ଶ୍ରୀମନ୍ଦିର ରତ୍ନଭଣ୍ଡାର ଖୋଲିବା ନେଇ ଅନିଶ୍ଚିତତା ! ବାହାର ଭଣ୍ଡାର ଯାଂଚ କଲା ବିଶେଷଜ୍ଞ ଦଳ , ଆଜି ସନ୍ଧ୍ୟାରେ ବସିବ ଜରୁରୀ ବୈଠକ
କନକ ବ୍ୟୁରୋ: ପୁରୀ ଶ୍ରୀମନ୍ଦିର ବାହାର ଭଣ୍ଡାରର ସ୍ଥିତି ଯାଂଚ କରୁଛି ବିଶେଷଜ୍ଞ ଟିମ୍ । ବାହାର ଭଣ୍ଡାରର ଉତ୍ତର ପାଶ୍ୱର୍ ଯାଂଚ କରାଯାଉଛି । ଶ୍ରୀମନ୍ଦିର କୋର କମିଟିର ସଦସ୍ୟଙ୍କ ସହ ପ୍ରତ୍ନତତ୍ୱ ବିଭାଗର ୨ ଜଣ ସଦସ୍ୟ ଏହି ଯାଂଚ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଶେଷଜ୍ଞଙ୍କ କହିବା କଥା, ଯଦି ବାହାର ଭଣ୍ଡାରର ସ୍ଥିତି ଭଲ ରହିଛି, ତାହେଲେ ଭିତର ଭଣ୍ଡାରର ଯାଂଚ କରିବାର ଆବଶ୍ୟକତା ନାହିଁ । ଆଜି ସଂଧ୍ୟାରେ ବସିବାକୁ ଥିବା ସବକମିଟି ବୈଠକରେ ଆଲୋଚନା ପରେ ପରବର୍ତ୍ତୀ ପଦକ୍ଷେପ ସ୍ଥିର କରାଯିବ । ସେପଟେ ରତ୍ନଭଣ୍ଡାର ଖୋଲିବା ପାଇଁ ଓଡିଶା ସରକାରଙ୍କ ଠାରୁ ମଗାଯାଇଥିବା ଅନୁମତି ସଂପର୍କରେ କୌଣସି ଉତ୍ତର ଆସିନାହିଁ ।
ଅନ୍ୟପଟେ, ଶ୍ରୀମନ୍ଦିର ରତ୍ନଭଣ୍ଡାର ଖୋଲିବା ନା ନାହିଁ ସେ ନେଇ ଆଜି ବସିବ ରତ୍ନଭଣ୍ଡାର ସବ କମିଟିର ଜରୁରୀ ବୈଠକ । ଯେଉଁଥିରେ ଭଣ୍ଡାର ଘର ଖୋଲିବା ନେଇ ନିଷ୍ପତି ନିଷ୍ପତି ନିଆଯିବ। ବୈଠକରେ ଶ୍ରୀମନ୍ଦିର ମୁଖ୍ୟ ପ୍ରଶାସକ, ରତ୍ନଭଣ୍ଡାର ସବ୍ କମିଟି ସଦସ୍ୟ ଉପସ୍ଥିତ ରହିବେ । ସନ୍ଧ୍ୟାରେ ବୈଠକ ପରେ ରତ୍ନଭଣ୍ଡାର ଖୋଲିବା ନେଇ ସ୍ପଷ୍ଟ କରିବେ ମୁଖ୍ୟ ପ୍ରଶାସକ । ତେବେ ଶ୍ରୀମନ୍ଦିର ପ୍ରଶାସନ, ରତ୍ନଭଣ୍ଡାର ନଖୋଲି ବିକଳ୍ପ ଉପାୟରେ ସ୍ଥିତି ଯାଂଚ୍ କରିବାକୁ ବିଚାର କରୁଥିବା ଚର୍ଚା ହେଉଛି । କୁହାଯାଉଛି, ନାଭିକଟା ମଣ୍ଡପରୁ ଏଏସଆଇ ବିଶେଷଜ୍ଞ ଦଳ ରତ୍ନଭଣ୍ଡାର ଛାତ ଯାଂଚ୍ କରିବାକୁ ଯୋଜନା ହେଉଛି । ବୈଠକ ପରେ ପ୍ରଶାସନ ଆସନ୍ତା ୨୯ ତାରିଖ ଦିନ ତାର ନିଷ୍ପତି ହାଇକୋର୍ଟଙ୍କୁ ଜଣାଇବା ସମ୍ଭାବନା ରହିଛି ।
ସେହିପରି ଶ୍ରୀମନ୍ଦିର ରତ୍ନଭଣ୍ଡାର ଖୋଲିବା ନେଇ ବଢିଚାଲିଛି ସେବାୟତଙ୍କ ଅସନ୍ତୋଷ । ଏହି ପ୍ରସଙ୍ଗରେ ଇଛାମୃତ୍ୟୁ ଦାବି କରି ଅନଶନ ଜାରି ରଖିଥିବା ନରସିଂହ ପୂଜାପଣ୍ଡାଙ୍କ ଅବସ୍ଥା ଗୁରୁତର ହୋଇଛି । ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି ।