ଆର୍ମିରୁ ଅବସରପ୍ରାପ୍ତ କୁକୁରଙ୍କୁ ଆଉ ହତ୍ୟା କରାଯିବ ନାହିଁ ! ଖୋଲିଲା ସ୍ୱତନ୍ତ୍ର ଓଲ୍ଡ ଏଜ ହୋମ୍, ମିଳିବ ସାହାରା ଓ ଭଲପାଇବା
ଆର୍ମି କୁକୁର ମାନେ ପାଇବେ ନୂଆ ଜୀବନ । ତାଙ୍କୁ ଖୁବ ସାରା ଭଲପାଇବା ଓ ଘର ମଧ୍ୟ ମିଳିବ । କାରଣ ଅବସର ନେଲା ପରେ ବି ଏବେ ଆଉ ସେନା ବାହନୀରେ ବ୍ୟବହୃତ ହେଉଥିବା କୁକୁରଙ୍କୁ ହତ୍ୟା କରାଯିବନାହିଁ । କାରଣ ସେନାରେ ବ୍ୟବହାର କରାଯାଉଥିବା କୁକୁରଙ୍କୁ ଅବସର ପରେ ଗୁଳି ମାରି ଦିଆଯାଏ । ଏବେ ଅବସର ପରେ ମଧ୍ୟ ସେନାର କୁକୁର ମାନଙ୍କୁ ନୂଆ ଜୀବନ ମିଳିବ । ନିକଟରେ ସରକାର ଆର୍ମି କୁୁକୁରଙ୍କ ପାଇଁ ସ୍ୱତନ୍ତ୍ର ବୃଦ୍ଧାଶ୍ରମ ଖୋଲିଛନ୍ତି । ଏକ ବର୍ଷ ପୂର୍ବରୁ ଅବସର ପରେ ଆର୍ମି କୁକୁର ମାନଙ୍କୁ ଗୁଳି ମାରି ହତ୍ୟା କରାଯାଉଥିଲା । ପ୍ରଥମରୁ ଆଘାତପ୍ରାପ୍ତ ଓ ଅବସରପ୍ରାପ୍ତ କୁକରକୁ ସହ ଏପରି କରାଯାଉଥିଲା । କିନ୍ତୁ ଏବେ ଆଉ ଏପରି ହେବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଜଣେ ଆର୍ମି ଅଧିକାରୀ କହିଛନ୍ତି, ସମସ୍ତ ଆର୍ମି କୁକରଙ୍କୁ ଅବସର ପରେ ମଧ୍ୟ ପୂର୍ବ ପରି ଭଲ ପାଇବା ମିଳିବ । ଏହାସହ ସେ କହିଛନ୍ତି, ଆମେ ଏହି କୁକରକୁ ନିଲାମୀ ଡ଼ାକିବା ପାଇଁ ମଧ୍ୟ ଚିନ୍ତା କରୁଛୁ । ଯେଉଁମାନେ ଏହି କୁକରଙ୍କ ସହ ଯୋଡ଼ି ହୋଇଥାଆନ୍ତି, ଯେପରି ଆର୍ମି ଅଧିକାରୀ ସେମାନେ ଏହି କୁକର ମାନଙ୍କୁୁ ପୋଷ୍ୟ କରିପାରିବେ । ଏହାସହ ସେ କହିଛନ୍ତି, ସବୁ କୁକୁରର ନିଲାମୀ ଡକାଯିବ ନାହିଁ । କାରଣ ଆତଙ୍କବାଦୀ ବିରୋଧୀ ଅପରେସନରେ ବ୍ୟବହୃତ ହେଉଥିବା କୁକର ବହୁତ ଆକ୍ରମାକ ଥାଆନ୍ତି ।
ସେମାନଙ୍କୁ ଘରେ ରହୁଥିବା ଛୁଆଙ୍କ ସହ ଏକାଠି ରଖାଯିବା ବିପଦପୂର୍ଣ୍ଣ ସାବ୍ୟସ୍ତ ହୋଇପାରେ । ଗତ ବର୍ଷ ଏହି
କୁକୁର ମାନଙ୍କ ନିମେନ୍ତ ଏକ ଏନଜିଓ ତିଆରି କରିବା ପାଇଁ ବୋଲି ଦିଲ୍ଲୀ ହାଇକୋର୍ଟ ରକ୍ଷା ମନ୍ତ୍ରାଳୟକୁ ନିର୍ଦ୍ଦେଶ ଦେଇଥିଲେ । ଏହି ନିର୍ଦ୍ଦେଶ କ୍ରମେ କିଛି ଦିନ ପୂର୍ବରୁ ଏହି କୁକୁରଙ୍କ ପାଇଁ ମିରଟର ବୋର ଡଗ ସ୍କଲରେ ବୃଦ୍ଧାଶ୍ରମ ସ୍ଥାପନ କରାଯାଇଛି । ସୂଚନାଯୋଗ୍ୟ ଆର୍ମିର କୁକୁର ସାଧାରଣତଃ ୭-୮ ବର୍ଷ ବୟସରେ ଅବସର ନିଅନ୍ତି । ଏବେ ଆର୍ମିରେ ୧ ହଜାରରୁ ଅଧିକ କୁକର ଅଛନ୍ତିି । ଆର୍ମି ଅଧିକାରୀ କହିଛନ୍ତି, ଏହି କୁକୁର ମାନଙ୍କୁ କେବଳ କିଛି ଜରୁରୀ ସ୍ଥିତିରେ ହତ୍ୟା କରାଯିବ, ଯେତେବେଳେ ତାଙ୍କ ପାଇଁ ମୃତ୍ୟୁ ଏକମାତ୍ର ସାହାରା ରହିବ ।
ଏକ ୱେବସାଇଟ୍ ଅନୁସାରେ ଆମେରିକା ଓ ବ୍ରିଟେନରେ ସେନାରେ ବ୍ୟବହୃତ ହେଉଥିବା କୁକର ମାନଙ୍କୁ ବୃଦ୍ଧାଶ୍ରମ କିମ୍ବା ଅବସରପ୍ରାପ୍ତ ମିଲଟାରୀ ଅଫିସରଙ୍କ ଦ୍ୱାରା ପୋଷ୍ୟ କରାଯାଏ । ୨୦୧୬ରେ ହୋଇଥିବା ପଠାନକୋଟ ଆକ୍ରମଣରେ ଭାଗ ନେଇଥିବା ରକିର ନାମ ନମଡ଼ୋଲ ପାଇଁ ସୁପାରିସ କରାଯାଇଥିଲା । ଏହାସହ ସେ କହିଛନ୍ତି, ବୀରତା ପୁରସ୍କାର ପ୍ରାପ୍ତ କୁକରକୁ ମାସକୁ ୧୫,୦୦୦ରୁ ୨୦୦୦୦ ଟଙ୍କା ପ୍ରତି ମାସ ଦିଆଯାଏ । ଉକ୍ତ ଟଙ୍କାକୁ ତାଙ୍କ ସ୍ୱାସ୍ଥ୍ୟ ଓ ଖାଇବା ଦିଗରେ ଖର୍ଚ୍ଚ କରାଯାଏ ।