ସହିଦ ବୀର ପୁଅ ଶଶାଙ୍କକୁ ଖୋଜୁଛି ଜନ୍ମମାଟି । ପୁଅକୁ ମନେ ପକାଇ ଏବେ ବି କାନ୍ଦୁଛନ୍ତି ବୁଢୀ ମା, ସ୍ତ୍ରୀ ଓ ପିଲା ଛୁଆ ।
କନକ ବ୍ୟୁରୋ: ୭୫ ତମ ସ୍ୱାଧୀନତା ଦିବସ ପାଳନ ଅବସରରେ ଦେଶ ବୀର ଯବାନଙ୍କ ଅମର ଗାଥାକୁ ମନେ ପକାଉଛି । ସେମିତି ଜଣେ ସହିଦ ଶଶାଙ୍କ ଶେଖର ସାମଲଙ୍କୁ ମନେ ପକାଉଛି ଯାଜପୁର ଧର୍ମଶାଳା ବ୍ଲକର କ୍ଷେତ୍ରପାଳ ଗାଁ, ମନେ ପକାଉଛନ୍ତି ମାଆ, ସ୍ତ୍ରୀ, ଭାଇ-ଭଉଣୀ ଓ ପ୍ରିୟଜନ । ଗତ ଫେବୃଆରୀ ଫେବୃଆର ୧୮ ତାରିଖରୁ ପୁଅ ସହିଦ ହୋଇଯାଇଛନ୍ତି କିନ୍ତୁ ଏଯାଏଁ ମାଆ ସଂଧ୍ୟାରାଣୀଙ୍କ ଆଖୁରୁ ଶୁଖିନି ଲୁହ ।
Kanak News is now on WhatsApp
Join and get latest news updates delivered to you via WhatsApp
ସାନପୁଅକୁ ମନେ ପକାଇ କୁହନ୍ତି. ମୋ ପୁଅ ମୋର ହୋଇ ରହିଲା ନାହିଁ, ମୋ କୋଳକୁ ଖାଲି କରି ସାରା ଦେଶର ପୁଅ ହୋଇଗଲା । ସେହିଭଳି ସହିଦୀଙ୍କ ପତ୍ନୀ କୁହନ୍ତି, ସମସ୍ତେ ବୀରପତ୍ନୀ ହୋଇପାରନ୍ତି ନାହିଁ । ତେଣୁ ସେ ଗର୍ବ କରନ୍ତି, କିନ୍ତୁ ତାଙ୍କ ବିନା କେମିତି ବଞ୍ଚିବେ, କୁନି ପୁଅକୁ କେମିତି ଭଲ ମଣିଷଟିଏ କରିବେ ତାକୁ ନେଇ ଚିନ୍ତା କରନ୍ତି । ସହିଦ ଶଶାଙ୍କ ବାପା ଯଦୁନାଥ ସାମଲ ସ୍ଥଳସେନାରେ ଚାକିରିି କରିଥିଲେ । ବାପାଙ୍କୁ ଦେଖି ସେନା ବାହିନୀରେ ସାମିଲ ହେବାକୁ ପିଲାଟି ଦିନକୁ ପଣ କରନ୍ତି ଶଶାଙ୍କ ଶେଖର । ୨୦୧୦ରେ ଆର୍ମିରେ ଟେକନିକାଲ ଆସିଷ୍ଟାଣ୍ଡ ଭାବେ ଯୋଗ ଦିଅନ୍ତି । ଏହାପରେ ୨୦୧୬ରେ ସସ୍ମିତାଙ୍କ ସହ ତାଙ୍କର ବିବାହ ହୁଏ, ଅଢେଇ ବର୍ଷ ପରେ କୁନି ପୁଅର ବାପା ହୁଅନ୍ତି ଶଶାଙ୍କ ।
ବେଶ ହସଖୁସିରେ ଆଗକୁ ବଢୁଥିଲା ଶଶାଙ୍କଙ୍କ ପରିବାର । ଗତବର୍ଷ ଅଗଷ୍ଟ ମାସରେ ଘରକୁ ଆସିଥିଲେ, ଯିବା ବେଳେ କଥା ଦେଇଥିଲେ ୨୦୨୧ ଫେବୃଆରୀ ୨୨ ତାରିଖରେ ପୁଣି ଛୁଟିରେ ଆସିବେ । କଥା ରଖି ଫେବୃଆରୀ ଆସିଲେ ହେଲେ ଜୀବିତ ନୁହେଁ ସହିଦ ହୋଇ ଘରକୁ ଫରିଥିଲା ଶଶାଙ୍କ ଶେଖରଙ୍କ ପାର୍ଥିବ ଶରୀର । ସହିଦ ହେବା ବେଳକୁ ସ୍ଥଳସେନାର ଇଲେକଟ୍ରିକାଲ ମେଣ୍ଟେନାନସ ଇଂଜିନିୟର ଭାବେ ଲଦାଖରେ କାର୍ଯ୍ୟରତ ଥିଲେ ଶଶାଙ୍କ ଶେଖର । ଗତ ଫେବୃଆରୀ ୧୮ରେ ଲଦାଖ ଘାଟିରୁ ଫେରୁଥିବା ବେଳେ ଆତଙ୍କାବଦୀଙ୍କ ଗୁଳିର ଶିକାର ହୋଇ ପ୍ରାୟ ୫ଶହ ଫୁଟ ତଳକୁ ଖସି ପଡିଥିଲା ଶଶାଙ୍କ ଶେଖରଙ୍କ ଗାଡି, ସହିଦ ହୋଇଥିଲେ ଯାଜପୁରର ଏହି ବୀରପୁତ୍ର । ଆଉ ସେବେଠାରୁ ସହିଦଙ୍କୁ ଝୁରୁଛି ଜନ୍ମମାଟି ଝୁରୁଛନ୍ତି ପରିବାର ।