ଭାରତୀୟ ମହିଳା ହକି ଦଳରେ ଓଡିଆଙ୍କ ଦବଦବା! ଲଣ୍ଡନରେ ଆୟୋଜିତ ହେବାକୁ ଥିବା ମହିଳା ହକି ବିଶ୍ୱକପରେ ୪ ଓଡିଆଙ୍କୁ ମିଳିଲା ସ୍ଥାନ
କନକ ବ୍ୟୁରୋ : ଆସନ୍ତା ଜୁଲାଇ ୨୧ ତାରିଖରୁ ଲଣ୍ଡରେ ଖେଳାଯିବ ମହିଳା ହକି ବିଶ୍ୱକପ ୨୦୧୮ । ଏଥିପାଇଁ ଘୋଷଣା ହୋଇଛି ଭାରତୀୟ ମହିଳା ହକି ଦଳ ତାଲିକା । ୧୮ ଜଣିଆ ଏହି ଖେଳାଳି ତାଲିକାରେ ସ୍ଥାନ ପାଇଛନ୍ତି ୪ ଓଡିଆ ଖେଳାଳି । ସେମାନେ ହେଲେ ସୁନିତା ଲାକ୍ରା, ଲିଲିମା ମିଞ୍ଜ, ଦୀପଗ୍ରେସ ଏକ୍କା ଓ ନମିତା ଟପ୍ପୋ । ବିଶ୍ୱକପ୍ ପାଇଁ ଭାରତୀୟ ମହିଳା ହକି ଦଳରେ ଏହି ୪ ଜଣ ସ୍ଥାନ ପାଇ ଓଡିଶାର ନାଁ ଗୌରାବନ୍ୱିତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରତିଯୋଗିତାର ପୁଲ ‘ବି’ରେ ଭାରତୀୟ ମହିଳା ଦଳ ଆୟୋଜକ ତଥା ବିଶ୍ୱର ଦ୍ୱିତୀୟ ସ୍ଥାନରେ ଥିବା ଦଳ ଇଂଲଣ୍ଡ, ୭ମ ସ୍ଥାନରେ ଥିବା ଆମେରିକା ଏବଂ ୧୬ତମ ବିଶ୍ୱ ର୍ୟାକିଂ ରେ ଥିବା ଆୟରଲ୍ୟାଣ୍ଡକୁ ଭେଟିବ ଭାରତୀୟ ମହିଳା ହକି ଦଳ । ତେବେ ଏହି ୧୮ ଜଣ ତାଲିକାରେ ରହିଛନ୍ତି ।
ଗୋଲକିପର: ସବିତା( ଉପ-ଅଧିନୟକ), ରଜନୀ ଏତିମାରପୁ
ଡିଫେଣ୍ଡରର୍ସ: ସୁନିତା ଲାକ୍ରା, ଦୀପଗ୍ରେସ ଏକ୍କା, ଦୀପିକା, ଗୁରୁଜୀତ କୌର, ରୀନା ଖୋଖାର
ମିଡଫିଲ୍ଡର୍ସ: ନମିତା ଟପ୍ପୋ, ଲିଲିମା ମିଞ୍ଜ, ମୋନିକା, ନେହା ଗୋୟେଲ, ନବଜୋତ କୌର, ନିକି ପ୍ରଧାନ
ଫରୱାର୍ଡସ: ରାନି (ଅଧିନାୟକ), ବନ୍ଦନା କଟାରିୟ, ନବନୀତ କୌର, ଲାଲରେମସିଆମି ଓ ଉଦିତା ।
ଆସନ୍ତା ଜୁଲାଇ ୨୧ ରୁ ଅଗଷ୍ଟ ୫ ତାରିଖ ପର୍ଯ୍ୟନ୍ତ ଲଣ୍ଡନ ଠାରେ ଖେଳାଯିବ ଏହି ମହିଳା ହକି ବିଶ୍ୱକପ ପ୍ରତିଯୋଗିତା । ଆସନ୍ତା ଜୁଲାଇ ୨୧ ତାରିଖରୁ ଅଗଷ୍ଟ ୫ ତାରିଖ ଯାଏଁ ଲଣ୍ଡନରେ ଖେଳାଯିବ ମହିଳା ହକି ବିଶ୍ୱକପ୍ । ତେବେ ସ୍ଥାନ ପାଇଥିବା ଏହି ୪ ଜଣ ଓଡିଆ ଖେଳାଳିଙ୍କ ଉପରେ ରାଜ୍ୟ ଓ ଦେଶବାସୀଙ୍କ ଆଶା ଅନେକ ରହିବ ବୋଲି ଆଶା କରାଯାଉଛି ।