କନକ ବ୍ୟୁରୋ: ଅଶୋକ ଗେହଲଟଙ୍କୁ ଚେତାବନୀ ଦେଲେ ସଚିନ ପାଇଲଟ୍ । ସୋମବାର କଂଗ୍ରେସ ନେତା ସଚିନ ପାଇଲଟଙ୍କ ଜନ ସଂଘର୍ଷ ଯାତ୍ରାର ଶେଷ ଦିନ ଥିଲା । ଏହି ସମୟରେ ସେ କହିଛନ୍ତି ଯେ, ମୋ କାମ କରିବାର ତରିକା, ମୋ ନିଷ୍ଠା ଉପରେ ମୋ ବିରୋଧୀ ବି ଆଙ୍ଗୁଠି ଉଠାଇପାରିବେ ନାହିଁ । ମୁଁ କୌଣସି ପଦରେ ରୁହେ, କି ନ ରୁହେ ହେଲେ ଅନ୍ତିମ ନିଶ୍ୱାସ ପର୍ଯ୍ୟନ୍ତ ରାଜସ୍ଥାନ ଜନତାଙ୍କ ସେବା କରିବି ବୋଲି କହିଛନ୍ତି ସଚିନ ପାଇଲଟ୍ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଚଳିତ ମାସ ଶେଷ ସୁଦ୍ଦା ଯଦି ତାଙ୍କର ଦାବି ପୂରଣ ନକରାଯାଏ, ତେବେ ସେ ଯୁବବର୍ଗଙ୍କ ପାଇଁ ସାରା ରାଜ୍ୟରେ ଆନ୍ଦୋଳନ କରିବେ । ଆଉ ଲୋକଙ୍କ ସହ ପଦଯାତ୍ରାରେ ବାହାରିବେ ବୋଲି ଚେତାବନୀ ଦେଇଛନ୍ତି । ଏଥିସହ ସେ ଆହୁରି ମଧ୍ୟ କହିଛନ୍ତି ଯେ, ସେ କାହା ଉପରେ କିଛି ବି ଆରୋପ ଲଗାଇନାହାଁନ୍ତି, କାହାକୁ କିଛି ବି ଭୁଲ କଥା କହିନାହାଁନ୍ତି । ଆପଣ ମୋତେ ଗାଳି ଦେଇପାରନ୍ତି, ହେଲେ ଜନତା ହିଁ ଜନାର୍ଦ୍ଦନ । ସେମାନେ ହି ସବୁ ଘଟଣାର ବିଚାର କରିବେ ବୋଲି ପାଇଲଟ୍ ଆଜି ପ୍ରତିକ୍ରିୟା ରଖିଛନ୍ତି ।
ରାଜସ୍ଥାନର ଏହି ପୂର୍ବତନ ଉପ-ମୁଖ୍ୟମନ୍ତ୍ରୀ କହିଛନ୍ତି ଯେ, ଆମର ସଂଘର୍ଷ କୌଣସି ନେତା ବିରୁଦ୍ଧରେ ନୁହେଁ । ଏହି ବିରୋଧ ଭ୍ରଷ୍ଟାଚାର ବିରୋଧରେ । ରାଜସ୍ଥାନରେ ଯେତେବେଳେ, ଆମ ସରକାର ହଟିଥିଲା, ସେତେବେଳେ ଆମ ପାଖରେ ବହୁତ କମ ସିଟ୍ ଥିଲା । ଏପରି ସମୟରେ ମୋତେ କଂଗ୍ରେସର ଅଧ୍ୟକ୍ଷ କରାଯାଇଥିଲା । ଆଗାମୀ ୫ ବର୍ଷ ଆମେ ସାଥୀ ହେଇ କାମ କରିଥିିଲୁ । ବସୁନ୍ଧରା ରାଜେଙ୍କ ଶାସନରେ ଭ୍ରଷ୍ଟାଚାର ବିରୋଧରେ ଲଢିଥିଲୁ । ହେଲେ ଏବେ ଆମ ସରକାର ଉପରେ ଏପରି ଆରୋପ ଲାଗିଛି, ଆଉ କୌଣସି ବି କାର୍ଯ୍ୟାନୁଷ୍ଠାନ ହୋଇନି ।