କନକ ବ୍ୟୁରୋ: ମୁଖ୍ୟମନ୍ତ୍ରୀଙ୍କୁ ଶ୍ରେଷ୍ଠ ପ୍ରଶାସକ ଭାବେ ଆଉଟଲୁକରେ ସମ୍ମାନିତ କରାଯିବା ପ୍ରସଙ୍ଗରେ କେନ୍ଦ୍ରମନ୍ତ୍ରୀଙ୍କ କଟାକ୍ଷର କଡା ଜବାବ୍ ରଖିଛି ବିଜେଡି । କୃଷିମନ୍ତ୍ରୀ ଦାମୋଦର ରାଉତ କହିଛନ୍ତି ଯେ, ନିଜ ନିର୍ବାଚନ ମଣ୍ଡଳିରେ କେନ୍ଦ୍ରମନ୍ତ୍ରୀଙ୍କୁ କେହି ପଚାରୁନାହାନ୍ତି । ବାହାର ରାଜ୍ୟରେ ସାଂସଦ ହେବା ପରେ ନିଜକୁ ଓଡିଆ ବୋଲି ଭାବୁନାହାନ୍ତି ଧର୍ମେନ୍ଦ୍ର ପ୍ରଧାନ । ସେ ପୁରସ୍କାର ପାଇଲେ ଦାମ ଖୁସି ହେବେ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ଆଇଓସିଏଲ ପ୍ରସଙ୍ଗରେ ସବୁବେଳେ ଧର୍ମେନ୍ଦ୍ରଙ୍କୁ କାଠଗଡାକୁ ଟାଣୁଥିବା ଦାମ ଏଥର ବି କଡା କଥା କହିଛନ୍ତି । କହିଛନ୍ତି ଯେ, ପାରାଦୀପ ଆଇଓସିଏଲରେ ବିହାର କଲୋନି ହୋଇ ସାରିଲାଣି । ରାଜ୍ୟ ପାଇଁ ଧର୍ମେନ୍ଦ୍ର ଜଣେ ବଡ ଶତ୍ରୁ ବୋଲି କହିଛନ୍ତି ମନ୍ତ୍ରୀ ।
ସୂଚନା ମୁତାବକ, ଆଉଟଲୁକ ପତ୍ରିକା ଦ୍ୱାରା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଶ୍ରେଷ୍ଠ ପ୍ରଶାସକ ପୁରସ୍କାର ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି କଟାକ୍ଷ କରିଛନ୍ତି । ସେ କହିଛନ୍ତି କି, ଦିଲ୍ଲୀରେ କେହି ଆଉଟଲୁକ୍ ପଢନ୍ତିନାହିଁ । ବିଜ୍ଞାପନ ଦେଲେ ପୁରସ୍କାର ମିଳିପାରୁଛି । ମୋତେ କେବେ ଏଭଳି ପୁରସ୍କାର ମିଳିବ ଅପେକ୍ଷା କରିଛି ବୋଲି କହିଛନ୍ତି କେନ୍ଦ୍ରମନ୍ତ୍ରୀ ।
ସେ ଆହୁରି କହିଛନ୍ତି, ନିକଟରେ ସୁପ୍ରିମକୋର୍ଟ କହିଥିଲେ ଓଡିଶାରେ ପାହାଡ ଭଳି ଖଣି ଲୁଟ୍ ହୋଇଛି । ଆଉ ଏଥିରେ ରାଜ୍ୟ ସରକାରଙ୍କ ସଂପୃକ୍ତି ରହିଛି । ଦୌପଦୀଙ୍କ ବସ୍ତ୍ରହରଣ ହେଲେ ଭୀଷ୍ମ ଓ ଦ୍ରୋଣ ନୀରବ ରହିଥିଲେ । ତେବେ ଏଭଳି ସ୍ଥିତିରେ ବିଦ୍ୱାନମାନେ ନୀରବ ନରହିବାକୁ ଧର୍ମେନ୍ଦ୍ର ପରାମର୍ଶ ଦେଇଛନ୍ତି ।