ଗୁଜରାଟ ପରେ ଆପ୍ ଫୋକସରେ କର୍ଣ୍ଣାଟକ, ବିଧାନସଭା ନିର୍ବାଚନ ପାଇଁ ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କଲା ଦଳ
କନକ ବ୍ୟୁରୋ : କର୍ଣ୍ଣାଟକ ବିଧାନସଭା ନିର୍ବାଚନ ତାରିଖ ଘୋଷଣା ସରିବା ପରେ ଏବେ ସମସ୍ତ ରାଜନୈତିକ ଦଳମାନେ ପ୍ରସ୍ତୁତି ଆରମ୍ଭ କରିଦେଇଛନ୍ତି । ପୂର୍ବ ନିର୍ବାଚନଗୁଡିକରେ ବିଶେଷ ଭାବେ କଂଗ୍ରେସ, ଜେଡିଏସ ଓ ବିଜେପି ମଧ୍ୟରେ ଟକ୍କର ଦେଖିବାକୁ ମିଳୁଥିଲା । ହେଲେ ଚଳିତ ବିଧାନସଭା ନିର୍ବାଚନରେ ପ୍ରଥମଥର ପାଇଁ ଆମ୍ ଆଦମୀ ପାର୍ଟି କର୍ଣ୍ଣାଟକ ବିଧାନସଭା ନିର୍ବାଚନରେ ଭାଗ ନେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଆମ୍ ଆଦମୀ ପାର୍ଟି ତରଫରୁ ଶୁକ୍ରବାର ଦିନ ଦ୍ୱିତୀୟ ପର୍ଯ୍ୟାୟରେ ୬୦ ଟି ବିଧାନସଭା ପାଇଁ ପ୍ରାର୍ଥୀ ତାଲିକା ଘୋଷଣା କରିଛି । ଦେଶର ଦକ୍ଷିଣ ଭାଗରେ ଥିବା କର୍ଣ୍ଣାଟକ ଉପରେ ଅନେକଦିନ ଆଗରୁ ଆପ୍ ନଜର ରଖିଛି । ନିର୍ବାଚନକୁ ଦୃଷ୍ଟିରେ ରଖି କର୍ଣ୍ଣାଟକରେ ଅନେକ ରାଲି କରିସାରିଛନ୍ତି ଆମ୍ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ । ଦଳ ତରଫରୁ ପ୍ରଥମ ପର୍ଯ୍ୟାୟରେ ୮୦ଟି ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଥିଲା ।
ସେପଟେ ଆଜି ୬୦ ଟି ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିବା ପରେ ଦଳ ଏପର୍ଯ୍ୟନ୍ତ ମୋଟ ୧୪୦ଟି ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି । ଦଳ ତରଫରୁ କର୍ଣ୍ଣାଟକର ସମସ୍ତ ୨୨୪ ଆସନରେ ପ୍ରାର୍ଥୀ ଦେବାକୁ ଘୋଷଣା କରିଥିଲା ।
Aam Aadmi Party (AAP) releases second list of 60 candidates for the upcoming #KarnatakaElections2023 pic.twitter.com/tnL9vAy2Uz
— ANI (@ANI) March 31, 2023
ଆପ୍ ର ପ୍ରାର୍ଥୀ ତାଲିକାରେ ମୁଖ୍ୟତଃ ସୁପ୍ରିମକୋର୍ଟର ଓଳିଲ ବୃଜେଶ କଲପ୍ପା ଚିକପେଟ ଆସନରୁ ନିର୍ବାଚନ ଲଢିବେ । ବୃହତ ବେଙ୍ଗାଲୁରୁ ମହାନଗର ପାଲିକେର ପୂର୍ବତନ ଅଧିକାରୀ କେ,ମଥାଇ ଶାନ୍ତିନଗର ଆସନରୁ ନିର୍ବାଚନ ଲଢିବେ । ସେହିଭଳି ବି.ଟି ନାଗନ୍ନା, ମୋହନ ଦସାରୀ, ଶାନ୍ତଲା ଦାମଲେ ଓ ଅଜୟ ଗୌଡା ଭଳି ପରିିଚିତ ଚେହେରାଙ୍କୁ ଦଳ ପ୍ରାର୍ଥୀ କରିଛି ।