଥିଲେ ପୁରା ମାଷ୍ଟର ପ୍ଲାନ । ତେବେ ଏହି ମେମୋରୀ ଚିପରେ କଣ ଥିଲା । କାହିଁକି ଶର୍ମିଷ୍ଠାଙ୍କ ପାଇଁ ଏତେ ଗୁରୁତ୍ୱପୂର୍ଣ୍ଣ ଥିଲା ମାନସଙ୍କ ହେପାଜତରେ ଥିବା ମେମୋରୀ ଚିପଟିକୁ ହାତେଇବା । ଏହାଠାରୁ ଗୁରୁତ୍ୱପୂର୍ଣ୍ଣ କଥା ହେଲା ମାନସଙ୍କୁ ହତ୍ୟା କରିବା ପରେ ପୋଲିସ ଜେରାର ସମ୍ମୁଖୀନ ହୋଇମଧ୍ୟ ଭୁବନେଶ୍ୱରରେ ଲୁଚିଥିଲେ ଶର୍ମିଷ୍ଠା ।
ପ୍ରାୟ ମାସେ ଧରି ଭୁବନେଶ୍ୱରରେ ଲୁଚି ରହିଥିଲେ ବି ପୋଲିସ ତାଙ୍କ ଟେର ପାଉନଥିଲା କେମିତି । ଏହି ଭିଡିଓଟି ମାର୍ଚ୍ଚ ୩ ତାରିଖ ପୂର୍ବରୁ ରେକର୍ଡ କରାଯାଇଥିବା ଜଣାପଡିଛି । ମାର୍ଚ୍ଚ ୧୨ ତାରିଖରେ ପୋଲିସକୁ ମାନଙ୍କ ମୃତଦେହ ମିଳିଥିଲା । ଏହାପରେ ହତ୍ୟା ମାମଲାରେ ଜୋରଦାର ଖୋଳତାଡ ଆରମ୍ଭ ହେଲା ବେଳକୁ ପୋଲିସ ଆଖିରେ ଧୁଳିଦେଇ ଫେରାର ହୋଇସାରିଥିଲେ ଶର୍ମିଷ୍ଠା ରାଉତ ।