ଏସବୁ ଦ୍ୱୀପକୁ ଯିଏ ଯିବ ବିପଦରେ ପଡ଼ିବ! କେଉଁଠି ଅଛନ୍ତି ବିଷାକ୍ତ ସାପ ତ ଆଉ କେଉଁଠି ଭୂତ । ଭାରତର ଏହି ଦ୍ୱୀପକୁ ଯିବାପାଇଁ ଦିଅନ୍ତି ନାହିଁ ଏଠାକାର ଅଧିବାସୀ
କନକ ବ୍ୟୁରୋ : ଦୁନିଆରେ ଅନେକଗୁଡ଼ିଏ ଦୀପପୁଞ୍ଜମାନ ରହିଛି । ଯାହାକି ବହୁତ ସୁନ୍ଦର । ଆଉ ଏଠାକର ସୌନ୍ଦର୍ଯ୍ୟ ପର୍ଯ୍ୟଟକଙ୍କୁ ଆକର୍ଷିତ କରିଥାଏ । ପ୍ରକୃତିର ମନୋଲୋଭା ଦୃଶ୍ୟକୁ ପରିଦର୍ଶନ କରିବା ପାଇଁ ଭିଡ଼ ମଧ୍ୟ ଜମାଇଥାନ୍ତି । କିନ୍ତୁ ବିଶ୍ୱରେ ଏଭଳି କିଛି ଦୀପମାନ ରହିଛି ଯେଉଁଠି ପାଦେ ପାଦେ ବିପଦ ରହିଥିବା କୁହାଯାଏ । ତେବେ ଆସନ୍ତୁ ନଜର ପକାଇବା ବିଶ୍ୱର ଏଭଳି କିଛି ଦୀପପୁଞ୍ଜ ଉପରେ..
Kanak News is now on WhatsApp
Join and get latest news updates delivered to you via WhatsApp
ବ୍ରାଜିଲର ଇଲହା ଦା କ୍ୱିମାଡ଼ା ଦ୍ୱୀପ । ଏହାର ଅନ୍ୟନାମ ହେଉଛି ସ୍ନେକ ଆଇଲ୍ୟାଣ୍ଡ । ତେବେ ନାଁରୁ ହିଁ ଜଣାପଡ଼ିଯାଉଛି କି, ଏହା କେତେ ବିପଜ୍ଜନକ । ଗୋଲଡେନ ଲାନ୍ସହେଡ ବିଶ୍ୱର ସବୁଠାରୁ ବିଷାକ୍ତ ସାପ । ଇଲହା ଦା କ୍ୱମାଡ଼ ଦ୍ୱୀପରେ ହଜାର ହଜାର ଗୋଲଡେନ ଲାନ୍ସହେଡ ସାପ ବାସ କରନ୍ତି । ତେବେ ଏହି ସାପର ଫୁକାରରେ ମଣିଷ ଦେହରୁ ମାଂସ ଖସିଯାଇଥାଏ । ଆଉ ଯିଏବି ଏଠାକୁ ଯାଇଛି କେବେ ବି ଜୀବନ ନେଇ ଫେରିନାହିଁ । ଏଣୁ ଏହି ଦ୍ୱୀପକୁ ଯିବା ଉପରେ ପ୍ରତିବନ୍ଧକ ଲଗାଇଛି ବ୍ରାଜିଲର ନୌସେନା ।
ନେଦରଲ୍ୟାଣ୍ଡରେ ଅବସ୍ଥିତ ସାବା ଦ୍ୱୀପ ଦେଖିବାକୁ ବହୁତ ସୁନ୍ଦର । ଯେଉଁଥିପାଇଁ ଏଠାକୁ ଅଧିକାଂଶ ଲୋକ ବୁଲିବା ପାଇଁ ଆସିଥାନ୍ତି । କିନ୍ତୁ ଏଠାରେ ଅଧିକାଂଶ ସମୟରେ ସାମୁଦ୍ରିକ ଝଡ଼ ଆସିଥାଏ । ଯାହାଫଳରେ ଏହି ଦ୍ୱୀପର ଆଖପାଖ ଅନେକ ଅଂଚଳ ବୁଡ଼ି ଯାଇଛି । ୧୩ କିଲୋମିଟର ଉପରେ ବ୍ୟାପିଥିବା ସାବ ଦ୍ୱୀପ କିନ୍ତୁ ସୁନ୍ଦରତାରେ ସବୁବେଳେ ଉପରେ ରହିଥାଏ ।
