ନୂଆ ଆଇଟି ନିୟମ ସାମାଜିକ ଗଣମାଧ୍ୟମ କମ୍ପାନୀର ମନମାନୀ ଉପରେ ଲଗାଇବ ବ୍ରେକ୍, ଭୁଲ ତଥ୍ୟ ପୋଷ୍ଟ କଲେ ତୁରନ୍ତ କାର୍ଯ୍ୟାନୁଷ୍ଠାନ।
କନକ ବ୍ୟୁରୋ: ଆଇଟି ନିୟମରେ ସଂଶୋଧନ ପରେ ସାମାଜିକ ଗଣମାଧ୍ୟମର କମ୍ପାନୀ ଅଧିକ ସଚେତନ ହେବା ଆବଶ୍ୟକ ହୋଇପଡିଛି । ଅଧିକ ଦାୟିତ୍ୱବାନ ହୋଇ କାମ କଲେ କୌଣସି ବେଆଇନ ପୋଷ୍ଟ ରୋକାଯାଇପାରିବ । କେନ୍ଦ୍ର ଆଇଟି ମନ୍ତ୍ରାଳୟର ରାଷ୍ଟ୍ରମନ୍ତ୍ରୀ ରାଜୀବ ଚନ୍ଦ୍ରଶେଖର ଶନିବାର ଏହା ସ୍ପଷ୍ଟ କରିଛନ୍ତି । ସୋସିଆଲ ମଡିଆରେ ଉପଲବ୍ଧ ହେଉଥିବା ବିଭିନ୍ନ ସାମଗ୍ରୀ ଏବଂ ଅନ୍ୟ ପ୍ରସଙ୍ଗକୁ ନେଇ ହେଉଥିବା ମାମଲାରେ ଅଭିଯୋଗ ପରେ ଶୁକ୍ରବାର କେନ୍ଦ୍ର ସରକାର ଆଇଟି ନିୟମରେ ପରିବର୍ତ୍ତନ କରିଥିଲେ । ଏହା ବାଦ୍ ଏକ କମିଟିର ଗଠନ କରାଯାଇଛି । ଏହି କମିଟି ମେଟା ଓ ଟ୍ୱିଟର ଭଳି ସାମାଜିକ ଗଣମାଧ୍ୟମ ପ୍ଲାଟଫର୍ମର ବିଭିନ୍ନ ଅଭିଯୋଗର ସମୀକ୍ଷା କରିବ । ସାମାଜିକ ଗଣମାଧ୍ୟମ କମ୍ପାନୀର ମନମାନୀ ଉପରେ ବ୍ରେକ୍ ଲଗାଇବ ।
Kanak News is now on WhatsApp
Join and get latest news updates delivered to you via WhatsApp
ତିନି ସଦସ୍ୟ ବିଶିଷ୍ଟ ଏହି କମିଟିକୁ ନେଇ ରାଜୀବ ଚନ୍ଦ୍ରଶେଖର କହିଛନ୍ତି, ସରକାର ନାଗରିକଙ୍କ ପାଖରୁ ମିଳୁଥିବା ଅନେକ ସନ୍ଦେଶ ବାବଦରେ ଅବଗତ ହେବେ ଯାହା କମ୍ପାନୀମାନଙ୍କୁ କହିବା ପରେ ମଧ୍ୟ ସମାଧାନ ହେଉନାହିଁ । ଏହା ସହ ଭୁଲ ସୂଚନା, ବେଆଇନ ସାମଗ୍ରୀକୁ ବୃଦ୍ଧି କରିବାରେ ସହାୟକ ହେଉଥିବା ଅନେକ ସାମଗ୍ରୀକୁ ୭୨ ଘଣ୍ଟା ଭିତରେ ହଟାଯିବ । ଏହି ୭୨ ଘଣ୍ଟାର ଅବଧି ସବୁଠାରୁ ଅଧିକ ।