କାଶ୍ମୀର ପ୍ରସଙ୍ଗରେ ପ୍ରଥମ ଥର ପ୍ରତିକ୍ରିୟା ରଖିଲେ ରାହୁଲ ଗାନ୍ଧି । ଟ୍ୱିଟ୍ କରି ଲେଖିଲେ, ଏକପାଖିଆ ଭାବେ ସମ୍ଭବ ନୁହେଁ ଜାତୀୟ ଏକତା ।
କନକ ବ୍ୟୁରୋ : ଜାମ୍ମୁକାଶ୍ମୀରରେ ଧାରା ୩୭୦ ଉଚ୍ଛେଦ ପରେ ଗତକାଲିଠୁ ଚାଲିଥିବା ଚର୍ଚ୍ଚା ଆଲୋଚନା ଭିତରେ ଆଜି ପ୍ରତିକ୍ରିୟା ପ୍ରକାଶ କରିଛନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧି । ଟ୍ୱିଟ୍ କରି ରାହୁଲ ଲେଖିଛନ୍ତି, ‘ଏକପାଖିଆ ଭାବେ ଜାତୀୟ ଏକତା ସମ୍ଭବ ନୁହେଁ । ଜାମ୍ମୁକାଶ୍ମୀରକୁ କାନ୍ଦିବା ପାଇଁ ଛାଡି ଦେଇ ନିର୍ବାଚିତ ଜନପ୍ରତିନିଧିଙ୍କୁ ଜେଲରେ ଭର୍ତ୍ତି କରି ଏବଂ ସମ୍ବିଧାନକୁ ଉଲ୍ଲଂଘନ କରି ଏହା ସମ୍ଭବ ନୁହେଁ । ଏହି ଦେଶ ଜାଗାକୁ ନେଇ ତିଆରି ହୋଇନି, ଲୋକଙ୍କୁ ନେଇ ତିଆରି ହୋଇଛି । ଲୋକଙ୍କୁ କନ୍ଦାଇ, ନେତାଙ୍କୁ ବନ୍ଦୀ କରି ସମ୍ବିଧାନଙ୍କୁ ଉଲ୍ଲଂଘନ କରି ଜାତୀୟ ଏକତା ସମ୍ଭବ ହୋଇପାରିବ ନାହିଁ ।’
Kanak News is now on WhatsApp
Join and get latest news updates delivered to you via WhatsApp
ସେପଟେ ଆଜି ଲୋକସଭା କାର୍ଯ୍ୟ ଆରମ୍ଭ ହେବା ମାତ୍ରେ ଲୋକସଭାରେ କଂଗ୍ରେସ ନେତା ଅଧିର ରଞ୍ଜନ ଚୌଧୁରୀ ଓ ଅମିତ ଶାହାଙ୍କ ଭିତରେ କଥା କଟାକଟି ହୋଇଥିଲା । ବିଲକୁ ଗୃହରେ ଉପସ୍ଥାପନ କରିବା ମାତ୍ରେ ଅଧିର ନିଜର ବକ୍ତବ୍ୟ ରଖିଥିଲେ । ସେ କହିଥିଲେ, କିଛି ନ ବୁଝି କେନ୍ଦ୍ର ସରକାର ଅନୁଚ୍ଛେଦ ୩୭୦କୁ ହଟାଇ ଦେଇଛନ୍ତି । ଏଥିରେ ଅମିତ ଶାହା କହିଥିଲେ, କାଶ୍ମୀର ହେଉଛି ଭାରତର ଅଭିନ୍ନ ଅଙ୍ଗ । ଦରକାର ପଡିଲେ ସେ କାଶ୍ମୀର ପାଇଁ ଜୀବନ ଦେଇଦେବେ ।