ପ୍ରଧାନମନ୍ତ୍ରୀ ମୋଦି, ଧର୍ମେନ୍ଦ୍ର ଓ ବିଜେଡି ସାଂସଦ ଭର୍ତୃହରିଙ୍କ ଉପସ୍ଥିତିରେ ଉନ୍ମୋଚିତ ହେଲା ହରେକୃଷ୍ଣ ମହତାବଙ୍କ ଓଡିଶା ଇତିହାସ । ଓଡିଶା ରାଜନୀତିରେ ଚର୍ଚ୍ଚା ଜୋରଦାର ।
କନକ ବ୍ୟୁରୋ: ଦିଲ୍ଲୀରେ ଉତ୍କଳ କେଶରୀ ହରେକୃଷ୍ଣ ମହତାବଙ୍କ ଦ୍ୱାରା ରଚିତ, ଓଡିଶା ଇତିହାସର ହିନ୍ଦୀ ସଂସ୍କରଣକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉନ୍ମୋଚନ କରିଛନ୍ତି । ଏଥିସହ ମୋଦି ବିଜେଡି ସାଂସଦ ଭର୍ତୃହରିଙ୍କୁ ବି ପ୍ରଶଂସା କରିଛନ୍ତି । ଏହି ଡକ୍ୟୁମେଂଟାରୀରେ କୁହାଯାଇଛି ଆଧୁନିକ ଓଡିଶା ନିର୍ମାଣର ମୂଳଦୂଆ ପକାଇଥିଲେ ହରେକୃଷ୍ଣ ମହତାବ । ହୀରାକୁଦ ବନ୍ଧ, ପାରାଦ୍ୱୀପ ବନ୍ଦର ଓ ରାଉରକେଲା ଇସ୍ପାତ କାରଖାନା ନିର୍ମାଣକରି ଓଡିଶାକୁ ଏକ ନୂଆ ପରିଚୟ ଦେଇଥିଲେ ମହତାବ ।
Kanak News is now on WhatsApp
Join and get latest news updates delivered to you via WhatsApp
ଓଡିଶାର ପ୍ରଥମ ମୁଖ୍ୟମନ୍ତ୍ରୀ ହରେକୃଷ୍ଣ ମହତାବଙ୍କ ରଚିତ ପୁସ୍ତକର ଦିଲ୍ଲୀରେ ଉନ୍ମୋଚନ ହୋଇଛି, କିନ୍ତୁ ଏପଟେ ଓଡିଶାରେ ବି ଏହାକୁ ନେଇ ବେଶ ଚର୍ଚ୍ଚା ହୋଇଛି । ପୁସ୍ତକ ଉନ୍ମୋଚନକୁ ରାଜନୈତିକ ଦୃଷ୍ଟିକୋଣରେ ଦେଖିଲେ ଚର୍ଚ୍ଚା ହେବା ବି ସ୍ୱାଭାବିକ ।ପ୍ରଧାନମନ୍ତ୍ରୀ ମୋଦି ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ବିଜେଡି ସାଂସଦ ଭର୍ତୃହରିଙ୍କ ଏହି ପୁସ୍ତକ ଉନ୍ମୋଚନ ଉତ୍ସବ ରାଜ୍ୟ ରାଜନୀତିକୁ ଚର୍ଚ୍ଚାର ଖୋରାକ ଯୋଗାଇଛି ।