ମଜୁରିଆ ବାପା ମେଧାବୀ ଝିଅ । ଇଚ୍ଛାଶକ୍ତି ଆଗରେ ହାର ମାନିଛି ବିଫଳତା,ଅଭାବ ଅଟକାଇ ପାରିନି ସ୍ୱୟଂପ୍ରଜ୍ଞାଙ୍କ ସଫଳତାର ବାଟ.
କନକବ୍ୟୁରୋ: ପିଲାଟିଏ ଜନ୍ମ ହେବା ପରେ ତାକୁ ପାଠ ପଢାଇ ଭଲ ମଣିଷ ଭଳି ଗଢି ତୋଳିବାକୁ ସବୁ ବାପା-ମାଆ ସ୍ୱପ୍ନ ଦେଖନ୍ତି । ହେଲେ ଅନେକ କ୍ଷେତ୍ରରେ ପିଲାଙ୍କ ଉତମ ଶିକ୍ଷାଦାନରେ ଅର୍ଥ ବାଧକ ସାଜେ । କିନ୍ତୁ ସବୁ ବେଳେ ଅର୍ଥାଭାବ ମେଧାବୀ ଛାତ୍ରଛାତ୍ରୀଙ୍କ ସଫଳତା ବାଟରେ ବାଧକ ହୋଇପାରନ୍ତି ନାହିଁ । ଆଉ ସେମିିତି ଘଟଣାର ଦୁଇଟି ଉଦାହରଣ ହେଉଛନ୍ତି ବାଲିପାଟଣାର ସ୍ୱଂୟପ୍ରଜ୍ଞା ସହୁ ଓ ମୟୂରଭଂଜ ଜିଲ୍ଲାର ଅଭେଷକ ଧଡା । ପେଟି ମୁଣ୍ଡାଇ ପଇସା ଆଣିଲେ ଘର ଚଳିବ, ଦୁଇ ପଇସା ବଳିରେ ଝିଅକୁ ପାଠ ପଢିବ । ସେଇ ଆଶାରେ ସକାଳୁ ରାତି ଯାଏଁ ରାଜଧାନୀର ବିଭିନ୍ନ ଅନୁଷ୍ଠାନରେ ଦିନ ମଜୁରିଆ ଭାବେ ଖଟୁଛନ୍ତି ପ୍ରଦୀପ କୁମାର ସାହୁ ।
Kanak News is now on WhatsApp
Join and get latest news updates delivered to you via WhatsApp
ବାପାଙ୍କ ପରିଶ୍ରମକୁ ଅତି ପାଖରୁ ଦେଖିଥିବା ଝିଅ ସ୍ୱୟଂ ପ୍ରଜ୍ଞା ବି ଆଶା ପୂରଣ ଦିଗରେ ଆଉ ପାଦେ ଆଗକୁ ଯାଇଛନ୍ତି । ଯୁକ୍ତ ୨ ବିଜ୍ଞାନରେ ୫୪୮ ନମ୍ବର ସହ ସଫଳ ହୋଇ ଅର୍ଥାଭାବର ପ୍ରତିବନ୍ଧକକୁ ପ୍ରତିହତ କରିଛନ୍ତି । +୨ ବିଜ୍ଞାନରେ ରାଜ୍ୟର ଦ୍ୱିତୀୟ ଓ ଜିଲ୍ଲାରେ ପ୍ରଥମ ସ୍ଥାନ ଅଧିକାର କରିଛନ୍ତି ପରିବା ଚାଷୀଙ୍କ ପୁଅ । ଅଭିଷେକ ଧଡା ବିଜ୍ଞାନରେ ସର୍ବାଧିକ ୫୭୨ ମାର୍କ ରଖି ମୟୂରଭଂଜ ଜିଲ୍ଲାର ପ୍ରଥମ ସ୍ଥାନ ହାସଲ କରିଛନ୍ତି ।
ଅଭିଷେକଙ୍କ ବାପା ଉତମ ଧଡ଼ା ଜଣେ ପରିବା ଚାଷୀ । ପୁଅକୁ ଉଚ୍ଚଶିକ୍ଷିତ କରିବା ଆଶାରେ ଚାଷଜମିରେ ମୁଣ୍ଡଝାଳ ତୁଣ୍ଡରେ ମାରି ଏକ ଘରୋଇ କଲେଜ୍ରେ ପଢାଉଥିଲେ । ଅଭିଷେକ ମଧ୍ୟ ଅକ୍ଲାନ୍ତ ପରିଶ୍ରମ କରି ବାପାଙ୍କ ପରିଶ୍ରମର ମୂଲ୍ୟ ସ୍ୱରୂପ ସଫଳତା ହାସଲ କରିଛନ୍ତି । ଦଶମ ଓ ଦ୍ୱାଦଶ ପରୀକ୍ଷା ପ୍ରତି ଛାତ୍ର ଜୀବନର ଏକ ଗୁରୁତ୍ୱପୂର୍ଣ୍ଣ ପର୍ଯ୍ୟାୟ । ଏଥିରେ ଭଲ ନମ୍ବର ରଖିଲେ ଆଗକୁ ଭଲଭଲ ଅନୁଷ୍ଠାନରେ ପାଠ ପଢିବାର ସୁଯୋଗ ମିଳେ । ହେଲେ ଅଭାବୀ ପରିବାର ମେଧାବୀ ଛାତ୍ରଛାତ୍ରୀଙ୍କ ପାଇଁ ଏସୁଯୋଗ ହାସଲ କରିବା ସେତେ ସହଜ ନୁହେଁ ।