କନକ ବ୍ୟୁରୋ : ଲୋକସଭାରେ ଅବିଶ୍ୱାସ ପ୍ରସ୍ତାବ ନେଇ ଚାଲିଥିବା ବିତର୍କରେ ଆଜି କଂଗ୍ରେସ ନେତା ରାହୁଲ ଗାନ୍ଧୀ ଭାଗ ନେଇ ମଣିପୁର ପ୍ରସଙ୍ଗରେ ମୋଦୀ ସରକାରଙ୍କୁ ଟାର୍ଗେଟ୍ କରିଛନ୍ତି । ଲୋକସଭା ସାଂସଦ ପଦ ଫେରିପାଇବା ପରେ ପ୍ରଥମଥର ପାଇଁ ଆଜି ସେ ସଂସଦରେ ନିଜ ମତ ରଖିଛନ୍ତି । ପ୍ରଥମେ ସେ ଭାରତ ଯୋଡ ଯାତ୍ରାର ଅନୁଭୂୂତି ବାବଦରେ କହିବା ପରେ ମଣିପୁର ପ୍ରସଙ୍ଗରେ କେନ୍ଦ୍ର ସରକାରଙ୍କୁ କାଠଗଡାରେ ଠିଆ କରାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଋାହୁଲ ଗାନ୍ଧୀ ସାଂସଦ ପଦ ଫେରିପାଇବା ପୂର୍ବରୁ ଯେଉଁ ମଣିପୁର ଗସ୍ତ କରିଥିଲେ ତା ଉପରେ ନିଜର ଅନୁଭୂତି ବଖାଣିଛନ୍ତି । ଏହାସହ ମଣିପୁରରେ ଯେଭଳି ହିଂସା ଲାଗି ରହିଛି ଓ ହିଂସାକୁ ରୋକିବାରେ ସରକାର ବିଫଳ ହେଉଛନ୍ତି ତା ଉପରେ ରାହୁଲ ଗାନ୍ଧୀ ମତ ରଖିଛନ୍ତି । ସେ କହିଛନ୍ତି କି ମଣିପୁର ହିଂସାକୁ ରୋକିବାକୁ ହେଲେ କେବଳ ସେନା ବଳ ପ୍ରୟୋଗ ମାଧ୍ୟମରେ ଏହାକୁ ରୋକାଯାଇ ପାରିବ । ସେନା ଚାହିଁଲେ ଗୋଟିଏ ଦିନରେ ମଣିପୁରରେ ଶାନ୍ତି ଫେରିଆସିବ ବୋଲି ସେ କହିଛନ୍ତି ।
ଋାହୁଲ ଗାନ୍ଧୀ ବିଜେପିକୁ ଟାର୍ଗେଟ କରି କହିଛନ୍ତି କି, ଭାରତ ମାତା ଏକ ସ୍ୱର, ଏହାକୁ ଶୁଣିବାକୁ ହେଲେ ଆମକୁ ଗର୍ବ ଓ ଘୃଣାକୁ ଛାଡିବାକୁ ପଡିବ ।