କନକ ବ୍ୟୁରୋ : ଉତରକୋରିଆର ଏକଛତ୍ରବାଦ ଶାସକ କିମ୍ ଓନ୍ ଜଙ୍ଗଙ୍କୁ ନେଇ ସବୁବେଳେ ଚର୍ଚ୍ଚା ଲାଗି ରହିଛି । କେତେବେଳେ ପରମାଣୁ ପରୀକ୍ଷଣକୁ ନେଇ ତ କେତେବେଳେ କଠୋର ଆଇନ ବ୍ୟବସ୍ଥାକୁ ନେଇ । ହେଲେ ଏଥର କଠୋର ଆଇନ ବ୍ୟବସ୍ଥାର ସବୁ ସୀମା ଟପି ଯାଇଛନ୍ତି କିମ୍ ଓନ୍ ଜଙ୍ଗ । ଦେଶର ଦୁଇଜଣ ହାଇସ୍କୁଲ ଛାତ୍ର ଦକ୍ଷିଣ କୋରିଆନ ଓ ଆମେରିକୀୟ ସିନେମା ଦେଖିବା ଅଭିଯୋଗରେ ଛାତ୍ର ଦୁଇଜଣଙ୍କୁ ହତ୍ୟା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଛାତ୍ର ଦୁଇଜଣ ଦକ୍ଷିଣ କୋରିଆର ନାଟକ ଦେଖିବା ଓ ଏହାକୁ ବିତରଣ କରିବା ନେଇ ଅଭିଯୋଗ ହୋଇଥିଲା । ଉତ୍ତର କୋରିଆର ଗଣମାଧ୍ୟମ ଇଣ୍ଡିପେଣ୍ଡେଣ୍ଟ ମୁତାବକ ୧୬ ଓ ୧୭ ବର୍ଷର ଦୁଇଜଣ ହାଇସ୍କୁଲ ଛାତ୍ର ଉତ୍ତରକୋରିଆର ରୟାଂଗାଙ୍ଗରେ ଭେଟ ହୋଇଥିଲେ । ଏହାପରେ ଉଭୟ ଅନେକଗୁଡିଏ ଦକ୍ଷିଣ କୋରିଆନ ଓ ଆମେରିକୀୟ ଡ୍ରାମା ଦେଖିଥିଲେ ।
ଏହାପରେ ଦେଖିବାକୁ ମିଳିଥିଲା ଏହି ଦୁଇଛାତ୍ରଙ୍କୁ ଉତ୍ତରକୋରିଆର ଏକ ବିମାନବନ୍ଦର ନିକଟରେ ହତ୍ୟା କରି ଟାଙ୍ଗି ଦିଆଯାଇଛି । ଏନେଇ ସରକାର କହିଛନ୍ତି ଏହି ଛାତ୍ର ୨ ଜଣ ଭୟଙ୍କର ଅପରାଧ କରିଛନ୍ତି । ତେଣୁ ସ୍ଥାନୀୟ ଲୋକଙ୍କ ସାମ୍ନାରେ ସେମାନଙ୍କୁ ମୃତ୍ୟୁଦଣ୍ଡ ଦିଆଯାଇଛି । ଫଳରେ ଅନ୍ୟମାନେ କେବେ ଏଭଳି ଭୁଲ କରିବାକୁ ସାହାସ କରିପାରିବେ ନାହିଁ ।
କେବଳ ସେତିକି ନୁହେଁ ଗତବର୍ଷ ଉତରକୋରିଆର ଶାସକ କିମ୍ ଓନ ଜଙ୍ଗଙ୍କ ପିତା କିମ୍ ଜଙ୍ଗର ମୃତ୍ୟୁବାର୍ଷିକ ପାଳନ କରାଯାଉଥିଲା ଏହି ଅବସରରେ କିମ୍ ଓନ୍ ଜଙ୍ଗ ଘୋଷଣା କରିଥିଲେ କି ଏହି ୧୧ ଦିନ ମଧ୍ୟରେ ଦେଶରେ କେହି ହସିପାରିବେ ନାହିଁ, କିଣାକିଣି କରିପାରିବେ ନାହିଁ କି ମଦ୍ୟପାନ କରିପାରିବେ ନାହିଁ ।