ବିବାହ ପରେ କରନ୍ତୁ ଏହି ୫ଟି କାର୍ଯ୍ୟ ! କେବେ ହୋଇନପାରନ୍ତି ଦରିଦ୍ର
ସାଧାରଣତଃ ବିବାହ ପୂର୍ବରୁ ଏବଂ ପରେ ଅନେକ ପ୍ରସ୍ତୁତି କରିବାକୁ ପଡିଥାଏ । ଯେଉଁଥିରେ ଆପଣଙ୍କୁ ଏକ ସୁନ୍ଦର ଜୀବନଶୈଳୀ ମିଳିପାରିବ । ଆଉ ଏସବୁ ମଧ୍ୟରେ ସବୁଠାରୁ ବେଶୀ ଆବଶ୍ୟକତା ରହିଛି ଟଙ୍କାର । ଯଦି ଆପଣ ବିବାହ ପ୍ଲାନିଂ କରୁଛନ୍ତି ତେବେ ସର୍ବ ପ୍ରଥମେ ନିଜର ଆର୍ଥିକ ସ୍ଥିତିକୁ ଦେଖନ୍ତୁ । ଆଜି ଆମେ ଆପଣଙ୍କୁ ଏଭଳି କିଛି ଜିନିଷ ସଂପର୍କରେ ଜଣାଇବାକୁ ଯାଉଛୁ ଯାହା କି ବିବାହ ପରେ ଆପଣଙ୍କର କାମରେ ନିଶ୍ଚୟ ଆସିବ ।
Kanak News is now on WhatsApp
Join and get latest news updates delivered to you via WhatsApp
ଆର୍ଥିକ ସ୍ଥିତି
ସର୍ବଦା ସ୍ୱାମୀ କିମ୍ବା ସ୍ତ୍ରୀଙ୍କ ମଧ୍ୟରେ ଆର୍ଥିକ ସ୍ଥିତି ନେଇ ଖୋଲାଖୋଲି ଆଲୋଚନା କରିବା ନିହାତି ଜରୁରୀ । କାରଣ, କୌଣସି ବି ପ୍ରକାରର ଅସ୍ପଷ୍ଟତା ଗୋଟିଏ ସଂପର୍କକୁ କ୍ଷତି ପହଂଚାଇଥାଏ । ପରସ୍ପରର ଆର୍ଥିକ ଅବସ୍ଥାର ସୂଚନା ଉଭୟଙ୍କୁ ଆଗାମୀ ଦିନରେ ଖର୍ଚ୍ଚର ପ୍ଲାନିଂ କରିବାରେ ସହାୟତା କରିଥାଏ ।
କରିଥିବା ଲୋନ ସଂପର୍କରେ ଲିଖିତ ତଥ୍ୟ ରଖନ୍ତୁ
ଅଧିକାଂଶ ଲୋକ ନିଜର ଦୁର୍ବଳ ଆର୍ଥିକ ସ୍ଥିତିକୁ ସମସ୍ତଙ୍କଠାରୁ ଲୁଚାଇବାକୁ ପସନ୍ଦ କରନ୍ତି । ଋଣରେ ବୁଡିଥିଲେ ମଧ୍ୟ ଅନ୍ୟ ଆଗରେ ନିଜକୁ ଗୋଟିଏ କୋଟିପତି ଭାବେ ପ୍ରେଜେଂଟ କରିଥାନ୍ତି । ଯାହାକି ଦୀର୍ଘ ସମୟ ଯାଏଁ ଆପଣଙ୍କର ନୂଆ ସଂପର୍କରେ ସହାୟତା କରିନଥାଏ । ପରସ୍ପରର ଫାଇନ୍ସିଆଲ ଲାଇବିଲିଟି, ଲୋନ, ଦାୟିତ୍ୱ ସହ ସ୍ୱାମୀ-ସ୍ତ୍ରୀଙ୍କୁ ବିବାହ ପରେ ଆଶ୍ଚର୍ଯ୍ୟ ଚକିତ ନହେବା ଉଚିତ । କାରଣ, ଲୋନ କିମ୍ବା ଫାଇନ୍ସିଆଲ ଲାଇବିଲିଟି କୌଣସି ଲଜ୍ଜାଜନକ କଥା ନୁହେଁ ।
