କନକ ବ୍ୟୁରୋ : କଳାହାଣ୍ଡି ଜିଲ୍ଲାରେ ନାବାଳିକାକୁ ଜୀଅନ୍ତା ପୋଡି ହତ୍ୟା ଉଦ୍ୟମ ମାମଲାର ତଦନ୍ତ କରିବ କ୍ରାଇମବ୍ରାଂଚ । ଏହି ଘଟଣାରେ ନର୍ଲା ଥାନା ପୁଲିସ ହତ୍ୟା ମାମଲା ରୁଜୁ କରି ଦୁଇ ଅଭିଯୁକ୍ତଙ୍କୁ ଧରିଥିବାବେଳେ କ୍ରାଇମବ୍ରାଂଚ ଏହାର ତଦନ୍ତ ଆରମ୍ଭ କରିବ । କ୍ରାଇମବ୍ରାଂଚର ଜଣେ ମହିଳା ଇନସପେକ୍ଟରଙ୍କ ସମେତ ଚାରି ଜଣ ଅଧିକାରୀ ଆଜି ନର୍ଲାରେ ପହଂଚି ଏହି ଘଟଣାର ତଦନ୍ତ କରିବେ ।
Kanak News is now on WhatsApp
Join and get latest news updates delivered to you via WhatsApp
ତଦନ୍ତ ବେଳେ ରସୁଲଗଡ ସ୍ଥିତ ଫରେନସିକ ଲ୍ୟାବର ଅଧିକାରୀ ମଧ୍ୟ କ୍ରାଇମବ୍ରାଂଚକୁ ତଦନ୍ତ ପ୍ରକ୍ରୀୟାରେ ସହଯୋଗ କରିବେ ବୋଲି ଜଣାପଡିଛି । କଳାହାଣ୍ଡି ଜିଲ୍ଲା ନର୍ଲାର ମଧୁପୁରରେ ଗତ ବୁଧବାର ଦିନ କମେଂଟ ମରାକୁ ନେଇ ଜଣେ ନାବାଳିକା ଜିଅନ୍ତ ପୋଡି ହତ୍ୟା ଉଦ୍ୟମ କରିଥିଲେ ତାଙ୍କ ସମ୍ପର୍କୀୟ ମାମୁଁ ।
ପୀଡିତା ନାବାଳିକାଙ୍କ ସମ୍ପର୍କୀୟ ମାମୁଁ ସାନା ସାହୁ ଓ ବୁଲୁ ଦାସଙ୍କୁ ପୁଲିସ ଗିରଫ କରି ତାଙ୍କ ବାପା, ମା’ଙ୍କ ସମତେ ୬ଜଣଙ୍କୁ କୋର୍ଟ ଚାଲାଣ କରାଯାଇଛି । ସେପଟେ ପୀଡିତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ମେଡିକାଲରୁ ରାଉରକେଲା ଆଇଜିଏଚକୁ ସ୍ଥାନାନ୍ତରିତ କରାଯାଇଛି । ଏହା ସହିତ ଦେଖନ୍ତୁ ଏହି ଭିଡିଓ :