କନକ ବ୍ୟୁରୋ: ତୃତୀୟ ପାଳିର ପ୍ରଥମ ଅଧିବେଶନ ଆରମ୍ଭ ପୂର୍ବରୁ ସାଂସଦ ତଥା ଦେଶବାସୀଙ୍କ ପ୍ରତି ଅଭିଭାଷଣ ରଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ମୋଦୀ କହିଛନ୍ତି, ‘ ବିକଶିତ ଭାରତର ଲକ୍ଷ୍ୟର ସଙ୍କଳ୍ପ ନେଇ ଆଜି ୧୮ ତମ ଲୋକସଭାର ପ୍ରାରମ୍ଭ ହେଉଛି । ଚଳିତ ନିର୍ବାଚନ ବିଶ୍ୱର ସବୁଠୁ ବଡ ନିର୍ବାଚନ , ସାନଦାର ଭାବେ ଗୌରବମୟ ଭାବେ ସମ୍ପନ୍ନ ହୋଇଛି । ଏହା ୧୪୦ କୋଟି ଦେଶବାସୀଙ୍କ ପାଇଁ ଗର୍ବର କଥା । ଏଥିରେ ୬୫ କୋଟିରୁ ଅଧିକ ଭୋଟର ଭାଗ ନେଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
‘ଏହି ନିର୍ବାଚନ ଏଥିପାଇଁ ବହୁତ ଗୁରୁତ୍ୱପୂର୍ଣ୍ଣ କାରଣ, ସ୍ୱାଧୀନତା ପରେ ଦ୍ୱିତୀୟ ଥର କୌଣସି ସରକାରଙ୍କୁ ଲଗାତାର ତୃତୀୟ ଥର ସେବା କରିବାକୁ ଜନତା ସୁଯୋଗ ଦେଇଛନ୍ତି । ଏହି ସୁଯେୠ ୬୦ ବର୍ଷ ପରେ ଆସିଛି । ଏହା ସାରା ବିଶ୍ୱରେ ଦେଶ ପାଇଁ ଗୌରବର କଥା । ଯେବେ ଦେଶର ଜନତା ତୃତୀୟ ଥର ପାଇଁ ଏହି ସରକାର ଉପରେ ଆସ୍ଥା ପ୍ରକଟ କରିଛନ୍ତି ଏହାର ଅର୍ଥ ସରକାରଙ୍କ ସମର୍ପଣ ଭାବ, ନୀତି , ନିୟତି ଉପରେ ଲୋକେ ମୋହର ଲଗାଇଛନ୍ତି’ । ଏଥିପାଇଁ ମୋଦୀ ଦେଶବାସୀଙ୍କୁ କୃତଜ୍ଞତା ଜଣାଇଛନ୍ତି ।
‘ଗତ ୧୦ ବର୍ଷରେ ଯେଉଁ ପରମ୍ପରାକୁ ପ୍ରସ୍ତାବିତ କରିବାକୁ ନିରନ୍ତର ପ୍ରୟାସ କରିଛୁ । କାରଣ ଆମେ ଜାଣିଛୁୁ ସରକାର ଚଳାଇବାକୁ ମହୁମତ ଦରକାର ହେଲେ ଦେଶ ଚଳାଇବାକୁ ଲୋକଙ୍କ ସହମତି ଦରକାର । ଯାହା ଆଜି ମିଳିପାରିଛି । ସମସ୍ତଙ୍କ ସାଙ୍ଗରେ ନେଇ ଭାରତମାତାର ସେବା କରିବୁ । ୧୪୦ କୋଟି ଦେଶବାସୀଙ୍କ ଆଶା, ଅକାଂକ୍ଷାକୁ ପୂରଣ କରିବୁ । ଆମେ ସମସ୍ତଙ୍କୁ ନେଇ ଚାଲିବାକୁ ଚାହୁଁଛୁ ଏବଂ ପ୍ରତି ପ୍ରସ୍ତାବକୁ ଶକ୍ତି ଦେବାକୁ ଚାହୁଛୁ’ ।
