କେକେଆରର ହୋଲି ଉପହାର । ନୂଆ ଜର୍ସି ଲଞ୍ଚ କଲା କୋଲକାତା ନାଇଟ ରାଇଡର୍ସ, ନୂଆ ଜର୍ସିରେ ନଜର ଆସିଲେ ଅଧିନାୟକ ଶ୍ରେୟସ ।
କନକ ବ୍ୟୁରୋ : ଆଇପିଏଲକୁ ଆଉ ଦିନ କେଇଟା ବାକି ଅଛି । ମାର୍ଚ୍ଚ ୨୬ରେ ଚେନ୍ନାଇ ସୁପର କିଙ୍ଗସ ଓ କୋଲକାତା ନାଇଟ ରାଇଡର୍ସ ମଧ୍ୟରେ ଉଦଘାଟନୀ ମ୍ୟାଚ୍ ଖେଳାଯିବ । ଆଉ ଏହି ଉଦଘାଟନୀ ମ୍ୟାଚ୍ ପୂର୍ବରୁ କୋଲକାତା ନାଇଟ ରାଇଡର୍ସ ନିଜର ନୂଆ ଜର୍ସି ଲଞ୍ଚ କରିଛି । ଟିମର ନୂଆ ଅଧିନାୟକ ଶ୍ରେୟସ ଆୟର ଏହି ନୂଆ ଜର୍ସିରେ ନଜର ଆସିଛନ୍ତି । ଯାହାର ଭିଡ଼ିଓ କୋଲକାତା ନାଇଟ ରାଇଡର୍ସ ନିଜର ଟ୍ୱିଟର ପେଜରେ ସେୟାର କରିଛି । ପବିତ୍ର ହୋଲି ଅବସରରେ ଏହି ନୂଆ ଜର୍ସି ଲଞ୍ଚ କରିଛି କେକେଆର । ଏହାସହ ହୋଲି ସେଲିବ୍ରେସନ ମଧ୍ୟ କରିଥିଲେ ଶ୍ରେୟସ ।
Kanak News is now on WhatsApp
Join and get latest news updates delivered to you via WhatsApp
KKR 2022 Official Jersey Reveal
We know you’ve all been waiting for it. Our threads for #IPL2022 is here #KKRHaiTaiyaar with @StayWrogn pic.twitter.com/rHtUpyuDZr
— KolkataKnightRiders (@KKRiders) March 18, 2022
ଜର୍ସି ଲଞ୍ଚ ସହ କୋଲାକାତା ନାଇଟ ରାଇଡର୍ସର ନୂଆ ଅଧିନାୟକ ଶ୍ରେୟସ ଆୟର ଫଟୋ ସୁଟ୍ ମଧ୍ୟ କରିଛନ୍ତି । ଯାହାର ଫଟୋ ଓ ଭିଡ଼ିଓ ସୋସିଆଲ ମିଡ଼ିଆରେ ସେୟାର କରିଛି କେକେଆର । ଯାହାକୁ କୋଲକାତାର ପ୍ରଂଶସକ ବେଶ ପସନ୍ଦ କରିଛନ୍ତି ।
in our fresh #IPL2022 kit @ShreyasIyer15 #KKRHaiTaiyaar #ShreyasIyer #KKR pic.twitter.com/fgmYH1zfiS
— KolkataKnightRiders (@KKRiders) March 18, 2022
ଗତଥର କୋଲକାତା ନାଇଟ ରାଇଡର୍ସ ରନର୍ସ ଅପରେ ସନ୍ତୁଷ୍ଟ ହୋଇଥିଲା । ଦଳର ପ୍ରଦର୍ଶନ ପ୍ରଥମରୁ ଭଲ ନଥିଲେ ମଧ୍ୟ ଶେଷ ଆଡକୁ ଦମଦାର ପ୍ରଦର୍ଶନ କରି କୋଲକାତା ଫାଇନାଲରେ ସ୍ଥାନ ପକ୍କା କରିଥିଲା । କିନ୍ତୁ ଫାଇନାଲ ମୁକାବିଲାରେ ଚେନ୍ନାଇ ଠାରୁ ମାତ୍ ଖାଇଥିଲା କୋଲକାତା । ଆଉ ଏହାପରେ ଦଳ କ୍ୟାପଟେନ ପଦରୁ ଇଅନ ମୋର୍ଗାନଙ୍କୁ ହଟାଇଥିଲା। ଚଳିତଥର ମହାନିଲାମୀରେ ଅଧିନାୟକ ଦାୟିତ୍ୱ ତୁଲାଇ ପାରୁଥିବା ଖେଳାଳୀଙ୍କୁ ଦଳରେ ସାମିଲ କରିବାକୁ ନଜର ରଖିଥିଲା କୋଲକାତା । ଆଉ ମହାନିଲାମୀରେ ଶ୍ରେୟସଙ୍କ ନାଁରେ ମୋହର ମାରିଥିଲା କୋଲକାତା । ଶ୍ରେୟସଙ୍କୁ ୧୨.୨୫ କୋଟି ଟଙ୍କାରେ କିଣିଥିଲା କୋଲକାତା । ପୂର୍ବରୁ ଯେହେତୁ ଶ୍ରେୟସ ଦିଲ୍ଲୀ ଦଳର ଅଧିନାୟକ ଦାୟିତ୍ୱ ତୁଲାଇ ସାରିଛନ୍ତି ତେଣୁ କୋଲକାତା ଶ୍ରେୟସଙ୍କ ଉପରେ ଭରସା କରିବା ସହ ଦଳରେ ସାମିଲ କରିଥିଲା । ଏହାଛଡା ଶ୍ରେୟସ ଏବେ ଦମଦାର ଫର୍ମରେ ରହିଛନ୍ତି । ତେଣୁ ଚଳିତ ସିଜିନରେ ଶ୍ରେୟସଙ୍କ ବ୍ୟାଟରୁ ବିଧ୍ୱଂସୀ ଇନିଂସ ଦେଖିବାକୁ ମିଳିପାରେ ବୋଲି କୁହାଯାଉଛି ।