ସଂସଦରେ ପିଆଜ ତାତି : ବେଲଗାମ ପିଆଜ ଦର ବୃଦ୍ଧି ପ୍ରତିବାଦରେ ଗାନ୍ଧି ମୂର୍ତ୍ତି ତଳେ କଂଗ୍ରେସ ସାଂସଦଙ୍କ ଧାରଣା
କନକ ବ୍ୟୁରୋ : ପିଆଜ ଦର ବୃଦ୍ଧିକୁ ନେଇ କଂଗ୍ରେସର ହଲ୍ଲାବୋଲ । ବେଲଗାମ ପିଆଜ ଦର ବୃଦ୍ଧି ପ୍ରତିବାଦରେ ସଂସଦ ପରିସରରେ ଥିବା ଗାନ୍ଧି ମୂର୍ତ୍ତି ତଳେ ଧାରଣା ଦେଲେ କଂଗ୍ରେସ ସାଂଦଦ । ଆଇଏନ୍ଏକ୍ସ ମିଡିଆ ମାମଲାରେ ସୁପ୍ରିମ୍ କୋର୍ଟଙ୍କ ଦ୍ୱାରା ଜାମିନ ପାଇବାର ଦିନକ ପରେ ଅର୍ଥାତ୍ ଗୁରୁବାର ପୂର୍ବାହ୍ନରେ ଶୀତକାଳୀନ ଅଧିବେଶନରେ ଯୋଗଦେବା ପାଇଁ ବରିଷ୍ଠ କଂଗ୍ରେସ ନେତା ପି ଚିଦମ୍ବରମ୍ ପାର୍ଲାମେଣ୍ଟ୍ରେ ପହଞ୍ଚିଛନ୍ତି । ପାର୍ଲାମେଣ୍ଟ ବାହାରେ ପିଆଜର ଦର ବୃଦ୍ଧ ଯୋଗୁଁ ବିରୋଧୀ ସାଂସଦମାନେ କରୁଥିବା ପ୍ରତିବାଦରେ ମଧ୍ୟ ଚିଦମ୍ବରମ୍ ଭାଗ ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଜେଲରୁ ମୁକୁଳିଥିବା ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମ ମଧ୍ୟ ଏହି ପ୍ରତିବାଦରେ ସାମିଲ ହୋଇ ବର୍ତମାନର ଅର୍ଥମନ୍ତ୍ରୀଙ୍କୁ କଟୁ ସମାଲୋଚନା କରିଛନ୍ତି । ଚିଦାମ୍ବରମ କହିଛନ୍ତି ଯେଉଁ ସରକାର କମ ପିଆଜ ଖାଇବାକୁ କହୁଛି, ସେ ସରକାର ଚାଲିଯିବା ଉଚିତ୍ । ପିଆଦ ଦର ବୃଦ୍ଧିକୁ ନେଇ ନିର୍ମଳା କହିଥିଲେ ସେ ପିଆଜ ଖାଉ ନାହାଁନ୍ତି ତେଣୁ ତାଙ୍କୁ କୌଣସି ଫରକ ପଡୁନି ।