ସୀମାରେ ଯବାନ, ବାପା-ମାଆଙ୍କୁ ହଇରାଣ କରୁଛନ୍ତି ପଡୋଶୀ । ସୁରକ୍ଷା ପାଇଁ କାନ୍ଦି କାନ୍ଦି ନିବେଦନ କଲେ ଯବାନ
କନକ ବ୍ୟୁରୋ: ଦେଶର ସୁରକ୍ଷା ପାଇଁ ଯବାନ ନିଜର ଜୀବନକୁ ପାଣି ଛଡ଼ାଇ ସୀମାରେ ଜଗି ରହିଛି ହେଲେ ସେପଟେ ନିଜ ବାପା ମାଆ ସୁରକ୍ଷା ଓ ନ୍ୟାୟ ପାଇ ପାରୁ ନ ଥିବାରୁ ଯବାନ ଆଖିରେ ଲୁହ ନିଗାଡ଼ି ପଡ଼ୁଥିବା ଦେଖିବାକୁ ମିଳିଛି । ଯିଏ ଦିନ ରାତି ଏକ କରି ଦେଶ ସୁରକ୍ଷା କରୁଛି, ମାତ୍ର ଜନ୍ମଦାତା ବାପା ମାଆଙ୍କୁ ସୁରକ୍ଷା ଦେଇ ନ ପାରି ସୀମାରେ ଥାଇ ଲୁହ ଭରା ଆଖିରେ ପ୍ରଶାସନକୁ ନ୍ୟାୟ ପାଇଁ ଆକୁଳ ନିବେଦନ କରୁଥିବା ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ନୀଳଗିରି ଥାନା ଅଯୋଧ୍ୟା ଫାଣ୍ଡି ଅଧିନସ୍ଥ ତିନିଦେଶ ଗ୍ରାମର ମନୋରଂଜନ ମହାପାତ୍ରଙ୍କର ବଡ଼ ପୁଅ ନିନି ଗୋପାଳ ମହାପାତ୍ର ଯିଏକି ଯବାନ ଭାବେ ଜାମ୍ମୁ କାଶ୍ମୀର ସୀମାରେ କାର୍ଯ୍ୟରତ । ଘରେ ବାପା, ମାଆ ଓ ସାନ ଭାଇ ରହୁଥିବା ବେଳେ ଘରବାଡ଼ିକୁ କେନ୍ଦ୍ର କରି ତାଙ୍କର ପଡ଼ୋଶୀ ପ୍ରଦୀପ ବିଶ୍ୱାଳ, ପ୍ରତାପ ବିଶ୍ୱାଳ ସମେତ ଅନ୍ୟମାନେ ବାପା, ମାଆ ଓ ଭାଇକୁ ହଇରାଣ ହରକତ କରିବା ସହିତ ଗାଳିଗୁଲଜ କରୁଥିବା ବେଳେ ମରଣାନ୍ତକ ଆକ୍ରମଣ କରିଛନ୍ତି ।
ସେହି ଜାଗାରେ ତାଙ୍କ ପରିବାରକୁ ନ ରଖିବା ପାଇଁ ସେମାନେ କୁଟନୀତି କରି ଅଯଥାରେ ହଇରାଣ କରି ଆସୁଛନ୍ତି । ସୀମାରେ ଥାଇ ବାପା ମାଆଙ୍କର ଦୁଃଖ ସହି ନ ପାରି ଗତ ଏପ୍ରିଲ ମାସରେ ଗାଁକୁ ଆସି ଘଟଣା ବାବଦରେ ଅଯୋଧ୍ୟା ଫାଣ୍ଡିରେ ଅଭିଯୋଗ କଲା ପରେ ମିମାଂସା ହୋଇଥିଲା । ଯବାନ ନିନିଗୋପାଳ ମହାପାତ୍ର ନ୍ଖକ୍ସ କର୍ମ କ୍ଷେତ୍ରକୁ ଗଲାପରେ ମିଛରେ ପ୍ରତିପକ୍ଷମାନେ ବାପା , ମାଆ ଓ ନିନିଗୋପାଳଙ୍କ ନାମରେ ଥାନାରେ ଅଭିଯୋଗ କରିଛନ୍ତି ।
ଏପରିକି ନିନିଗୋପାଳଙ୍କ ଚାକିରିରେ ନାଲିଗାର ପକାଇବା ସହ ଚାକିରି ଛଡ଼ାଇ ନେବାର ଧମକ ଦେଉଛନ୍ତି ବୋଲି ନିନିଗୋପାଳ ପ୍ରକାଶ କରିବା ସହ ମିଥ୍ୟାରେ ବାପା, ମାଆ ଓ ଭାଇଙ୍କୁ ନିର୍ଯାତନା ଦେଉ ଥିବା ଅଭିଯୋଗ କରିିବା ସହିତ ନ୍ୟାୟ ପାଇଁ ଏକ ଭିଡିଓ କରି ସୋସିଆଲ ମିଡିଆରେ ଛାଡିଛନ୍ତି । ଯାହା ଏବେ ଏ ମୋବାଇଲରୁ ସେ ମୋବାଇଲ କୁ ଭାଇରାଲ ହୋଇ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି । ଦେଶକୁ ସୁରକ୍ଷା ଦେଉଥିବା ଯବାନଙ୍କ ଆଖିରେ ଲୁହ ବହୁଥିବା ବେଳେ, ସ୍ଥାନୀୟ ପ୍ରଶାସନ ଯବାନଙ୍କ ପରିବାର ପ୍ରତି କେତେ ଦୂର ସୁରକ୍ଷା ଦେଉଛି ଏବଂ ଅଭିଯୁକ୍ତମାନଙ୍କ ବିରୋଧରେ କି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି ତାହା ଦେଖିବାକୁ ବାକି ରହିଲା ।