ବ୍ୟାଙ୍କ ଖାତା ସଂପର୍କିତ ଆଲୋଚନା କରନ୍ତୁ
ଉଭୟଙ୍କ ମଧ୍ୟରେ ନିଜର ସମସ୍ତ ବ୍ୟାଙ୍କ ଖାତାର ବିବରଣୀ ସଂପର୍କରେ ଆଲୋଚନା କରିବା ଉଚିତ । ଏହାବ୍ୟତୀତ ଆପଣ ଆପଣଙ୍କ ଜୀବନସାଥୀଙ୍କ ପାଇଁ ବି ଗୋଟିଏ ଖାତା ଖୋଲି ପାରିବେ । ଯଦି ତାଙ୍କ ନିକଟରେ କୌଣସି ଖାତା ନାହିଁ କିମ୍ବା ଆପଣ ଏକ ଜଏଂଟ ଆକାଉଂଟକୁ ଖୋଲି ପାରିବେ । ଏହାଦ୍ୱାରା ସଂଚୟ ଏବଂ ବ୍ୟୟ ମାମଲାରେ ଉଭୟଙ୍କୁ ଆର୍ଥିକ ରୂପରେ ପରସ୍ପରଙ୍କର ସ୍ଥିତି ସଂପର୍କରେ ଜାଣିବାରେ ସହାୟତା ମିଳିବ ।
ଟଙ୍କା ନିବେଶ କରନ୍ତୁ
ଯେତେବେଳେ ଆପଣ ଏକୁଟିଆ ଥିବେ, ସେତେବେଳେ ଆପଣ ଇନଭେଷ୍ଟମେଂଟ କରିବାକୁ ଇଚ୍ଛାପ୍ରକାଶ କରୁନଥିବେ, କିମ୍ବା ଆପଣ ରିଟର୍ଣ୍ଣ-ବ୍ୟାକୱାଡ ପଲିସିଗୁଡିକରେ ଆପଣଙ୍କର ଟଙ୍କା ନିବେଶ କରିପାରିବେ । କାରଣ ବିବାହ ପରେ ଆପଣଙ୍କୁ ନିବେଶ କରିବା ମାମଲା ଅଧିକ ଯତ୍ନବାନ ହେବାକୁ ପଡିବ । ଯାହାଦ୍ୱାରା ଭବିଷ୍ୟତର ଆବଶ୍ୟକତା କିମ୍ବା ଅସୁବିଧାକୁ ସାମ୍ନା କରିବାରେ ଆପଣଙ୍କ ପାଇଁ ସହଜ ହୋଇପାରେ ।
ଅଜଥା ଟଙ୍କା ଖର୍ଚ୍ଚ କରନ୍ତୁ ନାହିଁ
ଟଙ୍କା ଏଭଳି ଏକ ଜିନିଷ ଯାହା ଆସେ କେତେବେଳେ ଆଉ ଯାଏଁ କେତେବେଳେ ତାର ହିସାବ କରିବା ବହୁତ ଜଟିଳ ହୋଇଥାଏ । ଏଥିପାଇଁ ଟଙ୍କାକୁ ସାବଧାନତାର ସହକାରେ ଖର୍ଚ୍ଚ କରିବା ଦରକାର । ଏହାଦ୍ୱାରା ଅର୍ଥର ଦୁରୁପଯୋଗରୁ ମୁକ୍ତି ମିଳିଥାଏ । ତେବେ ଆପଣ ଅଜଥା ଖର୍ଚ୍ଚରୁ ରକ୍ଷା ପାଇଁବା ପାଇଁ ପ୍ରତ୍ୟେକଟି ଖର୍ଚ୍ଚ ପାଇଁ ଏକ ବଜେଟ୍ ବି ତିଆରି କରିପାରିବେ ।