ଭୁଟାନର ରୟାଲ ବିଶ୍ୱବିଦ୍ୟାଳୟରେ ଛାତ୍ରଙ୍କୁ ପ୍ରଧାନମନ୍ତ୍ରୀଙ୍କ ଗୁରୁମନ୍ତ୍ର : ଚାପରେ ନରହିବାକୁ ଛାତ୍ରଛାତ୍ରୀଙ୍କୁ ପରାମର୍ଶ, ବଖାଣିଲେ ଭୁଟାନ-ଭାରତ ସମ୍ପର୍କର କଥା
କନକ ବ୍ୟୁରୋ : ଦୁଇ ଦିନିଆ ଭୁଟାନ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗସ୍ତର ଦ୍ୱିତୀୟ ଦିନରେ ଆଜି ପ୍ରଧାନମନ୍ତ୍ରୀ ଥିମ୍ପୁରେ ଥିବା ରୟାଲ ୟୁନିଭର୍ସିଟିରେ ଯୋଗଦେଇଛନ୍ତି । ଏହି ଅବସରରେ ସେ ଛାତ୍ରଛାତ୍ରୀ ମାନଙ୍କୁ ସମ୍ବୋଧନ କରି କହିଛନ୍ତି ତୁମମାନଙ୍କ ମଧ୍ୟରୁ ଦିନେ ନା ଦିନେ କିଏ ଇଂଜିନିୟର, ବୈଜ୍ଞାନିକ ବନିବ । ଚାପରେ ନରହିବାକୁ ଛାତ୍ରଛାତ୍ରୀଙ୍କୁ ପରାମର୍ଶ ଦେଇଛନ୍ତି । ସବୁ ଚ୍ୟାଲେଞ୍ଜର ସାମ୍ନା କରିପାରିବେ ଛାତ୍ରଛାତ୍ରୀ । ୨ ଦେଶକୁ ଗୌତମ ବୁଦ୍ଧଙ୍କ ଆଶିର୍ବାଦ ରହିଛି । ଭୁଟାନ ଓ ଭାରତୀୟଙ୍କ ମଧ୍ୟରେ ଉତ୍ତମ ସମ୍ପର୍କ ରହିଛି ବୋଲି କହିଛନ୍ତି ମୋଦି ।
Kanak News is now on WhatsApp
Join and get latest news updates delivered to you via WhatsApp
ଏହାବ୍ୟତୀତ ମୋଦି କହିଛନ୍ତି ଭାରତରେ ପୂର୍ବାପେକ୍ଷା ଦ୍ରୁତ ବେଗରେ ଦାରିଦ୍ର୍ୟ ଦୂରେଇ ନିର୍ମାଣ ବେଗ ଗତ ପାଞ୍ଚ ବର୍ଷ ମଧ୍ୟରେ ଦ୍ୱିଗୁଣିତ ହୋଇଛି । ଭାରତ ହେଉଛି ବିଶ୍ୱର ସବୁଠୁ ବଡ଼ ସ୍ୱାସ୍ଥ୍ୟସେବା କାର୍ଯ୍ୟକ୍ରମର ନିବାସ । ଆୟୁଷ୍ମାନ ଭାରତ ୫୦୦ ନିୟୁତ ଭାରତୀୟଙ୍କୁ ସ୍ୱାସ୍ଥ୍ୟ ସେବା ପ୍ରତିଶ୍ରୁତି ଦେଇଛି । ବିଶ୍ୱରେ ସବୁଠୁ ଶସ୍ତା ଡାଟା ସଂଯୋଗକାରୀଙ୍କ ମଧ୍ୟରେ ରହିଛି । ଏହାଦ୍ୱାରା ପ୍ରତ୍ୟକ୍ଷ ଏବଂ ପରୋକ୍ଷଭାବେ କୋଟି କୋଟି ଲୋକ ଶସକ୍ତ ହେଉଛନ୍ତି ।
ଦୁଇ ଦେଶର ମିତ୍ରତା ପ୍ରସଙ୍ଗରେ ମୋଦି କହିଲେ ଭୁଟାନବାସୀ ଏବଂ ଭାରତବାସୀ ପରସ୍ପରଙ୍କ ସହ ନିବିଡ଼ତା ଅନୁଭବ କରୁଛନ୍ତି । ଆମର କେବଳ ନିବିଡ଼ତା ଭୌଗୋଳିକସ୍ଥିତି ପାଇଁ ନୁହେଁ। ଆମ ଇତିହାସ, ସଂସ୍କୃତି ଏବଂ ଆଧ୍ୟତ୍ମିକ ପରମ୍ପରା ଦୁଇ ଦେଶବାସୀଙ୍କ ମଧ୍ୟରେ ଅଭିନବ ଏବଂ ଦୃଢ଼ ବନ୍ଧନ ସୃଷ୍ଟି କରିଛି ।
ସେପଟେ ଗସ୍ତର ପ୍ରଥମ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୧୦ଟି ପ୍ରକଳ୍ପ ଉପରେ ସ୍ୱାକ୍ଷର କରିଛନ୍ତି । ଏହି ଏମଓୟୁଗୁଡ଼ିକ ମୋଦି ଓ ଭୁଟାନର ପ୍ରଧାନମନ୍ତ୍ରୀ ଲୋଟେ ସେରିଂଙ୍କ ଉପସ୍ଥିତିରେ ସ୍ବାକ୍ଷରିତ ହୋଇଥିଲା । ସିଂଗାପୁର ପରେ ୨ୟ ଦେଶଭାବେ ଭୁଟାନରେ ରୁପେ କାର୍ଡ ଲଞ୍ଚ କରାଯାଇଛି । ମୋଟାମୋଟି ଭାବେ କହିବାକୁ ଗଲେ ଉଭୟ ଦେଶ ମଧ୍ୟରେ ସଂପର୍କକୁ ମଜବୁତ କରିବା ପାଇଁ ମୋଦୀ ଭୁଟାନ ଗସ୍ତ କରିଛନ୍ତି ।