ମଣିପୁର ହିଂସା : ରିଲିଫ୍ କ୍ୟାମ୍ପରେ ଅସହାୟ ଲୋକଙ୍କୁ ଭେଟିବେ ରାହୁଲ ଗାନ୍ଧୀ । ଲୋକଙ୍କ ଦୁଃଖ ଶୁଣିଲେ, ଆଖିରୁ ଲୁହ ପୋଛିଦେଲେ
କନକ ବ୍ୟୁରୋ : ମଣିପୁର ଗସ୍ତରେ କଂଗ୍ରେସ ନେତା ରାହୁଲ ଗାନ୍ଧୀ, କଂଗ୍ରେସର ମହାସଚିବ କେ.ସି ଭେଣୁଗୋପାଳ ବି ମଣିପୁର ଗସ୍ତରେ ଅଛନ୍ତି । ଆଜି ସେମାନେ ମୁଖ୍ୟମନ୍ତ୍ରୀଙ୍କୁ ଭେଟି ହିଂସା ନିୟନ୍ତ୍ରଣ ଉପରେ ଆଲୋଚନା କରିବେ ବୋଲି ସୂଚନା ମିଳିଛି । ବିରେନ ସିଂ ଯଦି ଇସ୍ତଫା ଦିଅନ୍ତି, ତେବେ ବିଜେପି କାହାକୁ ନୂଆ ମୁଖ୍ୟମନ୍ତ୍ରୀ ଚୟନ କରିବ ତାକୁ ନେଇ ମଧ୍ୟ ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ନେତା ରାହୁଲ ଗାନ୍ଧୀ ମଣିପୁର ଗସ୍ତର ଦ୍ୱିତୀୟ ଦିନରେ ଆଜି ଦୁଇଟି ରିଲିଫ୍ କ୍ୟାମ୍ପ ପରିଦର୍ଶନ କରିଛନ୍ତି । ରିଲିଫ୍ କ୍ୟାମ୍ପର ପରିଦର୍ଶନ କରିବା ସହ ସେଠାରେ ରହୁଥିବା ପରିବାରଙ୍କ ସହ ସମସ୍ୟା ବାବଦରେ ଆଲୋଚନା କରିଛନ୍ତି । ତେବେ ରିଲିଫ୍ କ୍ୟାମ୍ପରେ ୫୦ହଜାରରୁ ଅଧିକ ଲୋକ ଏବଂ ୩୦୦ରୁ ଅଧିକ ପରିବାର ରହୁଛନ୍ତି ।
ରିଲିଫ୍ କ୍ୟାମ୍ପରେ ରାହୁଲ ଗାନ୍ଧୀ ଲୋକଙ୍କୁ ଭେଟିବା ପରେ ରାହୁଲ ଗାନ୍ଧୀଙ୍କ କିଛି ଫଟୋକୁ ଟ୍ୱିଟ୍ କରି କଂଗ୍ରେସ ଲେଖିଛି । ପ୍ରେମ, ଭାଇଚାପା ଏବଂ ଶାନ୍ତିର ବାର୍ତ୍ତା ନେଇ ରାହୁଲ ଗାନ୍ଧୀ ମଣିପୁରରେ ପହଞ୍ଚିଛନ୍ତି । ଗତକାଲି ହିଂସାରେ ପୀଡିତ ଲୋକଙ୍କ ସହ ରାହୁଲ ଗାନ୍ଧୀ ଭେଟିଥିଲେ । ତାଙ୍କର ଦୁଃଖ ଶୁଣିବା ସହ ଅସହାୟଙ୍କ ଲୁହ ପୋଛି ଥିଲେ । ସାହସ ରଖିବା ପାଇଁ ଲୋକଙ୍କ କହିଥିଲେ ଏବଂ ସବୁ ଠିକ୍ ହୋଇଯିବ ବୋଲି ଲୋକଙ୍କୁ ଭରୋଷା ଦେଇଥିଲେ । ମଣିପୁରରେ ଘୃଣା ବିରୋଧରେ ପ୍ରେମର ଯାତ୍ରା ଏବେ ବି ଜାରି ରହିଛି ବୋଲି କଂଗ୍ରେସ ଟ୍ୱିଟରେ ଲେଖିଛି ।