ମେଘାଳୟ ହାଇକୋର୍ଟ ରଦ୍ଦ କଲେ ପୋକ୍ସୋ ମାମଲା । କହିଲେ, ୧୬ ବର୍ଷ ବୟସ ହୋଇଥିଲେ ନେଇପାରିବେ ଶାରୀରିକ ସଂପର୍କ ନିଷ୍ପତ୍ତି
କନକ ବ୍ୟୁରୋ : ମେଘାଳୟ ହାଇକୋର୍ଟ ଜଣେ ୧୬ବର୍ଷିୟ ନାବାଳକ ବିରୋଧରେ ଆସିଥିବା ଯୌନ ଉତ୍ପୀଡନ ମାମଲାରେ ବଡ ଯୁକ୍ତି ଦେଇ ନିଷ୍ପ୍ତି ଶୁଣାଇଛନ୍ତି । ହାଇକୋର୍ଟ ତରଫରୁ ନାବାଳକଙ୍କ ବିରୋଧରେ ଆସିଥିବା ଯୌନ ଅପରାଧ ଅପରାଧ ମାମଲାକୁ ପୋକ୍ସୋ ଅଧିନିୟମ ୨୦୧୨ର ଧାରା ୩ ଓ ୪ କ୍ରମରେ ମାମଲାକୁ ରଦ୍ଦ କରିବା ସହ ନିଷ୍ପତ୍ତି ଶୁଣାଇଛନ୍ତି । କୋର୍ଟ ତାଙ୍କ ନିଷ୍ପତ୍ତିରେ କହିଛନ୍ତି କି ୧୬ ବର୍ଷର କିଶୋର ଯୌନ ସଂପର୍କ ସ୍ଥାପନ କରିବା ନେଇ ସଠିକ ନିର୍ଣ୍ଣୟ ନେବାକୁ ସକ୍ଷମ ଅଟନ୍ତି । ମେଘାଳୟ ହାଇକୋର୍ଟ କହିଛନ୍ତି କି, ଏହି ଆଇନ ସ୍ପଷ୍ଟ ଭାବେ ଦର୍ଶାଉଛି କି ଏହା ସେହି ମାମଲାଗୁଡିକୁ ଅନ୍ତର୍ଭୁକ୍ତ କରିବାକୁ ଚାହୁଁନାହିଁ ଯେଉଁଠାରେ ପୁଅ ଏବଂ ଝିଅ ପ୍ରେମ ସଂପର୍କରେ ସଂପୃକ୍ତ ଅଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ମୁତାବକ ଜଣେ ନାବାଳକ ପୁଅ ସହ ଶାରୀରିକ ସଂପର୍କ ରଖିଥିବା ଝିଅ ଜଣକ ତାଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଆଣିଥିଲେ । ଏହି ମାମଲାର ଶୁଣାଣି ମେଘାଳୟ ହାଇକୋର୍ଟରେ ହୋଇଥିଲା । ସୂଚନା ମୁତାବକ ଅଭିଯୋଗକାରୀ ନାବାଳିକା ଜଣଙ୍କ ସେହି ପୁଅର ଘରେ କାମ କରୁଥିଲା । ସେଠାରୁ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଗଢି ଉଠିଥିଲା । ଏହି ପ୍ରେମ ସଂପର୍କ ମଧ୍ୟରେ ଉଭୟଙ୍କ ମଧ୍ୟରେ ଶାରୀରିକ ସଂପର୍କ ମଧ୍ୟ ରହିଥିଲା । ଏ ସଂପର୍କରେ ନାବାଳିକାର ମା ଜାଣିବା ପରେ ଆଇପିସିର ଧାରା ୩୬୩ ଓ ପୋକ୍ସୋ ଆଇନର ଧାରା ୩ ଏବଂ ୪ ଅନୁଯାୟୀ ଏତଲା ଦେଇଥିଲେ । ନିମ୍ନ ଅଦାଲତରୁ ପିଲାଟିକୁ ଆଶ୍ୱସ୍ତି ନମିଳିବାରୁ ସେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲା ।
ମାମଲାର ଶୁଣାଣି କରି କୋର୍ଟ କହିଛନ୍ତି କି ପରିବର୍ତ୍ତିତ ସାମାଜିକ ଆବଶ୍ୟକତା ସହ ତାଳ ଦେଇ ଆଇନରେ ଆଇନରେ ଆବଶ୍ୟକ ପରିବର୍ତ୍ତନ ଆଣିବାର ଆବଶ୍ୟକତା ରହିଛି । କାରଣ ୧୬ ବର୍ଷ ବୟସରେ ନାବାଳକର ଶାରୀରିକ ଓ ମାନସିକ ବିକାଶକୁ ଦୃଷ୍ଟିରେ ରଖି ଏଭଳି ବ୍ୟକ୍ତି ତା’ର ମଙ୍ଗଳ ସମ୍ବନ୍ଧରେ ନିଷ୍ପତ୍ତି ନେବାରେ ସକ୍ଷମ ହେବା ଯୁକ୍ତିଯୁକ୍ତ ବୋଲି ବିବେଚନା କରାଯିବ ।
ନାବାଳକଙ୍କ ଓକିଲ କୋର୍ଟରେ ଯୁକ୍ତି ବାଢିଥିଲେ ଯେ ଏହା ଯୌନ ଉତ୍ପୀଡନ ମାମଲା ନୁହେଁ ବରଂ ସମ୍ପୂର୍ଣ୍ଣ ସହମତି କ୍ରମେ ସଂପର୍କ । ଏହି ମାମଲାରେ ଅଭିଯୁକ୍ତ ନିଜ ଓକିଲଙ୍କ ଜରିଆରେ ହାଇକୋର୍ଟଙ୍କୁ କହିଥିଲେ କି, ପୀଡିତା ନିଜେ ତାଙ୍କ ବୟାନରେ ଏବଂ କୋର୍ଟ ସାକ୍ଷ୍ୟ ସମୟରେ ପ୍ରକାଶ କରିଛନ୍ତି ଯେ, ଯୌନ ସଂପର୍କରେ କୌଣସି ଜୋର ଜବରଦସ୍ତି ସଂପୃକ୍ତି ନାହିଁ ।