ଗରମ ସାଙ୍ଗକୁ ଭାରି ପଡ଼ୁଛି ପାୱାର କଟ୍ : ସମସ୍ୟା ସମାଧାନ ପାଇଁ ଆଜି ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିବ ବୈଠକ
କନକ ବ୍ୟୁରୋ : ଗରମ ସାଙ୍ଗକୁ ଭାରି ପଡ଼ୁଛି ପାୱାର କଟ୍ । ଆଗକୁ ଆହୁରି ଜଟିଳ ହୋଇପାରେ ବିଜୁଳି ସମସ୍ୟା । ଏହାର ସମାଧାନ ପାଇଁ ଆଜି ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବୈଠକ ବସୁଛି । ମୁଖ୍ୟ ଶାସନ ସଚିବ ସୁରେଶ ମହାପାତ୍ର ଡାକିଥିବା ଏହି ବୈଠକରେ ଗ୍ରୀଡକୋ, ଓପିଟିସିଏଲ୍ ଓ ଶକ୍ତି ବିଭାଗର ବରିଷ୍ଠ ଅଧିକାରୀମାନେ ଯୋଗଦେବେ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ବିଦ୍ୟୁତ ଉତ୍ପାଦନ ବୃଦ୍ଧି ସହ ବିଜୁଳି କାଟ ସମସ୍ୟାର କିପରି ମୁକାବିଲା କରାଯିବ ସେନେଇ ବୈଠକରେ ମୁଖତଃ ଆଲୋଚନା ହେବ । ରାଜ୍ୟର ବିଭିନ୍ନ ଜଳ ଭଣ୍ଡାରର ସ୍ଥିତି ଭଲ ଥିଲେ ମଧ୍ୟ ଜଳ ବିଦ୍ୟୁତ୍ ଉତ୍ପାଦନ ହ୍ରାସ ପାଇଛି । କୋଇଲା ଅଭାବରୁ ତାପଜ ବିଦ୍ୟୁତ୍ କେନ୍ଦ୍ର ଗୁଡ଼ିକ ଯେତିକି ବିଜୁଳି ରାଜ୍ୟକୁ ଦେବା କଥା ଦେଇପାରୁନାହାନ୍ତି । ସୁନ୍ଦରଗଡ଼ ଜିଲ୍ଲା ଦର୍ଲିପାଲି ସ୍ଥିତ ଏନଟିପିସିର ଗୋଟିଏ ୟୁନିଟରେ ହଠାତ୍ ସମସ୍ୟା ଦେଖାଦେଇଛି । ଫଳରେ ଓଡ଼ିଶାକୁ ୪ ଶହ ମେଗାୱାଟ୍ ବିଜୁଳି ଯୋଗାଣ ବାଧାପ୍ରାପ୍ତ ହୋଇଛି ।