୧୨୯ ଜଣ ଯାତ୍ରୀଙ୍କୁ ଧରି କାବୁଲରୁ ଉଡାଣ କଲା ଏୟାର ଇଣ୍ଡିଆର ଶେଷ ଫ୍ଲାଇଟ, ରାତି ସୁଦ୍ଧା ଦିଲ୍ଲୀରେ ପହଂଚିବା ନେଇ ଆକଳନ
କନକ ବ୍ୟୁରୋ : ଆଫଗାନିସ୍ତାନରେ ସଂକଟ ଘନେଇବା ଫଳରେ କାବୁଲରେ ଥିବା ଭାରତୀୟ ମାନଙ୍କୁ ଫେରାଇ ଆଣିବାକୁ ସରକାର ଚେଷ୍ଟା ଜାରୀ ରଖିଛନ୍ତି । ଏହି କ୍ରମରେ ଏୟାର ଇଣ୍ଡିଆର ଶେଷ ଫ୍ଲାଇଟ ୧୨୯ ଜଣ ଭାରତୀୟଙ୍କୁ ଧରି ଉଡାଣ କରିଛି । ଏହି ବିମାନ ରାତି ସୁଦ୍ଧା ଦିଲ୍ଲୀରେ ପହଂଚିବ ବୋଲି ଆକଳନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି, ଆଜି ଆଫଗାନିସ୍ତାନର ରାଜଧାନୀ କାବୁଲକୁ ତାଲିବାନ ଦଖଲ କରିନେବା ପରେ ସହରର ସୁରକ୍ଷା ବିପନ୍ନ ହୋଇଛି । ହେଲେ କାବୁଲ ଏୟାରପୋର୍ଟ ଏବେ ଆମେରିକା ସେନା ଦଖଲରେ ରହିଛି । ହେଲେ ଆଫଗାନିସ୍ତାନ ଏୟାର ଲାଇନ ଅସୁରକ୍ଷିତ ହୋଇ ପଡିବାରୁ ବେସାମରିକ ବିମାନ ଚଳାଇବା ବିପଦପୂର୍ଣ୍ଣ ହୋଇପଡିଛି । ଏସବୁକୁ ନଜରରେ ରଖି ଏୟାର ଇଣ୍ଡିଆର ଶେଷ ବ୍ୟବସାୟିକ ବିମାନ କାବୁଲରୁ ଉଡାଣ ଆରମ୍ଭ କରିଛି । ଏହା ରାତି ସୁଦ୍ଧା ଦିଲ୍ଲୀରେ ପହଂଚିବ । ଏହି ବିମାନରେ ୧୨୯ ଜଣ ଯାତ୍ରୀ ଥିବା ବେଳେ, ଅଧିକାଂଶ ଭାରତୀୟ ବୋଲି ଜଣାପଡିଛି ।
Delhi-bound Air India flight takes off from Kabul with 129 passengers on board pic.twitter.com/EtVH2NHo8K
— ANI (@ANI) August 15, 2021
ଅନ୍ୟପଟେ ତାଲିବାନର ଯୋଦ୍ଧାମାନେ ଏବେ ଆଫଗାନିସ୍ତାନର ରାଜଧାନୀ କାବୁଲକୁ ଚାରିପଟୁ ଘେରି ରହିଥିବା ବେଳେ ଆଫଗାନିସ୍ତାନ ସେନା ତାଲିବାନ ନିକଟରେ ସରେଣ୍ଡର କରିଛି । ସେପଟେ ତାଲିବାନକୁ କ୍ଷମତା ହସ୍ତାନ୍ତର କରିବା ନେଇ ଆଲୋଚନା ଜାରୀ ରହିଛି । ଆଲୋଚନା ଚାଲିଥିବାରୁ ହିଂସା ନକରିବାକୁ ତାଲିବାନର ନେତୃତ୍ୱ ନିଜ ଯୋଦ୍ଧାମାନଙ୍କୁ ନିର୍ଦ୍ଦେଶ ଦେଇଛନ୍ତି ।