କଣ୍ଟାବାଞ୍ଜିରେ ନରବଳିର କଳଙ୍କ: ଅମାବାସ୍ୟା ତିଥିରେ ଭାଇ ପାଲଟିଲା ସଇତାନ; ତନ୍ତ୍ରମନ୍ତ୍ର ପାଇଁ ନିଜ ୧୨ ବର୍ଷର ଭଉଣୀକୁ ବଳି ଦେଇଥିବା ଅଭିଯୋଗ
ସମାନ ଅଭିଯୋଗରେ ଯାଇଥିଲା ଜେଲ୍, ବେଲରେ ଆସିବା ପରେ ପୁଣି ଘଟାଇଲା ନାରକୀୟ କାଣ୍ଡ
କନକ ବ୍ୟୁରୋ: କଣ୍ଟାବାଞ୍ଜିରୁ ଆସିଛି ଏକ ଅଭାବନୀୟ ଖବର । କଣ୍ଟାବାଞ୍ଜିରେ ଏକ କଳଙ୍କିତ ଅଧ୍ୟାୟ ତିଆରି କରିଛି ଅମାବାସ୍ୟାର ତାନ୍ତ୍ରିକ । ପୂର୍ବରୁ ନରବଳି ଦେଇଥିବା ଅଭିଯୋଗରେ ଜେଲ ଯାଇ ଜାମିନ ପାଇଥିବା ଅଭିଯୁକ୍ତ ପୁଣି ଏକ ନରବଳି ଦେଇଥିବା ଅଭିଯୋଗ ହୋଇଛି । ତନ୍ତ୍ରମନ୍ତ୍ର ପାଇଁ ଅଭିଯୁକ୍ତ ଶୋଭବନ ରଣା ନିଜର ୧୨ବର୍ଷୀୟା ଭଉଣୀକୁ ହତ୍ୟା କରିଥିବା ଅଭିଯୋଗ ହୋଇଛି । ସବୁଠାରୁ ଆଶ୍ଚର୍ଯ୍ୟର କଥା ହେଉଛି ଗତବର୍ଷ ଶୋଭବନ ନିଜ ସମ୍ପର୍କୀୟ ମାମୁଁଙ୍କ ପୁଅକୁ ବଳିଦେଇ ଜେଲ୍ ଯାଇଥିଲା । ଆଉ ଜାମିନରେ ଫେରିବା ପରେ ପୁଣି ନରହନ୍ତା ବନିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବଲାଙ୍ଗୀର ଜିଲ୍ଲା କଣ୍ଟାବାଞ୍ଜିର ସିନ୍ଧେକେଲା ଅଂଚଳରେ ରହୁଥିବା ଏହି ୧୨ବର୍ଷୀୟା ନାବାଳିକା ଗତ ୨୪ତାରିଖ ମଙ୍ଗଳବାରଠାରୁ ନିଖୋଜ ଥିଲା । ଏନେଇ ପରିବାର ଲୋକଙ୍କ ପକ୍ଷରୁ ଶୁକ୍ରବାର ଦିନ ଥାନାରେ ମାମଲା ବି ରୁଜୁ ହୋଇଥିଲା । ତନ୍ତ୍ରମନ୍ତ୍ର ପାଇଁ ନିଜ ଭଉଣୀକୁ ମାରିଦେଇଥିବା ଅଭିଯୋଗ ହୋଇଛି । ସେପଟେ ନିଖୋଜ କୁନି ଝିଅର କୌଣସି ପତା ମିଳୁନାହିଁ । ଏସବୁକୁ ନେଇ ଗାଁ ଲୋକ ଥାନା ଘେରାଉ କରିଥିବା ବେଳେ ଅଭିଯୁକ୍ତ ଶୋଭବନ ରଣାକୁ ଅଟକ ରଖିଛି ପୁଲିସ ।