କୁନିପୁଅର ରେକର୍ଡ : ୩ ବର୍ଷରେ ୩ ଖନ୍ଦା ପଣିକିଆ, ୨୩ ମିନିଟରେ ପଢିଲେ ୨୭ ବହି
କନକ ବ୍ୟୁରୋ : ତିନି ବର୍ଷରେ ୩ ଖନ୍ଦା ପଣିକିଆ । ୨୩ ମିନିଟରେ ପଢିିଦେଲେ ୨୭ଟି ବହି । ଯେଉଁ ବୟସରେ କଥା କହିଲେ ପାଟି ଖନିବାଜେ ସେ ବୟସରେ କୁନି ପୁଅ କିନ୍ତୁ ଅନର୍ଗଳ କହିଯାଉଛି ଦେଶ, ଦୁନିଆଁର କଥା । ମୁହଁରେ ମୁହଁରେ ଦେଶ, ରାଜ୍ୟ, ରାଜଧାନୀ, ନେତା, ମନ୍ତ୍ରୀ, ଗଣିତ ,ଭୂଗୋଳ ସବୁକିଛି । ମୁଣ୍ଡ ନୁହେଁ ତ କମ୍ପ୍ୟୁଟର । କୁନି ପୁଅର ଏପରି ଧି ଶକ୍ତି ଦେଖି ସମସ୍ତେ ହତବାକ୍ ।ଏ ହେଉଛନ୍ତିି ଲୁଧିଆନା ବାସିନ୍ଦା କୁଅଁର ପ୍ରତାପ ସିଂଙ୍କ କଥା । ସତରେ କୁଅଁର ଈଶ୍ୱରଙ୍କ ଏକ ନିଆରା ସୃଷ୍ଟି । ଏଭଳି ଉପହାରକୁ ପାଇ ବାପା ମା ଈଶ୍ୱରଙ୍କ ନିକଟରେ ସତତ କୃତଜ୍ଞ । ପୁଅର ରୁଚିକୁ ଦେଖି ବାପା ମା ବି ହତବାକ୍ । ଭାରି ଯତ୍ନର ସହ ପୁଅକୁ ବାଟେଇ ନେଉଛନ୍ତି ବାପା ମା।
Kanak News is now on WhatsApp
Join and get latest news updates delivered to you via WhatsApp
ଯେଉଁ ବୟସରେ ପିଲାଏ ଖେଳିବାକୁ ବାୟା, କୁଅଁର କିନ୍ତୁ ବହି ପଢିବାରେ ମଗ୍ନ । ସବୁ ଦେଶ ଓ ରାଜଧାନୀ ଗୁଡିକର ନାଁ ପୁରା ମୁଖସ୍ଥ । ଥରେ ଯେଉଁ ମାନଚିତ୍ର ଦେଖନ୍ତି ଆଖିରେ ତାଙ୍କର ଯେପରି ପ୍ରିଂଟ ହୋଇଯାଏ । ତାଙ୍କ ଆଗରେ ଯାହା କଥା ହେଲେ ତାହା ତାଙ୍କ ବ୍ରେନରେ ଯେମିତି ରେକର୍ଡ ହୋଇଯାଏ । ଯେତେ ବଡ ଗୁଣନ , ହରଣ ହେଉ ସହଜରେ ସେସବୁ ସମାଧାନ କରିଦିଅନ୍ତି । ମିଶାଣ ଫେଡାଣ ତ ତାଙ୍କ ମୁହଁରେ ।
ସରାଭାର ନଗର ସାକ୍ରିଡ୍ ହାର୍ଟ କନଭେଂଟ ସ୍କୁଲର ପ୍ରଥମ ଶ୍ରେଣୀ ଛାତ୍ର କୁଅଁର । ହେଲେ ଷ୍ଟାଣ୍ଡାର୍ଡ ୫ର ସବୁ ବହି ଯେପରି ତାଙ୍କ କରାୟତ୍ତ । କଲୋନୀର ସବୁ ଲୋକଙ୍କ ନାଁ ଆଉ ଘର ନମ୍ବର ବି ତାଙ୍କର ମୁଖସ୍ଥ । ଅଲିମ୍ପିଆଡ୍ ଗୁଡିକୁ କିଛି ମାତ୍ର ମିନିଟରେ ସମାଧାନ କରିଦିଅନ୍ତି । ବହି ପଢିବାରେ ତାଙ୍କର ଯୋଶ୍ ଓ ବିଭିନ୍ନ ଭାଷାରେ କଥା କହିବାର ପ୍ରବୃତ୍ତି ସମସ୍ତଙ୍କୁ ଆଶ୍ଚର୍ଯ୍ୟ କରେ । ଖେଳିବାକୁ ସାଙ୍ଗ ପିଲାମାନେ ଆସିଲେ ଶିକ୍ଷକଙ୍କ ଭଳି ପାଠ ପଚାରନ୍ତି କୁଅଁର । ମାତ୍ର ୩ ବର୍ଷରେ ଅଭୁତପୂର୍ବ ସ୍ମୃତିଶକ୍ତି ପାଇଁ କୁଅଁରଙ୍କୁ ମିଳିଛି ଦେଶ ଓ ବିଶ୍ୱରୁ ଏନେକ ସମ୍ମାନ । ଇଣ୍ଡିଆ ବୁକ୍ ଅଫ୍ ରେକର୍ଡସ୍ ଓ ଇଣ୍ଟରନ୍ୟାସନାଲ ବୁକ୍ ଅଫ୍ ରେକର୍ଡରେ ରହିଛି କୁଅଁରଙ୍କ ନାଁ । ମେଡାଲରେ ଭରିହୋଇଯାଉଛି କୁଅଁରଙ୍କ ଛାତି । ଚାଇଲ୍ଡ ପ୍ରୋଜିଡି ମାଗାଜିନରେ ଦେଶରେ ୧୦୦ଜଣ ପିଲାଙ୍କ ମଧ୍ୟରେ ସେ ସବୁଠୁ ଆଗରେ ।ବଡ ହେଲେ ସାଇଣ୍ଟିଷ୍ଟ ହେବେ ବୋଲି କୁହନ୍ତି କୁଅଁର ପ୍ରତାପ ।ପୁଅର ସବୁଇଚ୍ଛା ପୂରଣ କରିବାକୁ ତତ୍ପର ବାପା, ମା’ ।