ତିନି ତଲାକ ପାଇଁ ତିନି ବର୍ଷ ଜେଲ ! ବିଲକୁ ଅନୁମୋଦନ କଲା କେନ୍ଦ୍ର କ୍ୟାବିନେଟ, ସଂସଦରେ ବିଲ ଆଗତ ପାଇଁ ଫିଟିଲା ବାଟ
କନକ ବ୍ୟୁରୋ : ଟ୍ରିପଲ୍ ତଲାକ୍ ରୋକିବାକୁ ସଂସଦର ଶୀତ ଅଧିବେଶନରେ ଆସିବ ବିଲ୍ । ଏହି ବିଲ୍ ଆଗତ ହେବା ପାଇଁ ରାସ୍ତା ପରିଷ୍କାର ହୋଇଛି । ମୁସଲିମ୍ ମହିଳା ବିବାହ ଅଧିକାର ସୁରକ୍ଷା ବିଲ୍୍ ୨୦୧୭କୁ ଆଜି କେନ୍ଦ୍ର କ୍ୟାବିନେଟ୍ ଅନୁମୋଦନ କରିଛି । ଏହି ବିଲ୍ ପାରିତ ହେଲେ ତିନି ତଲାକକୁ ଧର୍ତବ୍ୟ ଓ ଜାମିନବିହୀନ ଅପରାଧ ଭାବେ ଗ୍ରହଣ କରାଯିବ । ଏହି ଅପରାଧ ଲାଗି ୩ ବର୍ଷ ଜେଲ୍ ଦଣ୍ଡର ବ୍ୟବସ୍ଥା ରହିଛି । ଏହି ମାସର ପ୍ରଥମ ସପ୍ତାହରେ ବିଲ୍ ଡ୍ରାଫ୍ଟକୁ ରାଜ୍ୟଗୁଡିକୁ ପଠାଇଥିଲେ କେନ୍ଦ୍ର ସରକାର । ଡିସେମ୍ବର ୧୦ ତାରିଖ ସୁଦ୍ଧା ଉତର ରଖିବାକୁ କୁହାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତିନି ତଲାକ୍ ବା ତତକ୍ଷଣାତ୍ ଛାଡ଼ପତ୍ରକୁ ଅଗଷ୍ଟ ୨୨ ତାରିଖରେ ସୁପ୍ରିମକୋର୍ଟ ଅବୈଧ ଘୋଷଣା କରିବା ପରେ ଏହି ବିଲ୍ ପ୍ରସ୍ତୁତ କରାଯାଇଛି । ଗୃହମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷତାରେ ଆନ୍ତଃ ମନ୍ତ୍ରୀ ଗୋଷ୍ଠୀ ଏହି ବିଲ୍ ଡ୍ରାଫଟ ପ୍ରସ୍ତୁତ କରିଥିଲେ । ଏହି ବିଲ୍ ଆଇନରେ ପରିଣତ ହେଲେ ମୌଖିକ, ଲିଖିତ, ଟେଲିଫୋନ୍ କିମ୍ବା ସୋସିଆଲ ମିଡିଆରେ ତଲାକ୍ ଦେବା ବେଆଇନ୍ ହେବା ସହ ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।