‘ମୁସଲିମ୍ ଲିଗ୍ ଏକ ଧର୍ମନିରପେକ୍ଷ ପାର୍ଟି’: ଆମେରିକାରେ ରାହୁଲଙ୍କ ବୟାନ ପରେ ବିଜେପି କହିଲା , ଏଭଳି କହିବା ତାଙ୍କର ଅସହାୟତା
କନକ ବ୍ୟୁରୋ: ବିଦେଶ ଗସ୍ତ ସମୟରେ କଂଗ୍ରେସ ନେତା ରାହୁଲ ଗାନ୍ଦୀ ନିଜ ଦେଶକୁ ଓ ଶାସକ ଦଳକୁ ନେଇ ବିଭିନ୍ନ ପ୍ରକାର ଅଜବ ମନ୍ତବ୍ୟ ଦେବା ସବୁବେଳେ ଖବର ହୋଇଛି । ଏବେ ପୁଣି ଥରେ ଆମେରିକା ଗସ୍ତରେ ଥିବା ରାହୁଲ ମୋଦୀ ସରକାରଙ୍କୁ ଟାର୍ଗେଟ କରିଛନ୍ତି । ଏଠିକାର ଷ୍ଟାନଫୋର୍ଡ ୟୁନିଭର୍ସିଟିରେ ରାହୁଲ ଏଭଳି କଥା କହିଛନ୍ତି ଯାହାକୁ ନେଇ ଆରମ୍ଭ ହୋଇଛି ବଡ ବିବାଦ ।
Kanak News is now on WhatsApp
Join and get latest news updates delivered to you via WhatsApp
ଆଇୟୁଏମଏଲ ସହ କଂଗ୍ରେସର ମେଣ୍ଟକୁ ନେଇ ପ୍ରଶ୍ନ କରାଯିବାରୁ ରାହୁଲ କହିଛନ୍ତି ଯେ, ମୁସଲିମ୍ ଲିଗ୍ ଏକ ନୀରପେକ୍ଷ ପାର୍ଟି । ଏଥିରେ ନନ୍ ସେକ୍ୟୁଲାର ବୋଲି କିଛି ନାହିଁ । ଏହାକୁ ନେଇ ପାଲଟା ଜବାବ ଦେଇଛି ବିଜେପି । ଜବାବରେ , ‘ମହମ୍ମଦ ଅଲ୍ଲି ଜିନ୍ନାଙ୍କ ମୁସଲିମ ଲିଗ୍ ପାର୍ଟି ଭାରତକୁ ଧାର୍ମିକ ଆଧାରରେ ଭାଗ ଭାଗ କରିବାରେ ଦାୟୀ । ସବୁ ଜାଣିବି ରାହୁଲ ମୁସଲିମ୍ ଲିଗ୍ ପାର୍ଟିକୁ ଏକ ନୀରପେକ୍ଷ ଦଳ ବୋଲି କହିବା ବାସ୍ତବିକ ଲଜ୍ଜାଜନକ ଏବଂ କଂଗ୍ରେସର ଅସହାୟତା ବୋଲି କହିଛନ୍ତି ବିଜେପି ବରିଷ୍ଠ ନେତା ଅମିତ ମାଲବୀୟ ।