ଫିଲିପାଇନ୍ସର ଲୁଜୋନ ଦ୍ୱୀପ । ସକ୍ରିୟ ଆଗ୍ନେୟଗିରି କାରଣରୁ ଏହାକୁ ବିପଦ ବୋଲି ମାନାଯାଏ । ଏଠାରେ ଥିବା ତାଲ ହ୍ରଦକୁ ଦେଖିବା ଲାଗି ପର୍ଯ୍ୟଟକମାନେ ଆସିଥାନ୍ତି । ତେବେ ଅଗ୍ନେୟଗିରି କେବେ ବିସ୍ଫୋରଣ ହେବ ତାହା ଜଣାନଥାଏ । ଏଣୁ ଏଠାକୁ ଆସୁଥିବା ପର୍ଯ୍ୟଟକଙ୍କୁ ଆଗୁଆ ସଚେତନ କରାଯାଇଥାଏ ।
ପୋଭେଗଲିଆ ଆଇଲ୍ୟାଣ୍ଡ । ଯାହାକି ଇଟାଲୀରେ ଅବସ୍ଥିତ । ଏହାକୁ ମୃତ୍ୟୁର ଦ୍ୱୀପ ବୋଲି ମଧ୍ୟ କୁହାଯାଏ । ଶହ ଶହ ବର୍ଷ ପୂର୍ବେ ଲକ୍ଷେ ୬୦ ହଜାର ରୋଗୀଙ୍କୁ ଏଠାରେ ଜୀଅନ୍ତା ଜଳାଯାଇଥିଲା । ଏଣୁ ଏହାକୁ ଭୂତଙ୍କ ଦ୍ୱୀପ ବୋଲି କୁହାଯାଏ । ଯିଏ ଏଠାକୁ ଯାଇଛି ଜୀବନ୍ତ ଫେରିନାହିଁ ।
ଆଫ୍ରିକାର ରିୟୁନିୟନ ଦ୍ୱୀପ । ଆଫ୍ରିକାର ଲୋକପ୍ରିୟ ପର୍ଯ୍ୟଟନସ୍ଥଳ ମଧ୍ୟରୁ ଏହା ଅନ୍ୟତମ । ସବୁବେଳେ ପ୍ରାୟତଃ ଏଠାରେ ପର୍ଯ୍ୟଟକମାନେ ଆସିଥାନ୍ତି । କିନ୍ତୁ ସାର୍କ ରହିଥିବାରୁ ଏହାକୁ ବିପଦ ବୋଲି ମାନାଯାଏ । ଏଣୁ ଅଧା ସ୍ଥାନ ପର୍ଯ୍ୟଟକଙ୍କ ପାଇଁ ନିଷେଧ ରହିଥାଏ । ସୁରକ୍ଷା ଦୃଷ୍ଟି କିଛି ପଦକ୍ଷେପ ମଧ୍ୟ ନିଆଯାଇଛି ।
ଭାରତର ନର୍ଥ ସେଂଟିନଲ ଆଇଲ୍ୟାଣ୍ଡ । ଏଠାକାର ସୁନ୍ଦର ପରିବେଶ ଯେତିକି ମନୋରମ ଏହାକୁ ସେତିକି ବିପଦ ବୋଲି ମଧ୍ୟ ମାନାଯାଏ । କାହିଁକି ନାଁ ଏଠାରେ ବାସ କରୁଥିବା ଅଧିବାସୀମାନେ ବାହାର ଲୋକଙ୍କ ପ୍ରବେଶ କରେଇ ଦେଇନଥାନ୍ତି । ଯେଉଁଥିପାଇଁ ଅନେକ ସମୟରେ ପର୍ଯ୍ୟଟକମାନେ ଯିବାକୁ ଡରିଥାନ୍ତି ।