ମୋଦୀ ଆହୁରି ମଧ୍ୟ କହିଛନ୍ତି, ‘ସବୁଠୁ ଖୁସିର କଥା ଏଥର ଯୁବା ସାଂସଦଙ୍କ ସଂଖ୍ୟା ବହୁତ ଭଲ ରହିଛି । ୧୮ତମ ସଂସଦ କଥା କହିବାକୁ ଗଲେ, ଯେଉଁମାନେ ଦେଶର ସାଂସ୍କୃତିକ ମୂଲ୍ୟବୋଧକୁ ଜାଣିଛନ୍ତି ସେମାନେ ଏହି ୧୮ ଅଙ୍କର ମୂଲ୍ୟ ଜାଣିପାରିବେ । ଗୀତାରେ ମଧ୍ୟ ଏହି ୧୮ ଅଙ୍କର ଗୁରୁତ୍ୱ ରହିଛି । କର୍ମ, କର୍ତ୍ତବ୍ୟ ଓ କରୁଣାର ସନ୍ଦେସ ଦେଉଛି ଏହି ସଂଖ୍ୟା । ଭାରତରେ ପୁରାଣ ଓ ଉପନିଷଦର ସଂଖ୍ୟା ମଧ୍ୟ ୧୮, ଏହାର ଅଧା ୯ ଯାହା ପୂର୍ଣ୍ଣତାର ପ୍ରତୀକ । ୧୮ ବର୍ଷରେ ଆମ ଦେଶରେ ମତାଧିକାର ମିଳେ । ୧୮ତମ ଲୋକସଭା ଭାରତର ଅମୃତକାଳ, ଏହା ଏକ ଶୁଭ ସଙ୍କେତ’ ।
‘କାଲି ଜୁନ୍ ୨୫ ତାରିଖରେ ଭାରତର ଗଣତନ୍ତ୍ର ଉପରେ ଯେଉଁ କଳା ଦାଗ ଲାଗିଥିଲା ତାକୁ ୫୦ ବର୍ଷ ପୂରଣ ହେବାକୁ ଯାଉଛି । ଭାରତର ନୂଆ ପିଢୀ ଏହି କଥାକୁ କେବେବି ଭୁଲିବନି , ଭାରତର ସମ୍ବିଧାନକୁ ପୁରାପୁରି ଅବମାନନା କରିବାକୁ ଚେଷ୍ଟା କରାଯାଇଥିଲା । ଦେଶକୁ ଜେଲଖାନା ବନାଯାଇଥିଲା । ଜଣତନ୍ତ୍ରକୁ ଅବଦମିତ କରାଯାଇଥିଲା । ଏମର୍ଜେନ୍ସିର ଏହି କାଳିମାମୟ ସମୟକୁ ମନେରଖି ଗଣତନ୍ତ୍ରକୁ ସୁରକ୍ଷିତ ରଖିବାକୁ ଆମ ସରକାର ପ୍ରତିଜ୍ଞାବଦ୍ଧ’ ।
‘ଦେଶବାସୀ ଆମକୁ ତୃତୀୟ ଥର ସେବା କରିବାକୁ ସୁଯୋଗ ଦେଇଛନ୍ତି । ଏହାସହ ଆମ ଦାୟିତ୍ୱ ବି ୩ ଗୁୂଣା ବଢିଛି । ପୂର୍ବପେକ୍ଷା ୩ ଗୁଣା ପରିଶ୍ରମ କରିବୁ ଏବଂ ୩ ଗୁଣା ପରିଣାମ ମଧ୍ୟ ଆଣିବୁ । ସାଂସଦମାନଙ୍କ ଠାରୁ ଦେଶବାସୀଙ୍କୁ ଅନେକ ଆଶା ରହିଛି । ତେଣୁ ଜନହିତ ଓ ଲୋକସେବା ପାଇଁ ଆଜି ଏହି ସୁଯୋଗକୁ ପୂର୍ଣ୍ଣଭାବେ ନିଶ୍ଚିତ କରିବାକୁ ସମସ୍ତ ସାଂସଦଙ୍କୁ ଅନୁରୋଧ କରୁଛି’ ବୋଲି କହିଛନ୍ତି ମୋଦୀ ।