ଏଣିକି ଭିକ୍ଷାମାଗୁଥିବା କିନ୍ନରଙ୍କ ଉପରେ ଲାଗିବ କଟକଣା : ଟ୍ରେନ୍ ଯାତ୍ରୀଙ୍କ ସୁରକ୍ଷା ବ୍ୟବସ୍ଥାକୁ କଡାକଡି କରିବାକୁ ପୋଲିସ ମହାନିର୍ଦ୍ଦେଶକଙ୍କ ନିର୍ଦ୍ଦେଶ
କନକ ବ୍ୟୁରୋ : ଟ୍ରେନ୍ ହେଉ କି ଷ୍ଟେସନ୍ ଆଉ ହଇରାଣ କରିପାରିବେନି କିନ୍ନର । ଟ୍ରେନ୍ ତଥା ଷ୍ଟେସନ୍ ଭିତରକୁ କିନ୍ନରଙ୍କ ପ୍ରବେଶ ଉପରେ କଟକଣା ଲାଗିବ । କିନ୍ନରମାନେ ପ୍ରବେଶ କରିବେ ନାହିଁ । ଯାତ୍ରୀ ହିସାବରେ ସେମାନେ ଯାଇପାରିବେ କିନ୍ତୁ ଭିକ୍ଷାବୃତ୍ତି କରି ପାରିବେ ନାହିଁ । ଗତକାଲି ରେଲୱେ କତୃର୍ପକ୍ଷ, ଆରପିଏଫ ଓ ରେଳବାଇ ପୁଲିସ ଏକ ମିଳିତ ବୈଠକରେ ଏଭଳି ନିଷ୍ପତ୍ତି ଗ୍ରହଣ କରିଛନ୍ତି । ଅବଶ୍ୟ ଏଥିପାଇଁ କିନ୍ନରମାନଙ୍କୁ ଏକ ସୁଯୋଗ ନିଶ୍ଚୟ ଦିଆଯିବ । କିନ୍ନରମାନଙ୍କ ସହିତ ପ୍ରଥମେ ଆଲୋଚନା କରାଯିବ, ସେମାନେ ରହୁଥିବା ସ୍ଥାନକୁ ଯାଇ ପୁଲିସ ସେମାନଙ୍କୁ ବୁଝାଇବ।
Kanak News is now on WhatsApp
Join and get latest news updates delivered to you via WhatsApp
ଦିନକୁ ଦିନ ଟ୍ରେନରେ କିନ୍ନରଙ୍କ ଦୌରାତ୍ମ୍ୟ ବଢ଼ିବାରେ ଲାଗିଛି । ଯାତ୍ରୀମାନଙ୍କ ଠାରୁ ଡରାଇ ଧମକାଇ କିନ୍ନରମାନେ ଟଙ୍କା ଆଦାୟ କରୁଥିବାର ଦେଖିବା ପାଇଁ ମିଳୁଛି । ଟଙ୍କା ନଦେଲେ ଯାତ୍ରୀଙ୍କୁ ଟ୍ରେନରୁ ଠେଲି ମାରଦେବାର ମଧ୍ୟ ଅନେକ ନଜିର ରହିଛି । ବାରମ୍ବାର ଏପରି ଘଟଣାର ପୁନରାବୃତ୍ତି ଯୋଗୁଁ ଯାତ୍ରୀଙ୍କ ସୁରକ୍ଷାକୁ କଡ଼ାକଡ଼ି କରିବା ପାଇଁ ନିଷ୍ପତ୍ତି ହୋଇଛି । ରାଜ୍ୟରେ ବୃଦ୍ଧି ପାଉଥିବା ଟ୍ରେନ ଜନିତ ସମସ୍ୟାରେ ସିଧାସଳଖ ଯାତ୍ରୀ ମାନେ ପ୍ରଭାବିତ ହେଉଥିବା ବେଳେ ଏହାର ନିରାକରଣ ଜରୁରି ହୋଇପଡିଛି ।
ସେଥିପାଇଁ ଯାତ୍ରୀ ମାନଙ୍କ ସୁରକ୍ଷାକୁ ନେଇ ଆରପିଏଫ୍ ଏବଂ ଜିଆରପି ମଧ୍ୟରେ କିଭଳି ଉତମ ସମନ୍ୱୟ ରହିବ ଏବଂ କିଭଳି ଟ୍ରେନ ଲୁଟେରା ମାନଙ୍କୁ ଚେକ ଦିଆଯିବା ସେ ବିଷୟରେ ଆଲୋଚନା କରାଯାଇଥିଲା । ଅନ୍ୟପଟେ କିନ୍ନରମାନେ ଯାତ୍ରୀମାନଙ୍କୁ ହଇରାଣ କରୁଥିବା ବେଳେ ସେମାନଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ନିଆଯିବାକୁ ନିଷ୍ପତି ନିଆଯାଇଛି ।