ମୁମ୍ବାଇର ୩ ଟି ରେଳ ଷ୍ଟେସନ ଓ ଅମିତାଭ ବଚ୍ଚନଙ୍କ ଘର ଉଡାଇ ଦେବାକୁ ଫୋନ ମାଧ୍ୟମରେ ଧମକ ମାମଲା , ୨ ଜଣଙ୍କୁ ଅଟକ ରଖିଛି କ୍ରାଇମ ବ୍ରାଞ୍ଚ
କନକ ବ୍ୟୁରୋ : ମହାରାଷ୍ଟ୍ର ରାଜଧାନୀ ମୁମ୍ବାଇ ପୋଲିସ ନିକଟକୁ ଆସିଥିବା ଏକ ଫୋନ କଲ ଏବେ ପୁରା ମୁମ୍ବାଇ ସହରବାସୀଙ୍କୁ ଭୟଭିତ କରିଛି । ଶୁକ୍ରବାର ରାତିରେ ମୁମ୍ବାଇ ପୋଲିସ କଣ୍ଟ୍ରୋଲ ରୁମକୁ ଏକ ଫୋନ କଲ ଆସିଥିଲା । ଫୋନ କରିଥିବା ଅଜ୍ଞାତ ବ୍ୟକ୍ତି ପୋଲିସକୁ ଧମକ ଦେଇ କହିଥିଲା କି ମୁମ୍ବାଇର ୪ ଟି ସ୍ଥାନରେ ବୋମା ରଖାଯାଇଛି । ଯାହା ମଧ୍ୟରେ ମୁମ୍ବାଇର ୩ ଟି ରେଳ ଷ୍ଟେସନ ଓ ଅଭିନେତା ଅମିତାଭ ବଚ୍ଚନଙ୍କର ଏକ ଘର ରହିଛି । ଏଭଳି ଫୋନ କଲ ପାଇବା ପରେ ପୋଲିସ ପକ୍ଷରୁ ଏହି ୪ ଟି ସ୍ଥାନରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଥିଲା । ହେଲେ ଏନେଇ ପୋଲିିିସ ଯାଂଚ କରିବା ପରେ ଏହି ଫୋନ କଲ ନକଲି ଥିବା ପୋଲିସ ସୂଚନା ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ଫୋନକଲକୁ ଟ୍ରାକିଂ କରି ମୁମ୍ବାଇ କ୍ରାଇମବ୍ରାଞ୍ଚର ସିଆଇୟୁ (କ୍ରାଇମ ଇଣ୍ଟେଲିଜେନ୍ସ ୟୁନିଟ) ୨ ଜଣ ସନ୍ଦିଗ୍ଧଙ୍କୁ ଅଟକ ରଖି ପଚରା ଉଚରା କରୁଛି ।
#UPDATE | Mumbai Crime Branch’s CIU (Crime Intelligence Unit) has detained two people. They are being questioned in connection with the hoax phone call, received by Police last night, that mentioned the presence of bombs at four different locations across Mumbai.
— ANI (@ANI) August 7, 2021
ଏପଟେ ଜଣେ ପୋଲିସ ଅଧିକାରୀ କହିଛନ୍ତି କି ଫୋନ କଲ ପାଇବା ପରେ ରାଜକୀୟ ରେଲୱେ ପୋଲିସ, ରେଲୱେ ସୁରକ୍ଷା ବଳ ସହ ବୋମା ନିରୋଧକ ଟିମ ଓ ସ୍ଥାନୀୟ ପୋଲିସ ଘଟଣା ସ୍ଥଳରେ ପହଂଚି ଅନୁସନ୍ଧାନ ଆରମ୍ଭ କରିଥିଲେ । ହେଲେ ସେହି ସ୍ଥାନରୁ କିଛି ସୁରାଗ ମିଳି ନଥିଲା ।