ମେକ୍ ଇନ୍ ଓଡ଼ିଶାରେ ସଜ୍ଜନ ଜିନ୍ଦଲଙ୍କ ବଡ ଘୋଷଣା । ଓଡ଼ିଶାରେ ୧ ଲକ୍ଷ କୋଟି ନିବେଶ କରିବ ଜେଏସଡବ୍ଲୁ, ଶିଳ୍ପାୟନରେ ଏବେ ଓଡ଼ିଶା ଦେଶର ନେତୃତ୍ୱ ନେଉଛି ।
କନକ ବ୍ୟୁରୋ : ମେକ୍ ଇନ୍ ଓଡ଼ିଶା କନକ୍ଲେଭରେ ଜେଏସଡବ୍ଲ୍ୟୁ ଅଧ୍ୟକ୍ଷ ସଜ୍ଜନ ଜିନ୍ଦଲଙ୍କ ବଡ ଘୋଷଣା । ଓଡ଼ିଶାରେ ଆଉ ୧ ଲକ୍ଷ କୋଟି ଟଙ୍କାର ପୁଞ୍ଜିନିବେଶ କରିବ ଜେଏସଡବ୍ଲ୍ୟୁ । ଏହାପୂର୍ବରୁ ୨୦୧୮ ମେକ ଇନ୍ ଓଡ଼ିଶାରେ ୬୦ ହଜାର କୋଟି ଟଙ୍କା ନିବେଶ ଲାଗି ଜେଏସଡବ୍ଲ୍ୟୁ ପ୍ରତିଶ୍ରୁତିବଦ୍ଧ ହୋଇଥିଲା । ସେଥିମଧ୍ୟରୁ ୩୦ ହଜାର କୋଟି ନିବେଶ ହୋଇସାରିଛି । ଏବେ ଆଉ ୧ ଲକ୍ଷ କୋଟି ଟଙ୍କା ନିବେଶ କରିବାକୁ ସଜ୍ଜନ ଜିନ୍ଦଲ ସ୍ପଷ୍ଟ । ନିର୍ଦ୍ଦିଷ୍ଟ କୌଣସି ଗୋଟିଏ କ୍ଷେତ୍ର ନୁହେଁ ବିଭିନ୍ନ କ୍ଷେତ୍ରରେ ଓଡ଼ିଶାରେ ଏହି ନିବେଶ କରିବ ଜେଏସଡବ୍ଲୁ ଗ୍ରୁପ୍ ।
Kanak News is now on WhatsApp
Join and get latest news updates delivered to you via WhatsApp
ବଡ଼ ବଡ଼ ଶିଳ୍ପ ଆସିଲେ ହଜାର ହଜାର ଏମଏସଏମଇ ଗଢିଉଠିବ। ଓଡ଼ିଶାରେ ଏକ ସ୍ଥିର ସରକାର ଅଛି। ଶିକ୍ଷା ଓ ସ୍ୱାସ୍ଥ୍ୟ ପାଇଁ ଢେର ଅର୍ଥ ଖର୍ଚ୍ଚ କରୁଛନ୍ତି। ହକି ଗୌରବ ହରାଇଥିଲା, କିନ୍ତୁ ଓଡିଶା ପାଇଁ ଅଲମ୍ପିକ ପଦକ ହାସଲ କରିପାରିଛି। ପୁରୁଣା ମନ୍ଦିରଗୁଡିକର ନବୀକରଣ, ସ୍କୁଲର ରୂପାନ୍ତରଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଶିଳ୍ପାୟନରେ ଓଡ଼ିଶା ଏବେ ଦେଶର ନେତୃତ୍ୱ ନେଉଛି । ନବୀନଙ୍କ ନେତୃତ୍ୱରେ ଏହି ଧାରା ଆଗକୁ ବଢୁଛି । ଓଡ଼ିଶା ପାଖରେ ପ୍ରାକୃତିକ ସମ୍ପଦ, ବିସ୍ତୀର୍ଣ୍ଣ ଜଳରାଶି ଓ ବନ୍ଦର ରହିଛି । ଯାହାର ଫାଇଦା ଓଡ଼ିଶାକୁ ମିଳୁଛି । ପ୍ରଥମ ରାଜ୍ୟ ଭାବେ ଓଡ଼ିଶା ଖଣି ନିଲାମ କରି କୋଟି କୋଟି ଟଙ୍କାର ରାଜସ୍ୱ ପାଉଛି ଓ ଏହାକୁ ରାଜ୍ୟର ବିକାଶରେ ବିନିଯୋଗ କରୁଛି ।
ଓଡ଼ିଶା ପ୍ରଥମ ରାଜ୍ୟ ଭାବେ ଟ୍ରିଲିୟନ ଡଲାର ଅର୍ଥନୀତି ଛୁଇଁବ । ଏହା ନିଶ୍ଚିତ ସମ୍ଭବ ହେବ । ତେବେ ସରକାରଙ୍କୁ ପରାମର୍ଶ ସ୍ୱରୂପ ସଜ୍ଜନ ଜିନ୍ଦଲ କହିଛନ୍ତି, ଓଡ଼ିଶାକୁ ଆହୁରି ଆଗକୁ ନେବାକୁ ହେଲେ ଭିତ୍ତିଭୂମି ସୁଦୃଢିକରଣର ଆବଶ୍ୟକତା ରହିଛି । ସରକାର ଭିତ୍ତିଭୂମି ସୁଦୃଢ କରିବାକୁ ନିବେଶ କରନ୍ତୁ ।ଭିତ୍ତିଭୂମି ସୁଦୃଢ ହେଲେ ନିବେଶ ନିଶ୍ଚୟ ବଢବି । ଜାପାନ ଓ ଚୀନ୍ ମଧ୍ୟ ସମାନ ଫର୍ମୁଲା ଆପଣାଉଛନ୍ତି ଯାହା ଶିଳ୍ପପତିଙ୍କୁ ଶିଳ୍ପରେ ନିବେଶ ପାଇଁ ଅନୁକୂଳ ବାତାବରଣ ସୃଷ୍ଟି କରୁଛି । ତେଣୁ ଓଡ଼ିଶା ମଧ୍ୟ ସେହି ଫର୍ମୁଲା ଆପଣାଇବା କଥା ।