ରାଜଧାନୀ ରାଜରାସ୍ତାରେ ମେଳି କଲେ କିନ୍ନର। ଦୁଇଗୋଷ୍ଠୀ ମଧ୍ୟରେ ବିବାଦ ପରେ ସରକାର ଦେଉଥିବା ପାଣ୍ଠି ହଡପ ନେଇ ଅଭିଯୋଗ।
କନକ ବ୍ୟୁରୋ: ଭୁବନେଶ୍ୱରରେ ଗର୍ଜିଛନ୍ତି ଶହ ଶହ କିନ୍ନର । ଅନ୍ୟ ଏକ କିନ୍ନର ସଂଗଠନ ବିରୋଧରେ ପ୍ରତିବାଦ କରିଛନ୍ତି । ସେହି ସଂଗଠନର ମୁଖ୍ୟ ଥିବା କିଛି ବ୍ୟକ୍ତିଙ୍କ ନାଁରେ ସଙ୍ଗୀନ ଅଭିଯୋଗ ଆଣିଛନ୍ତି । କିନ୍ନରମାନଙ୍କ ପାଇଁ ସରକାର ଦେଉଥିବା ସହାୟତା ରାଶିକୁ ହଡପ କରାଯାଉଥିବା ଅଭିଯୋଗ ସହ ଏହାର ସିବିଆଇ ତଦନ୍ତ ଦାବୀ କରିଛନ୍ତି ରାଜ୍ୟର ବିଭିନ୍ନ ପ୍ରାନ୍ତରୁ ଆସିଥିବା ଏହି କିନ୍ନର ।
Kanak News is now on WhatsApp
Join and get latest news updates delivered to you via WhatsApp
ଯାଜପୁର ପାଣିକୋଇଲିରେ ଥିବା ଟୋଲ ଗେଟ୍ ଭଦ୍ରକ ଜିଲାକୁ ସ୍ଥାନାନ୍ତରିତ ହେବା ପରେ ସେଠାରେ ଯାତ୍ରୀଙ୍କଠାରୁ ଟଙ୍କା ମାଗିବାକୁ ନେଇ ଆରମ୍ଭ ହୋଇଥିବା ବିବାଦ ଏବେ ରାଜଧାନୀରେ ପହଞ୍ଚିଛି । ଦୁଇ କିନ୍ନର ସଂଗଠନ ଏବେ ମୁହାଁମୁହିଁ ଅବସ୍ଥାକୁ ଆସିଥିବା ବେଳେ ଆଗକୁ ବିପକ୍ଷ ଗୋଷ୍ଠୀ ମଧ୍ୟ ତାଙ୍କ ଶକ୍ତି ପ୍ରଦର୍ଶନ ପାଇଁ ପ୍ରସ୍ତୁତ ହେଉଥିବା ସୂଚନା ମିଳିଛି ।
ଗୁରୁତ୍ୱପୂର୍ଣ୍ଣ କଥା ହେଉଛି, ଏହି ଆନ୍ଦୋଳନର ନେତୃତ୍ୱ ନେଉଥିବା କିନ୍ନରଙ୍କ ମଧ୍ୟରୁ ମେନକା କିନ୍ନର ବିଜେପିର ଜଣେ କର୍ମୀ ହୋଇଥିବା ବେଳେ, ବିପକ୍ଷ ଗୋଷ୍ଠୀର ମୀରା କିନ୍ନର ବିଜେଡିର ଜଣେ ସକ୍ରିୟସଭ୍ୟ । ତେଣୁ ବିବାଦ ଆଗକୁ ରୋଚକ ହେବ ବୋଲି ଚର୍ଚ୍ଚା ହେଉଛି ।